【男神女神西多?食完好滿足!】
2017年08月12日09:21

超厚多士!

香港創意特色食物越來越多,厚西多士已經進化到創新甜品。呢間小店牌面十分醒目,用左勁有童年回憶既跳飛機,令人未食野已經大有期待!係元朗開咗一間特色既小店,除咗賣粉麵飯和小食外,最特別既係有鹹有甜既創新西多,食完飯唔駛轉場再食甜品都得!

▲傳聞中既男神厚西多士伴雪糕($52):有士多啤梨、奇異果及藍梅,賣相色彩鮮艷,有花生粒和燕麥放係表面,再加上朱古力醬,你既眼球會深深愛上佢。咬入口後,發現裡面有棒子醬夾心,每一口都好有質感。

▲有男神,點少得女神西多士伴雪糕 ($52):顧名思義以粉紅色做賣相,有士多啤梨雪糕,幾片士多啤梨做襯托,加上士多啤梨醬,溶化咁多位Pink Lady既心。

▲「真。醇乳酪冰沙」系列士多啤梨乳酪沙冰 ($30):沙冰份量足,味道很清新香滑,好適合夏天飲,乳酪係自家製作,所以比一般的乳酪更加健康。

▲香脆芝士餅卷($36):受到唔少人既歡心,孜然雞肉配胡麻菜絲沙律,入面有好多芝士,啱曬芝士控既朋友,食落去好惹味,芝士餅卷仲可以揀泡菜豬肉、洋蔥煙肉、粟米蟹柳和紫菜肉鬆味。

小寶當家

地址: 元朗建業街88號仁義大廈地下C號舖

電話: 2698 3188

文字來源:香港人.遊香港/圖片來源:cigar_polisherrainkoleungikolas_cook_housikolas

這篇文章 【男神女神西多?食完好滿足!】 最早出現於 香港人遊香港

原文連結︰http://hkppltravel.com/?p=24469

更多新聞