【小清新!閏密專享下午茶】
2017年10月13日09:08

接近年尾工作特別忙碌,呢個週日小編到art centre 6樓的餐廳high tea。餐廳以木材工業風為主的設計,面對維多利亞海景,小編難得偷得浮生半日閒情歎呢個清新花果下午茶,一直都好欣賞呢度意大利粉、pizza,估唔到今次下午茶質素亦唔錯,樣樣貫徹清新呢個主題,食物的感動能洗滌心靈。

▲今次Assaggio Trattoria Italiana聯乘美妝品牌Jurlique,推出「花果.草本」清新下午茶 ($288*兩位用)

▲職員先將果味水同英式鬆餅上台,之前盛極一時Detox water呢度都有得飲,一飲暑氣全消,以薑片、青瓜、檸檬及蜜糖沖製,不過小編覺得果味Detox water可能比較適合。仲有呢度既,食1個再飲啖Detox water就唔覺好膩。

▲ 最令小編驚喜既係,新鮮出爐英式鬆餅,上台時仲係微暖,口感鬆化味濃,最值得讚既係佢個size 細細個,而且仲可以唔夠喉仲可以無限加!佢地既濃厚奶油、自家製草莓及橘子醬亦非常滋味!

▲Assaggio手製麵包、麵食及小編不嬲都好欣賞,今次仲配合Jurlique全新沐浴露及身體乳的四大花果及草本植物主題,調配出唔同既食物。左起白朱古力檸檬蛋糕、香橙雲呢嗱泡芙呢2個柑橘系列,前者將白朱古力同檸檬互相搭配,唔會覺得死甜之餘有份檸檬幽香散發出黎。而後者香橙雲呢嗱泡芙,泡芙配香橙呢個新鮮組合都係第一次食!

▲不過甜品黎講小編都係特別鐘意呢個薰衣草馬卡龍,馬卡龍著重即整要即日食用,粉紫色既薰衣草馬卡龍 造工精緻、個子優雅,而且顏色夢幻,味道香氣十足而帶餘韻。而杏仁糖玫瑰花小編就覺得有d太甜,不過勝在形象夠可愛。

▲咸點方面,其實樣樣都好好食!尤其呢個自家風乾車厘茄羅勒香蒜包,風乾車厘茄加上口味豐富既茄醬,令人一試難忘,羅勒香蒜拌入麵包加上酵母的作用,令麵包層次完全提升,加上表面芝士碎實在滋味無比!

▲鼠尾草鹽味爆谷亦整到卜卜脆,同一般爆谷唔同,一粒接一粒食確係好快食哂!

▲餐廳以木材工業風為主的設計,星期日的下午唔算多人,正好約兩三知己黎high tea !

▲凡惠顧「花果.草本」清新下午茶($288*兩位用),每位即可獲贈Jurlique皇牌玫瑰草本身體滋潤乳霜(15ml)一支

Assaggio x Jurlique「花果.草本」清新下午茶

限定日期:9月29日起至10月29日(逢星期五、六、日及公眾假期下午3時至5時半)

地點:Assaggio Trattoria Italiana

地址:香港藝術中心6樓

電話:+852 2877 3999

文字/圖片來源:香港人.遊香港

相關文章:

【瘋狂食青口】

【跑馬地精品歐陸雜貨店歎Dry-aged Beef】

更多新聞