【#澳網】網壇會重新洗牌定延續壟斷局面?
2018年01月12日11:56
0
0
澳網 首個體壇大賽

眨下眼已經2018,係度先祝大家開開心心、身體健康。新一年標誌住體壇首個盛事好快就會展開 - 澳洲網球公開賽。作為體壇頭炮既澳網,有地獄賽事之稱,因為除左技術較量之外,身體質素同體能同樣重要。一月份雖則大家會著住羽絨睇直播,但墨爾本當地正值炎炎夏日,氣溫會高達甚至超過40度,係呢種環境之下打3至5個鐘頭比賽,就算經過專人訓練都未必頂得順,曾經有唔少球手打打下中暑、暈低,被迫退出比賽,更有球手直指比賽不人道,可想而知係幾咁惡打。

酷熱天氣下比賽有選手中暑

globalnews
globalnews

講起網球,無論你係咪網球迷,第一時間都會諗起兩個耳熟能詳既人 - 拿度、費達拿,呢兩個網球天王猶如足球壇美斯、C朗一樣叱咤風雲,名氣、地位零舍高人一大截。兩位大師係網球壇黎講稱得上係老將,特別係費達拿,今年已經36歲,2016年兩個雙雙陷入職業生涯低谷,飽受傷患以及低迷狀態困擾,全年表現非常差,加上年紀開始大,不禁令人猜測兩個網球天王時代會唔會就此黯然終結。殊不知轉個頭過個年,雙雙強勢回歸,各自贏左兩個大滿貫錦標(費達拿 - 澳網&溫網冠軍、拿度 - 法網&美網冠軍),兩人包辦網壇四大滿貫最高殊榮,世界排名重上頭1、2名(拿度No.1,費達拿No.2),證明網球天下仍然由兩大人物支配。當然仲有迪祖高域同梅利,合稱四大天王。

兩大名將重返世界巔峰

eurosport
eurosport

網壇來來去去幾個名,但唔代表冇後起之秀挑戰四大天王。17年ATP年終賽有位球手哥芬先後擊敗拿度&費達拿,殺入決賽,亦係唯一一位年內淘汰世界一二哥既人。決賽之中哥芬以局數1:2不敵另一個後起之秀迪米杜夫,後者係19年來首個第一次參加ATP年終賽就拎到冠軍既球手。賽後迪米杜夫世界排名升上第3位,僅次於兩大天王,而哥芬就升至第7位。黎緊一年值得留意下呢兩位冒起既新星,會唔會為網壇帶黎新衝擊,與此同時仲要留意一批有實力有經驗既黑馬,例如華域加、迪普祖、施歷等等,有能力挑戰四大天王。

接連擊敗世界一二哥既人 - 哥芬

atpworldtour
atpworldtour

ATP最後贏家 - 迪米杜夫

talksport
talksport

上年好多球手分別受左傷,而且傷勢唔輕,康復情況唔樂觀,趕唔趕得切或者有冇態復出參加澳網到目前為止仍然未有答案。

梅利

自溫網8強hip位傷到而家,康復進度一直唔理想。係上星期梅利正式宣佈退出今屆澳網,專心養傷,而且有幾間傳媒表示梅利或者今年內都無法比賽,睇黎真係傷得唔輕。

梅利曾經表示手術會係第二個康復選擇

螢幕快照 2018-01-05 上午11.52.33
螢幕快照 2018-01-05 上午11.52.33

錦織圭

呢位亞洲一哥早前已經宣佈因右手手腕受傷退出澳網,係最早確定缺席既球手之一。

錦織圭接受手腕治療

螢幕快照 2018-01-05 下午12.31.06
螢幕快照 2018-01-05 下午12.31.06

華域加

呢位世界排名第9既老將同樣自溫網膝頭受傷,而且冇乜跟進消息,唯一好消息係佢宣佈會參加 Tie Break Tens賽事。賽後佢宣佈復出,會參加本年度澳網,但狀態方面仲未完全滿意,需要繼續調整。

華域加自溫網膝頭受傷

0
0

迪祖高域

自7月份手肘受傷至今,5個月以黎連球拍都少拎。本來各大媒體都唔睇好呢位奪冠次數最多既球手可以趕及復出,但迪祖高域以行動證明驚人既恢復速度,係日前既熱身賽終於重拾球拍,以壓倒性姿態贏波,賽後佢本人都表示自己狀態非常唔錯,並話係墨爾本見。

迪祖高域接受傷後康復治療

22491723_1644906355562209_7941381477024050077_n
22491723_1644906355562209_7941381477024050077_n

拿度

因為膝傷緣故,退出阿布扎比表演賽&布里斯本網球賽,傷勢似乎唔輕。最近佢係IG貼左張相話 Australian open on my way,即係呢位世界一哥將會復出。

網球一哥宣佈復出

螢幕快照 2018-01-04 下午5.55.56
螢幕快照 2018-01-04 下午5.55.56

費達拿

成個2017年身體健康直到而家,證明左揀波打既決定絕對正確。

2017年費天王收歸兩個大滿貫錦標

螢幕快照 2018-01-05 下午12.10.48
螢幕快照 2018-01-05 下午12.10.48

希望選手狀態可以盡快調整好,始終有競爭先有好波睇,而且作為體壇第一件盛事,梗係要開個靚頭,大家都唔想因為傷患而影響賽事觀賞性,對不對?

再一次祝大家新一年健健康康!

(image source: globalnews, eurosport, talksport, atpworldtour, si)

(28)

這篇文章 【#澳網】網壇會重新洗牌定延續壟斷局面? 最早出現於 MENTALK 有班男人

更多新聞