【激平$38火鍋湯底彈牙多汁手打牛肉丸】
2018年04月15日12:05

呢間新開嘅旺角火鍋店,主打台灣藥膳湯底,新張期內有機會以 $0或者$38享用佢地嘅招牌湯底!配料方面最出色嘅一定係餐廳自家製嘅100%手打牛肉丸,唔只牛味濃,而且咬落去仲夠曬彈牙多汁,必點!

▲一坐低店員會先俾調味料俾你地自己混醬!除咗一般嘅蒜蓉、蔥、辣椒之外,店員仲會特登教你「三分香醋加七分豉油」就最好味喇!

▲招牌藥膳紅燒牛肉湯底 ($168) 一上枱已經聞到陣陣嘅藥材香味,驟眼睇已經有八角、桂皮、杞子、黨蔘同紅棗等多種中藥材料,藥膳湯藥味唔會過濃,易入口。湯底入面已有不少牛肉,而且炆得軟腍,帶少少脂肪,好好味,未食配料已經先將牛肉掃清光!

▲回到味來牛拼盤 ($158) 拼盤有牛肉丸、牛筋丸同牛肉餅,全部都係店家,由自家牛肉工場嘅牛肉打成,牛丸爽口彈牙,而且肉汁豐富,牛餅外型有點兒似牛肉版嘅札肉,但食落比扎肉更有口感且牛味濃,喺出面好少見!

▲即炸響鈴 ($58) 響鈴上枱時熱辣辣脆卜卜,喺湯底輕輕一拖,吸曬藥膳湯之後非常正。

▲安格斯頂級肥牛 ($198) 牛肉擺盤好有心思,有由牛肉製成嘅小花,牛肉雪花分佈均勻,就算淥耐左都唔會韌。

▲蔬菜拼盤 ($58) 蔬菜種類非常豐富,有冬菇、粟米、金菇、生菜、娃娃菜、菜心同白菜,而且全部都好新鮮!

▲手工餃拼盤 ($46) 同樣係由店家自家製嘅拚盤,有韭菜餃、菜肉餃同鮮蝦雲吞,全部都皮薄且餡料飽滿。

▲薑茶水中花 ($38) 超考師傳刀工嘅水中花其實係由豆腐製成,配上香濃嘅薑糖水,感覺就好似薑汁豆腐花一樣。見到豆腐花瓣喺糖水中浮游,感覺相當治癒!

新張期內,所以當日頭15位訂座嘅客人可以$0蚊享用任何湯底或以$288蚊優惠價嘆原條象拔蚌刺身!優惠詳情可以去番 回到味來Facebook專頁 查詢。

回到味來

地址:九龍旺角彌敦道594-596號新城大廈3樓

時間:星期一至日 17:00-02:00

電話:5922 2669

文字來源/圖片來源:香港人.遊香港

相關文章:

【高質海鮮邊爐任食!】

【太古城以外中價日本菜!】

更多新聞