【夫妻之道】人夫冇湯飲 狂呻唔個點同老婆行落去
2018年05月17日19:10

日前有一篇引起網民激烈討論嘅文章,內容係一名人夫呻太太一個星期只煮兩三次飯,想飲啖湯水都冇得飲,最後仲因為咁話:「唔知點同佢行落去!」夫妻之道就係咁?婚姻點解會咁脆弱呢?

撰文:Sunday Kiss 圖片:myTV SUPER

延伸閱讀:

【兒童高危】本港確診麻疹個案 症狀像感冒 潛伏期可長達21天

熊黛林產後水腫嚴重 自嘲「豬蹄」塞唔入高踭鞋

老婆煲湯煮飯好應該?

呢位人夫應該一個人擔起頭家嘅,所以就覺得「返工咁辛苦,放咗工返屋企,想食個飯飲啖湯,攤抖吓」。同埋太太既然主力喺屋企湊小朋友,煮飯煲湯嘅任務,自然係交俾佢。

夫妻之道
夫妻之道
想飲啖湯啫!

太太:「想飲自己買!」

人夫既然呻得,當然會有理由嘅,佢話太太一個星期先煮得兩日飯,其他都係買外賣,就算係煮嘅都係「簡單嘢」,終於忍唔住開口叫太太煲啖湯濕吓個口,點知太太話煲湯好嘥時間,要湊小朋友又睇唔到火,叫佢如果想飲嘅就自己買。

湊仔點睇火呀!

人夫聽到,當然好失望啦!事關佢想飲湯,都係想健康啲啫,飲出面啲味精湯,飲嚟都冇用⋯⋯講到呢到,人夫就嘆咗口氣,仲話:「真係唔知點同佢行落去啦!」

你咁我點同你行落去呀!

文章一出,網民隨即展開激烈討論!有人就撐人夫,話煲煲湯要幾多時間,唔想睇火就用電磁爐、高速煲!男人出去捱好辛苦!有人就撐太太,話女人喺屋企湊仔大都好辛苦,啲男人唔識體諒,為啖湯就話唔知點行落去,不如娶個湯煲或者工人姐姐啦!

其實唔好話為碗湯,兩夫妻喺個家庭裡面都有自己嘅崗位,有時都應該退一步,互相體諒一下啦!

下一頁 女兒在Salon隨地小便 台媽話:「我係消費者!點解要我處理?」

延伸閱讀:

親子好去處 一家三口二百蚊留港hea宿營

更多新聞