拆解牛奶5大疑惑 日本醫生教你點飲牛奶唔肚瀉
2018年06月05日07:50

【最新研究】早前同大家分享過雞蛋、咖啡嘅好處,今次就講下牛奶啦!唔少人飲牛奶會肚屙,但原來注意一下飲法,就唔會引致肚瀉!牛奶仲有消暑、解酒、降血糖等好處!一齊睇睇醫生點拆解大眾對牛奶嘅疑惑,同牛奶嘅營養價值啦!

撰文:Carmen@新假期 |圖片來源:《林修の今でしょ!講座》

延伸閱讀:

【親子好去處】香港10大靚景沙灘2018!一級水質+隨時撞到明星!

自助餐優惠 尖沙咀買一送一酒店自助餐!3小時任食生蠔+片皮鴨+燒牛肉

關於牛奶的5大疑惑

1|飲牛奶會肚瀉?

的確,成日會聽到有人話飲牛奶會飲壞肚,一飲就瀉。醫生就話,一飲牛奶就瀉嘅人,係有「乳糖不耐症」,意即小腸內能分解乳糖嘅酵素含有量較少,而呢類人士唔係唔飲得牛奶,只係需要多少少步驟。

牛奶
牛奶
飲牛奶會肚瀉的節目受訪者。
有人飲牛奶冇事,但有人飲完會肚瀉?
醫生就話,一飲牛奶就瀉嘅人,係有「乳糖不耐症」。
乳糖需經由小腸嘅酵素分解,才可被身體吸收。
分解乳糖嘅酵素成分較少嘅人,飲牛奶會容易肚瀉。

飲牛奶唔飲壞肚嘅方法有2種,一係逐啖逐啖咁慢慢飲,一係將牛奶溫熱後再飲。

飲牛奶不肚瀉嘅飲法1:逐啖逐啖慢慢飲。
飲牛奶不肚瀉嘅飲法2:將牛奶加熱後再飲。

但將牛奶整熱,又會唔會令營養流失?醫生指出,維他命C一經加熱就會流失,但牛奶中所含嘅維他命C本來就唔多,其他營養成分亦唔會因加熱而流失,所以可以放心加熱飲用。另一方面,亦有料理係使用牛奶製作嘅,例如奶油燉菜咁,唔習慣飲牛奶嘅人,都可以透過食呢啲料理吸收牛奶嘅營養。

將牛奶整熱,會唔會令營養流失?
但牛奶中所含嘅維他命C本來就唔多,其他營養成分亦唔會因加熱而流失。
唔習慣飲牛奶嘅人,都可以透過食呢啲料理吸收牛奶嘅營養。

牛奶加熱後,表面嗰層「皮」又係啲咩嚟嘅呢?

牛奶加熱後,表面嗰層「皮」又係啲咩嚟嘅呢?

原來呢層「皮」,係蛋白質嚟嘅!唔知大家有冇好似嘉賓,大塚寧寧咁整走層「皮」先飲呢?如果之前係會整走嘅,記得以後唔好喇!醫生話飲埋佢,唔好浪費呢層營養。

原來呢層「皮」,係蛋白質嚟嘅!記得以後要飲埋呀!

2|飲牛奶會高?

童年時實有被長輩叫飲多啲牛奶,因為飲多啲有機會長高。醫生就話,呢個唔係謠傳,係實話嚟!

飲牛奶會高?

牛奶含有豐富鈣質同蛋白質,可增進肌肉同骨格發展。尤其睡前飲一杯,功效更為顯著。

牛奶含有豐富鈣質同蛋白質。
長高=骨格同肌肉變得壯健。

睡眠時,生長荷爾蒙嘅活動最為活躍,能夠更好地提升鈣質同蛋白質嘅吸收率,令肌肉同骨格變得壯大,令身體長高。

睡眠時,生長荷爾蒙嘅活動最為活躍,能夠更好地提升鈣質同蛋白質嘅吸收率。

3|飲牛奶會肥?

聽聞飲牛奶會肥,所以成年後就唔再飲?
飲牛奶會肥?

醫生話,飲牛奶會致肥呢個傳聞,並唔係真嘅。一杯約200ml嘅牛奶,脂肪含有量為138kcal,而呢一個數值,喺成年人一日需要吸收嘅卡路里中,只佔約7%。因此,每日飲一杯牛奶,並唔會係致肥嘅主因。

一杯約200ml嘅牛奶,脂肪含有量為138kcal。
呢一個數值,喺成年人一日需要吸收嘅卡路里中,只佔約7%。

而且,牛奶中含有稱為「乳鐵蛋白」嘅成分,能夠將牛奶中嘅脂肪減低,所以飲牛奶其實不易肥。

「乳鐵蛋白」成分能夠將牛奶中嘅脂肪分解?
「乳鐵蛋白」能夠將牛奶中嘅脂肪減低,飲咗都唔會易肥。

4|飲酒前,先飲牛奶能「千杯不醉」?

飲酒前,先飲牛奶能「千杯不醉」?

節目組進行街訪時,有受訪者表示聽聞過飲酒前,先飲牛奶可以「千杯不醉」,但醫生就話其實呢個說法,並沒有醫學根據。

醫生就話其實呢個說法,並沒有醫學根據。

雖然飲完牛奶之後,奶會喺胃內形成一層薄膜保護胃臟,但因為酒精嘅成分粒子幼細,仍是會被吸收嘅,所以飲完牛奶再飲酒,可以「千杯不醉」只係傳聞,而非事實。

因為酒精嘅成分粒子幼細,仍是會被吸收嘅。

之但係!醫生話酒精同牛奶一齊飲用嘅話,係會有一個神奇嘅作用!

醫生話酒精同牛奶一齊飲用嘅話,係會有一個神奇嘅作用!

呢個作用就係解酒喇!

呢個作用就係解酒喇!

牛奶嘅蛋白質可以提升肝機能嘅運作,令肝臟加快進行新陳代謝,可以令酒後人士加快酒醒時間,防止宿醉。

牛奶嘅蛋白質可以提升肝機能嘅運作,令肝臟加快進行新陳代謝,防止宿醉。

5|咩時間飲牛奶最好?

眾所周知,牛奶含有豐富鈣質,唔單止可以促進肌肉同筋骨健康發展,更加可以保持腦部年輕健康,對預防老人癡呆甚有功效。

鈣質吸收量少,會令負責記憶嘅海馬體功能低下。
牛奶嘅鈣質有咩咁特別好?

而醫生指,雖然唔少食材都含有鈣質,但重要嘅係鈣質嘅「吸收率」,吸收率不足嘅話,食咗都冇多大好處。

重要嘅係鈣質嘅「吸收率」。

研究顯示,牛奶所含嘅鈣質吸收率,比小魚同蔬菜都仲要高!呢個作用,係源自只有奶類製品先有嘅「酪蛋白」成分,身體將呢樣成分消化後,會令鈣質成為溶解狀態,更易被身體吸收。

牛奶所含嘅鈣質吸收率,比小魚同蔬菜都仲要高!
「酪蛋白」成分會令鈣質成為溶解狀態,更易被身體吸收。

咁咩時間飲最能提升吸收率呢?

據醫生所講,餐前飲牛奶最能夠提升吸收率,當胃部處於空腹嘅酸性狀態,牛奶中嘅鈣質落到胃部後,就會變為鈣離子,身體更加容易吸收。而餐後飲都唔係話唔得嘅,只係餐前飲能吸收到嘅鈣質更為豐富。

牛奶中嘅鈣質落到胃部後,就會變為鈣離子,身體更加容易吸收。
餐前最易吸收。

增加肌肉嘅牛奶飲法

牛奶含有增強肌肉嘅9種胺基酸,能夠將蛋白質分解並形成肌肉,而呢9種胺基酸係只能從食物中吸收,人體自身係無法製造出的。

牛奶含有增強肌肉嘅9種胺基酸。
胺基酸能夠將蛋白質分解並形成肌肉。
牛奶含有全部9種胺基酸。

如果只靠飲牛奶攝取足夠嘅胺基酸,一日飲3杯就可。但唔係個個都咁鍾意飲嘅!醫生就話配合營養均衡,含有其他各種胺基酸嘅食物,一日飲一杯牛奶已經非常足夠。

如果只靠飲牛奶攝取足夠嘅胺基酸,一日飲3杯就可。
配合營養均衡,含有其他各種胺基酸嘅食物,一日飲一杯牛奶已經非常足夠。
含有其他各種胺基酸嘅食物。

牛奶最強飲法!

據醫生所講,蛋白質同糖質同時攝取,係最有利於增強肌肉嘅飲法,所以推薦香蕉+牛奶咁飲。

醫生推薦香蕉+牛奶咁飲。

因為做運動時,先消耗糖質,當糖質已經消耗完,就會開始消耗蛋白質,為咗防止蛋白質流失,就建議同糖質一同攝取。

香蕉除去水分後,九成都係糖質。
運動時,糖質會成為能量。
當糖質已經消耗完,就會開始消耗蛋白質。
蛋白質同糖質一齊攝取係非常重要嘅。
蛋白質+糖質能加強兩倍肌力增強力。

唔鍾意食香蕉?咁就可以試下喺牛奶裡面加黃豆粉同蜂蜜,同樣有呢個作用之餘,嘉賓都大讚好好飲!

喺牛奶裡面加黃豆粉同蜂蜜,同樣有呢個作用之餘,嘉賓都大讚好好飲!
黃豆粉有整腸作用之餘,仲有美肌功效。
蜂蜜則可加強糖質。

牛奶可以消暑?!

中暑係因為水分同礦物質嘅流失,而牛奶亦含有豐富礦物成分,醫生於是認為比水更具消暑成分。

牛奶可以消暑?!
中暑係因為水分同礦物質嘅流失。
牛奶亦含有豐富礦物成分。

延伸閱讀:

親子好去處 一家三口二百蚊留港hea宿營

更多新聞