鄭中基大爆差啲令梁詠琪嫁唔出
2017年01月30日12:26
鄭中基笑言差啲令GiGi嫁唔出。

【星島日報報道】鄭中基昨晚的個唱除了有舊愛楊千嬅和父親鄭東漢擔任表演嘉賓,還有梁詠琪,鄭中基更自爆差點令對方嫁唔出!

介紹梁詠琪出場時,鄭中基突然說:「我要向這位嘉賓道歉,她差點嫁不出都是因為我!」當二人合唱後,鄭中基揭開謎底,原來二人曾於北京拍戲,還遊說了梁詠琪初嚐街邊串燒,搞到梁詠琪扁桃線發炎要立即返港,豈料她回家打開門就有人向她求婚,求完她就立即入院!梁詠琪解畫指應不關幾串串燒事,應是被嚇親所以無應承,但最後當然有,怎料鄭中基唔收口說:「我仲以為唔係嗰個添!」嚇得梁詠琪大呼澄清:「啋!梗係唔係喇,都係嗰個!」鄭中基再補鑊指新年流流還是不講這些。

為遷就昨晚大年初二的煙花匯演,演出延至晚上9時36分開騷。鄭中基向觀眾拜年後,打趣道:「今晚的煙花加碼,之前已在維港放了,是我的小小心意,不過今晚天氣唔好,所以我留了兩碌一陣在這里放。」

一向鬼馬的他又招積指別看報道寫他只有兩個舊愛,太睇少他喇!不過他亦相當識做,在千嬅出場前一如其他的演出,先獻唱《三生有幸》冧老婆,捧場客還有錢國偉和太太陳宛蔚、谷德昭與女友林子萱、黃心穎和家姐黃心美、張達明、田雞、黃美琪及男友鍾健威等。

更多新聞