黎明又爆金句「唔做蜜蜂」
2017年03月03日03:00
黎明昨日以宣傳大使身分,出席「香港影視娛樂博覽」開幕禮。

【星島日報報道】「金句王」黎明向來不會令人失望,昨日以宣傳大使身分主持「香港影視娛樂博覽」開幕禮時繼續妙語連珠,爆出金句「唔好有人唔做,做蜜蜂!」司儀方健儀請教黎明開設社交專頁一年已吸納33萬粉絲達神級的方法,黎明謂:「如果我係神級就唔會坐喺度,做乜仲參加影視娛樂博覽,因為我係其中一分子,仲係勞動階層,係香港勞動級人民,仲要不停做。每年宣傳『影視娛樂博覽』都好痛苦,我係歌手又拍戲,但好多人做得好過我,可能我排包尾,唔係宣傳就可得到觀眾垂青。」

黎明反問方健儀今年活動的口號,獲悉是「全城投入、全情支持」後便老實不客氣地說:「好老土!我初出道時參加公益金、《歡樂滿東華》用嘅字眼。」方健儀打圓場指是永恒的意思,黎明反駁:「如果永恒就唔使叫全城支持,如果最後做唔到亦喪失永恒的意義,所以我們要創新!」

方健儀稱讚黎明今年成績很好,但他卻否認:「唔好!」並稱想有進步空間。最後要求他以一種動物形容影視娛樂界的活動,黎明竟踢爆:「係大會指定我要揀蜜蜂,我無可能改變整個行業,我哋始終係人,無理由有人唔做,做蜜蜂!」

更多新聞