【想當年頭D...】前年變邵音音 鈴木杏修身賀三張嘢
2017年04月30日07:00

曾經同周杰倫、陳冠希合演《頭文字D》嘅日本女演員鈴木杏,自從拍完呢套戲後已經冇乜代表作,近年仲轉戰舞台劇,甚少出現於公開場合!

其實鈴木杏早喺1995年入行,參演日劇《金田一少年事件簿》、《花與愛麗絲》等,之後更演出《頭文字D》,憑住清純少女look彈起!不過之後就冇晒聲氣,前年難得現身,但就脹咗成個碼,同邵音音有幾分似!

日前喺佢30歲生日,佢難得貼上近照,見佢已經冇咗當年「脹爆」身型,仲見佢影相時玩伸脷,叫做keep到幾分可愛!

更多新聞