【涼茶】夏天必備清熱涼茶!紫貝天葵
2017年06月14日19:23

昨日我晌FB page post了鹹蛋魚皮,攪到大家心思思,又攪到個page好熱氣。

其實熱氣係我一家,上星期病食過藥個人累到今日都未完。

天氣又好熱好熱,我知道天氣一熱大少爺就唔鍾意飲湯,咁我就煲涼茶,佢話想飲紫貝天葵。

紫貝天葵晌我未生包包時每年夏天都會煲,因為好飲又清熱但又寒涼,生完包包後我都唔敢飲太寒涼涼茶。

我知道大少爺好喜歡,所以昨晚又再煲,加埋山渣一齊煲好好飲呀,包仲以為係果汁不停問我要,小朋友你墮入陷阱方知太胡塗,呢個係涼茶啊。

你睇啲色澤幾靚仔,似利賓納又似紅酒,你可以用來配牛扒。

紫貝天葵晌藥材店有售,我買$20得25g咁上下,其實已經可以煲成2.5-3L水。

做法:

用$20紫貝天蒸加 25g山渣,用水沖洗。

然後凍水落,加大約2.5-3L水煲 30分鐘,然後加片糖便完成。

原文連結:

【涼茶】夏天必備清熱涼茶!紫貝天葵

相關文章:

【涼茶】夏天必備清熱涼茶!紫貝天葵

我係大少奶

散文與食譜作者、專欄作家;除了寫食譜及食評,還有旅遊及美容產品

視頻精選
更多新聞