【唔認老唔得?】藤原紀香有老花 步姐帶25個跟班開工
2017年07月07日07:00

藤原紀香身材一向惹火,雖然已經年近半百,但仍然係性感女神,之旦係,女神都有衰老嘅一日,佢日前喺代言嘅隱形眼鏡宣傳記者會上,自爆自己有老花!

紀香話佢以前視力出晒名好,當年去肯雅仲可以睇到遠處嘅獅子,當地人大讚佢好眼力,不過依家睇嘢要有個距離先睇得清楚,被年輕經理人取笑!

同樣係「天后」級嘅濱崎步,之前講過多年嚟嘅訓練已經搞到自己「周身傷」,膝蓋骨六年來一直惡化,2008年公佈左耳失聰後,最近右耳聽力亦開始衰退。

不過為咗證明自己地位冇不保,呢日步姐就係節目公開自己豪華新居,據報拍攝節目當日,佢帶咗25個跟班踩入錄影廠,包括5個經理人,5個唱片公司員工、4個形象師、4個髮型師、2個教練等,認真誇張!

視頻精選
更多新聞