【開價200萬】被內地人睇中 「牛雜妹」:人生和尊嚴不止這個價
2017年11月09日07:00

「牛雜妹」李美琪喺2015年參選港姐失利,首輪面試意外落馬,不過有樣有身材嘅佢,呢日畀內地人睇中,開價50萬人仔,利誘佢參與「飯局」!

牛雜妹將對話放上ig story,內地人話:「是廣州飯局job,過夜全包50萬!」牛雜妹就寸爆回覆:「甚麼是全包啊?這麼有意義又吸引的工作,吃個飯就可以有50萬。」

對方再再加碼:「老闆說100萬,你看怎麼樣。」牛雜妹就話:「100萬我不缺,我的人生和尊嚴也不止這個價。」

牛雜妹接受傳媒訪問時話,收到呢啲訊息都幾愕然,開頭都以為有人玩嘢:「我諗住同佢玩吓,話呢份工好吸引喎,咁正,我不如叫記者朋友了解吓,之後持續咗一段時間,佢唔死心,最後加到200萬。」

牛雜妹經理人就指,會保留法律追究行動:「對方有講明自己係咩公司咩人,都借住呢件事去保護公司旗下藝人。」

事件爆出後,似乎唔少網民都唔相信佢,牛雜妹再喺IG發文,佢話:「無論我值1蚊定100萬,都唔輪到任何人去判定。即使係身為藝人,要有成為他人茶餘飯後話題嘅心理準備,都唔代表我要忍氣吞聲默默承受所有言語攻擊。」

佢又話:「工作以外時間,我都係一個普通人,都要過我嘅生活。希望躲在螢幕後面的你,有一天會學懂尊重別人。」

更多新聞