【唔怕被問價】「牛雜妹」孖索家姐旅行 瘦8磅即晒事業線
2017年11月27日07:00

「牛雜妹」李美琪喺2015年參選港姐失利,不過咁樣反而令佢人氣更高,早前仲畀內地人「睇中」,開價50萬人仔,再加到200萬利誘佢參與「飯局」!

雖然牛雜妹唔係行開性感路線,不過佢樣靚身材正就係人都知,呢日仲破天荒喺ig貼咗去三亞嘅泳衣相!

牛雜妹接受訪問時話,今次係同家姐Charlia一齊去旅行,估唔到入埋Charlia嘅ig睇,原來家姐一樣咁索,而Charlia仲公開埋妹妹嘅三點式泳裝相!

牛雜妹透露自己瘦咗8磅,但影相時都要用手遮住肚腩,又話家姐冇意入行:「佢出名身材好,但佢話唔善於表達,寧願做幕後支持我。」

問到今次咁性感,驚唔驚再被人問價,佢就話冇得驚:「入行預咗,拒絕就得。」

更多新聞