【簡慕華講粗口?】《翻生武林》被cut走5集 湯洛雯陳凱琳出浴戲都冇埋
2018年03月30日07:00

最近唔少人都覺得大台套《翻生武林》騎騎呢呢,但就話係近年少有嘅大膽之作,事關入面啲對白諷刺時弊,提到「「盟主(民主)選舉」、「和理非非」、「白票」,仲玩埋「五十年不變」、「爹親娘親不及盟主親」等口號!

網民叫好,但可惜唔叫座,平均收視連22點都冇,蕭正楠接受訪問時承認,套劇有內容被刪去,令場口同場口之間好「跳躍」:「對觀眾嚟講係易混淆。」

其實早前已經有傳套劇被刪5集,之旦係大台cut還cut,點解連湯洛雯同陳凱琳「剝光豬」出浴嘅片段都要刪先?監製歐耀興就話係想個劇情節奏快啲,而且呢幕出浴戲唔好笑,所以先cut走喎。

另外,有網民話第17集,簡慕華鬧爆鄭子誠裝傻扮瘋時講粗口:「你唔好再喺度扮天真夭心夭肺,你信唔信我踢你出去,等任我飛打X死你呀喇?」

係唔係講粗口,大家自己聽真啲啦!

更多新聞