單立文「奔六」恨仔 胡蓓蔚最後衝刺
2018年04月29日14:00

現年59歲的保鮮男神單立文(豹哥),近年被無綫力捧劇接劇,在處境劇《愛回家之開心速遞》內的鬼馬演出更成功入屋。雖然豹哥升呢做「視霸」,但結婚十年仍未升呢做「人父」,明年60大壽的他,有指多年來與豹嫂胡蓓蔚在生育上有分歧,恨仔恨到發燒的他更提議過老婆做人工受孕,但胡蓓蔚就好抗拒落晒閘。

近年受身邊好友影響,胡蓓蔚亦改變主意,愈來愈鍾意小朋友的她,仲想以46歲之高齡作最後衝刺,希望能為單家繼後,話就話成功與否都今生無悔,不過加埋都過百歲,點會真係冇壓力呢?

撰文:東方新地|圖片:新傳媒圖片庫

延伸閱讀:

《復仇者聯盟3》必知7件事!

老來得子梗係值得恭喜!細數圈中高齡爸爸

單立文 胡蓓蔚 有心唔怕遲

單立文人前人後都錫到老婆胡蓓蔚燶,二人相愛21年,上月慶祝結婚十周年,胡蓓蔚在社交網發長文道出十年人妻感受,大讚老公無得彈,而單立文亦有發文回應胡蓓蔚的稱讚:「我10年前喺唔清醒嘅情況底下做咗一個決定,其實結婚真係冇事嘅,人不Marry(結婚)枉少年,我真係冇後悔呀!」

單立文
單立文
單立文與胡蓓蔚08年拉埋天窗,為了慶祝結婚十周年,兩人上月到中環食飯慶祝,並拍下不少Sweet照放閃。
單立文
單立文
豹哥於08年娶豹嫂,婚後一直過二人世界,而新婚初期豹哥揚言生仔順其自然,會晚晚不設防,但原來豹嫂未ready,所以肚皮一直冇聲氣。

單立文
單立文

單立文
單立文
胡蓓蔚更在社交網發長文讚老公,自爆第一次約會已被單立文寵壞,感激他成就了今日的自己,多年來每次外出旅行、食飯和睇戲,都由她話晒事,甚至煮完飯老公定必洗碗,覺得自己相當幸運。

結婚冇後悔,但生仔呢?仲唔行動就真係後悔莫及,多年來二人都甚少提生育計劃,原來是因為未達成共識,婚後豹哥愛妻如命,知道豹嫂未有生B的心理準備,所以一直順從與遷就,不過女人生仔年紀有限期,愈高齡風險愈高,所以豹嫂要把握最後機會衝刺。

單立文
單立文
單立文雖然band仔出身,但他性格平易近人又有幽默感,深受小朋友歡迎,早前與胡諾言兩個女一齊玩公仔,不知幾啱key。
單立文
單立文
豹哥與小朋友相處和諧,個個世姪女都爭住黐實佢,一定是個絕世好爸。

據知情者透露:「結婚頭幾年,佢哋都好想過自由自在嘅二人世界生活,但豹哥大豹嫂13年,佢一直都好鍾意小朋友,男人到咗某個年紀見到身邊朋友都有仔有女,唔多唔少會恨,本來豹嫂好堅持,佢好驚生仔令身材走樣,湊仔又會冇晒自由,但近年身邊好多姊妹都輪住生B,杏兒個仔仲咁得意,豹嫂做咗人契媽對得契仔多心態亦改變,不過佢今年已經46歲,要成功陀B真係好高難度,但佢兩公婆都話唔怕試,想喺冇壓力下進行,想作最後衝刺,到最後都唔成功咪繼續二人世界幸福快樂囉!」向來有做開運動最叻長跑、健身的胡蓓蔚,操得fit體能當然無問題,她希望在豹哥明年60大壽前有好消息。

單立文
單立文
胡蓓蔚與單立文由相戀到結婚至今21年,是圈中模範夫妻,明年豹哥便60歲大壽,豹嫂希望生個B賀老公。
單立文
單立文
胡杏兒去年生B,「胡說八道會」成員全部榮升做契媽,次次見到杏兒仔Brendan都爭住抱,B仔咁得意,搞到眾契媽都恨生B。

加強戰鬥力

過去不想給豹嫂生仔壓力,豹哥每次被追問生育問題都口不對心,曾公開笑言:「我已經係個大細路,生多個,老婆就要照顧多個仲辛苦,何況我都就快六張嘢,養到個仔女出身,起碼捱到八十歲,好慘啫!」難得豹嫂回心轉意,單立文亦不能怠慢,為了做個有心有力的爸爸,明年「登六」的豹哥勤做健身操弗自己,一來想努力造人更加得心應手,二來亦要為6月與黃貫中、Joey Tang等人在紅館開的「搖滾大俠奏」Band騷做準備。

單立文
單立文
被封保鮮男神的豹哥雖然年過半百,但身材keep得甚弗,有個愛運動的老婆,他亦唔敢發福。近年為生B最後衝刺,豹哥更加要操弗啲。
單立文
單立文
豹哥近年忙拍處境劇《愛回家之開心速遞》,憑鬼馬角色入晒屋,拍處境劇時間穩定,豹哥要好好把握機會,盡最後努力老來得子。

每逢節日及紀念日,豹哥一定人到禮到與豹嫂慶祝,又不時孖住出外旅遊歎世界,過去半年去過日本、泰國及歐洲等地,據知今年下半年二人已plan好行程計劃造人之旅,去旅行心情輕鬆,務求增加受孕機會。

單立文
單立文
這晚單立文與胡蓓蔚約友人食日本燒肉,夫婦二人食飽飽好滿足笑住離開。
單立文
單立文
一行7人排排坐食燒肉,豹哥豹嫂對所有人照顧周到,仲不時夾肉畀坐對面的一對小朋友。

日前本刊記者目擊單立文兩公婆約友人去食日本燒肉,席間還有一男一女小朋友,相信是友人的一對子女,現場所見,胡蓓蔚與小朋友打成一片,與他們逗玩時永遠掛住燦爛的笑容,母愛氾濫的她定必是個好媽媽,正所謂有心唔怕遲,豹哥與豹嫂的結晶品,一定會是個開心BB。

單立文
單立文
豹嫂是玩得之人,大合照時更被小朋友在後面整牛角大整蠱。

單立文
單立文

單立文
單立文
現場所見,豹嫂與小朋友感情要好,相信她與其父母甚有交情,食飽飽仲攬實小朋友合照,母愛盡現。
單立文
單立文
整個飯局氣氛愉快,有小朋友在場就更加開心,不過歡樂時光過得特別快,食完飯講byebye,豹嫂望住小朋友表現依依不捨,與豹哥孖住去拎車離開,又變回寧靜的二人世界。

單立文
單立文

ETV一哥一姐你認唔認得? 呢位女歌手好難估…

姜大衛22歲仔姜卓文入行 全家錫到燶

延伸閱讀:

能見真優華激似佐佐木希!日本最索女醫生?

更多新聞