30歲又如何 不經不覺已29+1的女藝人
2018年05月02日21:02

30歲可能係香港唔少女性嘅一個心理關口,因為這是一個剛告別妙齡時光,開始步入初熟嘅階段。唔講都唔覺,下文一眾女星亦已經由初入行的一面稚氣,變成散發女人魅力嘅成熟美,稱佢哋𡃁妹又太後生,熟女又過份老,輕熟索女就剛剛好!依家一齊睇睇今年踏入29+1的女星包括邊幾位?

撰文:東方新地|圖片:新傳媒圖片庫、instagram、twitter

延伸閱讀:

《復仇者聯盟3》必知7件事!

【超級對決】Captain Marvel與神奇女俠的3大比拼

不經不覺已29+1的女藝人

連詩雅 (出生日期:1988 年 6 月 29 日)

連詩雅於2010年正式出道,翌年參與演出電影《喜愛夜蒲》,Shiga更憑此片在電影導演會年度大獎獲得年度新晉演員銅獎,因而開始備受關注。Shiga除了出晒名有一雙白滑長腿,亦唱過唔少大熱歌曲。話咁快今年就30歲嘅Shiga,繼續在演藝事業上打拼,相信除了外貌愈見女人味外,工作表現亦會更見成熟。

30歲
30歲
30歲
30歲
30歲
30歲

連詩雅身高172cm,外型高佻,一雙長腿非常煞食!

30歲
30歲
30歲
30歲
30歲
30歲

朱千雪 (出生日期:1988年6月28日)

朱千雪係2012年嘅港姐季軍,更是近年最受歡迎嘅港姐之一,原來千雪BB今年都即將喺6月踏入30之齡!千雪喺唔少劇集演出都備受好評,《EU超時任務》凌晨風一角成為經典,更與王浩信獲《萬千星輝頒獎典禮2016》的「最受歡迎劇集搭檔」獎,之後喺《踩過界》亦有不俗。好學嘅千雪現時正攻讀緊法律博士學位,邊讀書邊拍戲,美貌與智慧並重!

朱千雪當年選港姐時,同依家確係有啲分別呢!

Janice Man (出生日期:1988年12月29日)

14歲以𡃁模入行嘅Janice Man(文詠珊),可謂香港𡃁模界鼻祖,近年同周秀娜等模特兒一樣參與多套電影演出,漸轉型成為一名專業演員,更兩度獲提名金像獎最佳女配角!時光飛逝,Janice Man今年年尾就踏入三字頭,除了打扮漸變成熟,愈來愈索外,相信喺演藝事業上都大有機會再上一層樓!

當年Janice Man同Angelababy一樣,可謂𡃁模界鼻祖,瘋魔萬千少男少女!

梁洛施 (出生日期:1988年6月23日)

感覺上細睇到佢大嘅梁洛施,今年已經係29+1!Isabella 12歲就踏入娛樂圈從事模特兒工作,拍過唔少電影亦有唔少歌唱作品。至2009年,佢為富商李澤楷誕下一子,2010年再誕下一對雙胞胎男嬰,可惜翌年佢向外發聲明指與李澤楷已正式分手,而三個孩子則會共同撫養。

Isabella當年確係青春無敵!

許芷熒(出生日期:1988年11月13日)

許芷熒原名許亦妮,唔知大家仲有冇印象,2011年嘅香港小姐季軍兼係當年嘅最上鏡小姐!其後加入咗無綫做藝員,但星途就一直麻麻。今年30歲嘅許芷熒上年同無綫滿約後,亦逐漸淡出娛樂圈。

雖然星途一般,但許芷熒身材夠晒火辣,唔知踏入30之齡,會唔會喺演藝事業上有轉變?

日本篇

戶田惠梨香 (出生日期:1988年8月17日)

15歲就出道嘅戶田惠梨香,多年拍過無數劇集同電影,其中早年拍攝《死亡筆記》飾演角色彌海砂而聲名大噪,當年小編我都有因為佢而睇呢套電影。唔經唔覺戶田今年8月都踏入3字頭,樣貌比以前成熟了不少,以前可愛學生妹嘅感覺完全褪去。

新垣結衣(出生日期:1988年6月11日)

新垣結衣,唔使多介紹,N次被選為「最想佢做老婆/女朋友」之冠,日本國民級仙氣女神,原來都話咁快就即將踏入30歲。演出無數嘅結衣BB,無論喺電影定電視界都多次獲獎,可見演技一直備受肯定,去年《逃避雖可恥但有用》更創下熱潮。日前外界瘋傳結衣BB與《逃恥》拍檔星野源即將閃婚,趕在30歲前做人妻!

堀北真希 (出生日期:1988年10月6日)

同樣今年就踏入30歲嘅堀北真希,當年由星探發掘入行。2005年首次拍攝電視劇《電車男》,其後因擔任《野豬大改造》的女主角而人氣急升,仲有小編大愛嘅《花樣少年少女》!堀北真希於2015年與同為演員、現時41歲嘅山本耕史結婚,佢婚後正式宣布退出演藝圈,專心做個靚人妻。

《復仇者聯盟3》入場前必知10件事!

0
0

袁偉豪那些年《YES!》校草真身 包你唔認得!

延伸閱讀:

《復仇者聯盟3》英雄分級排名 邊個最好打? 邊個冇鬼用…

更多新聞