Janice Man《藍血人》冷豔登場 幫《衛斯理》加晒分?
2018年06月11日19:14

《冒險王衛斯理》第一季《支離人》播完,昨晚大台播出第二季《藍血人》,講述衛斯理與「藍血星人」方天涯的連串科幻歷程。今次單元女主角換上Janice Man(文詠珊),冷豔登場令人驚喜,每次出現都cool到爆別有魅力,亦有連番打戲,會唔會令《藍血人》增加一點分數?

撰文:東方新地|圖片:劇照

延伸閱讀:

孖丁子朗加入《森美旅行團2》吳若希 相思病發 掛住囡囡

入行22年 網民睇好做視后 《深宮計》陳煒 最激罕寫真任睇

余文樂版衛斯理

余文樂版本的衛斯理,演技如何就見仁見智啦,不過小編起覺得起碼樂仔一身衣著夠晒有型,其餘就… 都無謂跟原著或者前人比較啦!

「晶女郎」胡然晒身材

《衛斯理》系列的女主角白素,今次劇集中由「晶女郎」胡然飾演,職業設定為國際刑警,喺劇集中唔多展示到聰明絕頂同身手敏捷的一面,因為最重要的任務,當然就同歷代晶女郎一樣,就係騷身材!

呢個角度好睇呀!

白老大變國際刑警…

劇情方面有讚有彈,但如果話任達華係全劇最有型一人,相信人人都同意!63歲華哥在劇中飾演白老大,原著中白老大為地下組織青幫的長老,在江湖上赫赫有名,武功高強,係個行事瀟灑磊落的大人物。不過今次華哥演的白老大就被設定為國際刑警元老級領導,最後仲要原來係奸角…

白老大竟然係奸角…

Janice Man《藍血人》冷豔登場

第一季《支離人》終於喺負皮如潮下播完,第二季《藍血人》昨晚播出,講述衛斯理與「藍血星人」方天涯的連串科幻歷程。近年主攻電影的Janice Man,拍劇通常只限內地劇,所以今次出現喺大台都幾有話題性!

藍血星人方天涯

Janice Man飾演藍血人方天涯,與同是藍血人的戀人因被因被追殺而失散了幾百年,而且衛斯理小時候曾被佢救回一命!後來方天涯喺衛斯理協助下與戀人重逢,可惜一切都變得不一樣,更引發連場激戰…Janice Man今次冷豔登場令人驚喜,每次出現都cool到爆別有魅力,亦有種外剛內柔的感覺!

雖然角色係外星人,不過Janice Man喺劇中造型大部分時間都同現實一樣,著衫襯到靚一靚,舉手投足都係名模風範!

都難得有少少肉睇吓!

Janice Man係一對外星情侶

眼影都係藍色

話晒係外星人,Janice Man喺劇中有超越常人的強大力量,飛天遁地、穿越空間都係等閒事,藍血人唔單止血係藍色,仲可以變到全身都藍色,連眼影都要係藍色!

Janice Man今次喺劇集有連番動作場面,對近年行打女路線的JM當然冇難度!雖然有啲動作埸面明顯睇得出係用替身啦。

Janice Man好打得!

JM樂仔錫嘴仔

余文樂為救Janice Man中槍,之後由JM一滴藍血救活,勁到連傷口都消失埋,不過最緊要當然係錫嘴仔啦!

咁白素點算?

古裝仙氣look

Janice Man連古裝look都有!劇情交代番佢幾百年前初來到地球,之後換上一身古代姑娘服飾,梳個靚頭,加埋把扇,仙氣陣陣喎!

呢個近鏡不得了!

張秀文繼續做咪神

喺劇中飾演衛斯理表好「彩虹」的張秀文,喺新一單元故事繼續有份出場,第一集就已經著三點式上陣,一出場就跑跑跳跳勁波濤洶湧~Sammi演技如何就見仁見智啦,不過做咪神晒身材呢方面就肯定合格有餘!

張秀文興奮地跑~
之後再請樂仔食波餅~

例行公事騷波地

早喺上單元《支離人》中,劇情講述Sammi被支離人林家棟捉住,家棟一句「我點知你身上有無收埋武器」,楚楚可憐的秀文只好就範,慢慢將上衣脫下… 其實無啦啦做咩要有除衫情節呢?不過王大導風格大家都知道啦!

楚楚可憐呀!

韓風藍血人黃浩然

之前《支離人》有好戲之人任達華及林家棟,今次加入黃浩然做另一男主角,佢飾演Janice Man的戀人、另一個「藍血星人」洛卡,暫時未有太多戲份的黃浩然造型成個韓仔咁,畫晒粗眼線、一大執長曲髮真係唔係人人carry到,真係好在佢夠靚仔…

揭婚變內幕 絕望陳自瑤 趕走王浩信

渣男周永恒再婚… 盤點10個世紀賤男

延伸閱讀:

吳岱融對兒子深情告白:「爸爸為咗你,乜都得!」

視頻精選
更多新聞