Ana R.宣布誕下巨B 囝囝順利剖腹出世
2018年06月27日18:51

日前,Ana R.的名模好友JC誕下8.8囝囝Elvis。今日,Ana R.透過傳媒宣布已誕下第二胎,再為老公Bradley Garland添多個囝囝,湊成「好」字!恭喜哂!

撰文:東方新地|圖片:Instagram

延伸閱讀:

【深宮計】演太醫做奸角欺騙感情?袁文傑 兩年內娶女友張潔蓮

胡定欣《深宮計》激罕半裸上陣 心穎BB被打到嘔血

Ana R.宣布誕下巨B

今日,陀住第二胎嘅Ana R.終於生咗喇!據了解,Ana R.囝囝重4.3kg,即約9.5磅,屬於巨B!由於佢今年38歲,屬於高齡產婦,生產會有一定風險,故Ana R.選擇剖腹生產,幸好母子平安!

Ana R.準確預計囝囝出世

就喺生b前一日,Ana R.於個人社交網上載bb喺佢肚中郁動嘅片同大家分享,仲寫住bb已經等唔住要出世,結果一如佢所料,呀仔今日就出嚟見媽咪。

Ana R.
Ana R.

JC為老公誕下8.8磅巨B

30歲嘅JC於本月19日作動及順產誕下8.8磅B仔,安志杰稱太太JC整個生產過程非常順利,入產房十幾分鐘BB就出世,而且BB出世一刻,特登推掉幾個工作陪老婆生B,並對囝囝是個巨B感到十分驚喜,全家上下都好開心,又感謝上天送一仔一女俾佢。

Ana R.
Ana R.

安志杰為囝囝改名「貓王」

據安志杰稱,B仔重8.8磅,身長53cm,醫生都話好勁,好少有咁大巨B。另外,佢亦已同仔仔改名,Elvis,並有趣地與已故美國搖滾樂巨星「貓王」皮禮士同名。

Ana R.
Ana R.

啱啱出世嘅Elvis雖然雙眼合起,但嘴仔望落好似笑緊咁。

JC
JC

老竇安志杰用強而有力嘅臂彎,溫柔抱住剛出世嘅囝囝。

JC會唔會再生B

據知JC生完兩日就已經出院,佢亦感謝家人及朋友關心,以及上天俾佢咁大福氣,有咁多人陪佢待產。至於會唔會再生,JC就話順其自然,因為就算再生都要等一段時間。

聽講2歲姐姐Tessa見到細佬第一眼,就已情不自禁咁不停錫細佬,對細佬又好細心,Tessa一定會係個好家姐!

Tessa又眼定定望住細佬Elvis,相信兩姊弟將來感情會好好!

一向愛錫老婆嘅安志杰錫錫JC做「獎勵」,一家四口幸福滿瀉!

JC同B仔合照,好溫馨啊!

而安志杰妹妹亦有上載去醫院探JC嘅合照,據知安志杰媽咪同細妹特登喺外國飛返嚟睇BB出世,而相中見到JC餵緊人奶,完全零遮掩,大方示人!

Ana R.大哂索爆大肚相

早前,陀住第二胎嘅Ana R.就公開咗一輯大肚寫真相,唔知係咪同好友Jessica C.(JC)心有靈犀,臨盤在即,同樣影咗一輯性感大肚照留念,大多照片都係只披薄紗上陣!

美好身段表露無遺!

Ana R.或僅以薄紗護胸,見佢手腳依然纖幼!

表情cool cool地,但依然眉羽間仍表露出自然美,型格之餘,亦帶美感!

唔望鏡頭影相嘅Ana R.依然靚靚!

其中一張相,Ana R.僅以外套上陣,更中門大開,性感程度拍得住好友JC!

好友Jessica C同樣佗第二胎

名模JC之前就為慶祝自己生日,放出自己嘅大肚照。

手腳依然纖幼的JC,都係一名索爆孕婦!

JC嘅大肚照則以黑白色為主,有別於一般色彩鮮豔嘅照片,非常有特色!

安志杰哂六舊腹肌 影一家四口照

而老公安志杰亦同時放出一張一家四口嘅相,相中可見以內衣及內褲上陣嘅JC露出巨肚,躺在有六舊腹肌半裸嘅安志杰懷中,而女兒Tessa則輕撫着媽咪個肚,非常溫馨~

而另一張則係老婆JC緊緊抱住女兒Tessa,望落女兒同媽咪都有幾分相似,一樣係個美人胚。

其後,JC又再多放兩張大孕相,相嘅風格同之前都有啲似。

其實,點解兩位名模大肚都可以仲咁索?相信好多人都會好羨慕!

延伸閱讀:

連結衣BB都唔上榜?!日本公布十大「白滑美腿」女星

更多新聞