孫耀威借西裝不甘被騙 嬲爆指:我送俾你都得啦馬先生!
2018年07月11日11:00

早前,孫耀威(Eric)於尖沙咀開設禮服訂製專門店,同時一直忙於音樂同禮服生意。日前,他突然嬲爆於網上發帖大罵,指有位姓馬藝人於其開的禮服專門店借西裝,出席名店CHANNEL的活動,但後來Eric才得悉該「馬先生」原來講大話,究竟係邊個?

撰文:東方新地|圖片:facebook、instagram、新傳媒圖片庫

延伸閱讀:

孖朱千雪遊北海道 湯洛雯做「影後」晒玉背

恢復自由身周圍飛!梁朝偉孖葉童夫婦北海道滑水

孫耀威借西裝不甘被騙

昨日,孫耀威(Eric)於社交網嬲爆發帖大罵,指一名姓馬藝人自稱借西裝出席大型品牌活動,但實情其實只係去馬來西亞出席朋友的婚宴,Eric得悉後事實的真相後,即刻嬲嬲豬直斥對方根本無需講大話!

孫耀威
孫耀威

孫耀威嬲爆指對方低手

孫耀威發文講出事件的來龍去脈,除了表示對方只要講出真實用途就可以,直指對方的隱瞞只會顯得他的低手,仲嬲爆揚言:「我送俾你都得啦馬先生!」

孫耀威
孫耀威

由於孫耀威直接表明對方姓馬,因此帖文一出,立即有網友猜測「馬先生」身份,留言問是否馬國明或者馬浚偉。

隨後,Eric都否認並非以上兩位藝人,同時表示「我不在fan page post已經仁至義盡!不想炒新聞!益埋佢!」

「馬先生」是誰?

雖然Eric到事件最後都冇公開到該位「馬先生」是誰,但點知近日著名形象設計師馬天佑,就咁啱同吳千語於吉隆坡參加友人婚宴,並穿上禮服影照到社交平台。

其後,馬天佑回覆傳媒承認事件,不過佢就解釋事前自己「真係唔知道」,因為他在公司試衫時「無問清楚西裝係如何借返嚟就攞咗出trip」呢個解釋唔知Eric接唔接受呢?

更多新聞