【專訪】楊千嬅做周柏豪《背後女人》 柏豪:唱完學到嘢!
2018年07月23日16:56

楊千嬅和周柏豪推出合唱歌《背後女人》,二人均表示唱完及聽完《男人背後》和《背後女人》這兩首歌很感動,柏豪更表示學到婚姻之間的啟示!千嬅又分享夫妻相處之道:「唔係全部都要赤裸,要有小小嘅私人空間。」

柏豪邀千嬅做《背後女人》

周柏豪推出《男人背後》時已經希望做一個女人的版本:「《男人背後》就講我出去工作,身後一直有個女人為我做好多嘢去成就我。所以好想做個女人Version,究竟女人喺男人背後做咗咩。」楊千嬅就認為《背後女人》題材好特別,而且自己已經好耐沒有合唱歌:「對上一次已經係《滾》嘅年代。」

柏豪唱《背後女人》學婚姻啟示

不少網友表示聽完《男人背後》有種感動,而聽完《背後女人》就有種幸福,周柏豪亦認同,更表示唱完《背後女人》學到婚姻之間的啟示。千嬅亦表示歌曲感動:「女性唔係要表面上嘅回應,其實係一種欣賞,唔係話一定要送啲咩講出口。」

柏豪 千嬅的夫妻相處之道

千嬅與老公丁子高結婚差不多9年,而柏豪亦快將結婚2年,千嬅直言十分難得可以平衡朋友的關係:「當要一齊時就唔係純粹愛咁簡單,成日講都煩。一定要有相處上嘅學題,呢樣嘢一世咖,唔同年紀有唔同情緒,要有唔同溝通方法。同埋大家要包容大家嘅壓力。」千嬅又指其實每個人都要有自己小小嘅私人空間,不是全部都要赤裸。柏豪亦認為互相尊重十分重要:「成日都話變咗,其實反而係要隨住唔同時間要改變。唔可以一成不變處理同一關係。好似啲APP咁不斷更新!」

柏豪善意的謊言

講到在草叢拍宣傳照,柏豪爆料指千嬅很怕昆蟲,但拍攝時見到有幾隻昆蟲在千嬅背上:「當然我冇講,因為我一講應該成個拍攝都會中止或者拍唔成,所以我講大話話已經撥走咗,最後用咗兩分鐘時間影好,離開嗰個地方。」

更多新聞