電視城明星撞鬼實錄 張家輝 鄭伊健 林峯 都有份!
2018年09月02日13:51

望吓日曆,農曆七月又到了!相傳農曆七月係「鬼月」,乃鬼門關大開的月份,無主孤魂會從陰間到陽間接受人間的供養。一個不留神,隨時撞到「老友記」!其實TVB電視城長年不見天日,尤其以密封嘅錄影廠陰氣最重,無論係以前嘅清水灣定依家嘅將軍澳電視城都一樣咁猛,當中發生嘅靈異事件,真係講極都講唔完!好似張家輝、鄭伊健、林峰、吳卓羲、姚子羚等曾經喺電視城拍劇、做節目嘅藝人,都遇過各種驚心動魄嘅靈異事件!

撰文:東方新地|圖片:新傳媒圖片庫

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

應采兒對小三格殺勿論 自爆老公曾收「曖昧短訊」

電視城撞鬼實錄 林峯篇鬼揞眼事件

位於電視城走廊凹陷位嘅男藝員休息室,真係邪到你唔信!談及將軍澳電視城男休息室,林峯講起都怕怕︰「個男休息室好邪門,試過有次入去瞓覺,吩咐咗個PA一個鐘後入去叫醒我,我瞓瞓吓扎醒,見過晒鐘,咪入廠問個PA點解唔叫我?點知佢話入到去見我唔到。咁邪!自此我都唔敢再入休息室瞓覺。」

電視城撞鬼實錄
電視城撞鬼實錄

原來TVB最陰的地方便是位於整條走廊凹陷位的男藝員休息室,陽光完全射唔到入去,容易積聚陰氣。休息室面積約一百呎,米白色牆,有五、六張單人梳化,燈光陰暗,嚴禁拍照。

電視城撞鬼實錄
電視城撞鬼實錄

屋企遇女鬼事件

除咗呢件事,林峯原來亦試過在屋企見到女鬼,「事發喺兩年前,我記得嗰晚好攰,瞓瞓吓俾女鬼『責』,佢壓到我手腳郁唔到,精神係醒嘅,突然寒一寒,見到佢去到床角位,有陣煙,有一個人影,我心諗死火喇!避都冇得避,我試圖郁,佢就愈大力,我同佢講︰『我好攰,第二日要開工,求你俾我瞓啦!』 佢個影就慢慢走近我,仲同我講國語︰『就是他,就是他……』 之後就消失咗!」

電視城撞鬼實錄
電視城撞鬼實錄

張家輝篇

清水灣電視城咁多靈異事件,真係講極都講唔完!話說當年尚未成為影帝嘅張家輝,亦曾於清水灣電視城遇上口哨鬼,事發於半夜時分,當時佢正於四廠趕拍同宣萱主演嘅劇集《騙中傳奇》,突然成組人聽到廠內傳出口哨聲,即使拍攝期間亦未停過,但拍完之後睇翻重播,卻聽不到之前口哨聲,令在場所有人毛管戙!

電視城撞鬼實錄
電視城撞鬼實錄
電視城撞鬼實錄
電視城撞鬼實錄

鄭伊健篇 夜戰驚魂

鄭伊健一向都大唔透,有次佢趁放假相約一班幕後人員,於黃昏時分到電視城打War Game。當時八個大男孩在民初街上拎住武器你追我逐,玩了個多小時後戰事結束。眾人打算分車離開時,領隊鄭伊健數人頭離開,數來數去都是九個人,當時有人以為他玩嘢嚇鬼,但他卻一臉認真。其中一人代伊健再數一次,結果同樣是九個人,眾人不敢再考究,極速走人。

電視城撞鬼實錄
電視城撞鬼實錄
電視城撞鬼實錄
電視城撞鬼實錄

女鬼索命

除了打War Game出事,伊健亦試過在電視城錄影廠內遇上怪事!當時佢正等埋位,期間瞓在地氈上休息,突然有盞燈由高處跌下,正正跌喺佢身邊!伊健事後說︰「發生意外後,有位有陰陽眼同事話之前見有個穿小鳳仙裝女人坐於燈槽上,盞燈無整傷我,可能佢同我玩啦,不過我以後入廠都唔敢唔拜神!」

電視城撞鬼實錄
電視城撞鬼實錄
電視城撞鬼實錄
電視城撞鬼實錄

吳卓羲篇 目睹同事鬼上身

現在已離巢的吳卓羲都見識過將軍澳電視城男休息室嘅恐怖!不過唔係佢自己有事,而係佢同事!吳卓羲曾於男休息室遇上怪事,回到2003年時:「當年拍《英雄•刀•少年》,因為趕戲日接夜咁拍,我同成班訓練班同學都喺休息室瞓覺。點知瞓瞓吓,隔籬個同事突然講嘢,好似鬼食泥咁,但聽唔明佢噏乜,最恐怖嘅係佢把聲變咗第二個人把聲,跟住其他人都俾佢嚇醒,成班人驚到雞飛狗走!」

電視城撞鬼實錄
電視城撞鬼實錄
電視城撞鬼實錄
電視城撞鬼實錄

「小朋友」深夜來嚇

吳卓羲續言:「我亦聽過有同事話曾經於凌晨時分,喺男休息室見到個年約七、八歲嘅細路女,問佢點解喺度,個女仔冇應,其實無綫規定喺夜晚11點前,所有童工都要離開。自此,就傳出男休息室有『小朋友』。」

電視城撞鬼實錄
電視城撞鬼實錄

姚子羚篇遇上冇腳女鬼

林峯、吳卓羲都在男休息室有過非一般「驚」歷,今次就帶大家去到化妝間,話說姚子羚曾經在化妝間遇過冇腳女鬼︰「有一日拍《棟篤神探》拍到半夜,當時化妝間除咗我之外,仲見一個着灰色T恤長髮女仔,低着頭坐喺化妝間嘅一角,驟眼睇佢唔似藝員,又唔似化妝阿姐,以為係生面口臨時演員。我冇理就瞓一陣,突然感覺寒風陣陣,我就扎醒,跟着我支唇彩跌喺佢附近,我去執時唔見佢雙腳,起初我以為佢雙腳瑟縮喺櫈上,我睇真啲,佢冇腳之餘,原來個樣模糊到不見五官。當時我勁驚,即刻跑出走廊比較光猛地方!」

電視城撞鬼實錄
電視城撞鬼實錄

電視城撞鬼實錄
電視城撞鬼實錄
不過講開《棟篤神探》的姚子羚,小編不期然諗起佢疑似被郭峰摸胸呢幕⋯⋯

化妝間的腳步聲

另一則化妝間傳聞發生於清水灣舊廠,事發時有兩位負責梳頭、化妝員工,閒來無事,坐於化妝間睇電視,突然聽到有「人」行入的腳步聲,喺鏡子睇到係一名中年男子,佢哋以為有人需要化妝,點知一轉身竟然鬼影都冇隻!此外,道具部走廊亦一直流傳有「人」身穿旗袍,經常於深夜時分喺走廊走來走去,至於係人定係鬼,咁恐怖,梗係冇人敢去證實啦!

電視城撞鬼實錄
電視城撞鬼實錄

奶茶婆婆:你飲咗未?

昔日清水灣電視城鬼故多籮籮,但最駭人肯定係「奶茶婆婆 」!

唔少藝人聽過令人毛骨悚然「奶茶婆婆」故事,地點都係6號廠同一間女廁!話說有工作人員如廁時竟有人敲門,突然有把婆婆聲音說:「你飲唔飲奶茶呀?」工作人員以為係同事開玩笑,只怒吼一聲:「咪玩啦!」事後佢跟同事人談起此事,有位警衞哥哥即言之鑿鑿說:「又飲奶茶?之前有個夜班同事當值時都有個婆婆走嚟問佢飲唔飲奶茶,夜媽媽人影都無隻,邊度會有婆婆、邊度會有奶茶呀,個同事醒目知道自己撞鬼,咪好禮貌咁拒絕咗囉!」

電視城撞鬼實錄
電視城撞鬼實錄

電視城以外 楊怡篇

其實如果真係要撞鬼,不單係電視城,無論你身處咩地方都冇得避!話說楊怡小時候有一次夜晚獨自坐巴士返屋企,途經沙田時,因為紅燈架巴士停低咗,呢個時候佢望出窗外面街道上,竟然有個汽水罐竟然直立式咁彈吓彈吓!仲要每次都彈到好高,有成兩三呎!初頭佢以為有人用線拉住個罐,但睇清楚知道一定冇可能,因為附近都無建築物,成條街當時亦都無人!

電視城外明星撞鬼實錄
電視城外明星撞鬼實錄

另外喺前年五月,潘紹聰主持《恐怖在線》中,有住喺大埔比華利山嘅女聽眾爆料,直言早前於該處見到剛新婚羅姓男星(即係楊怡老公羅仲謙),其車頂上驚現兩個靈體,令人不寒而慄!女聽眾指當日佢於下午五點半左右坐車回到大埔比華利山寓所,落車後見到謙謙座駕,停於早前佢聽到有古怪叫聲的位置,原來當時謙謙架車死火。女聽眾最初看到對方車頂上有兩個疑似膠公仔,但仔細一看,兩個只穿白色褲冇着衫的公仔,竟然向佢揮手,女聽眾當堂嚇到轉身!形容兩個公仔似外國真人公仔,日光日白唔係咁猛呀!

電視城外明星撞鬼實錄
電視城外明星撞鬼實錄
電視城外明星撞鬼實錄
電視城外明星撞鬼實錄

森美篇女鬼都聽《架勢堂》

森美都曾在深夜節目《架勢堂》中撞鬼!早年在節目中,小儀接到聽眾電話,對方正準備分享遇鬼經歷時,電話中突然傳出一把哀怨的女性嘆息聲,但該位聽眾堅稱當時家中只有自己一個,並冇聽到任何聲音,一向轉數快的森美都嚇到騰晒雞!事件擾攘近兩分鐘,森美突然播歌避開話題。當歌曲播完,森美率先開聲道歉說︰「有怪莫怪,細路仔唔識世界,今次真係有排驚。」

電視城外明星撞鬼實錄
電視城外明星撞鬼實錄

消失的老婆

另一件事發生於前年農曆新年間,森美同家人去咗北海道滑雪,撞到任賢齊之餘,仲知道梁朝偉、羅霖同陳百祥都同一時間在當地旅行。但之後同老婆滑雪時就發生咗靈異事件,話說當時非常大霧,森美與老婆在同一條雪道滑雪,但佢去到終點後一直未見到對方,於是森美就行番上山搵人。行到一半,森美見到離遠有人同佢揮手,但當佢急急跑上去後,竟然一個人都見唔到!講到呢度,森美自己都忍唔住笑了!原來揮手者的確係佢老婆,不過太太揮手之後又唔小心滑出跑道以外的地方!嚇死人咩!

電視城外明星撞鬼實錄
電視城外明星撞鬼實錄
電視城外明星撞鬼實錄
電視城外明星撞鬼實錄

《逆緣》有「不速之客」攝鏡 驚現女鬼黑影?

《復仇者聯盟3》入場前必知10件事!

0
0

袁偉豪那些年《YES!》校草真身 包你唔認得!

延伸閱讀:

TVB劇集愛加「甜」 朱晨麗以外仲有大把鹽花

更多新聞