【專訪】與麥浚龍用音樂講愛情故事 謝安琪:自己婚姻中的經驗用得着!
2018年09月28日11:22

如看不到 請到Youku觀看

謝安琪繼《人妻的偽術》後,近日再推新歌《一個女人和浴室》。原來這兩首歌與麥浚龍的新歌《勇悍·17》都有關聯,Kay與Juno用一首首單曲講述「浦銘心」與「董折」的愛情故事,最後成為一個合輯。而Kay表示這個愛情故事將延續兩年,未來更將與Juno再度合唱,令人十分期待!

「浦銘心」與「董折」

謝安琪與麥浚龍開始了一個新計劃,二人將一起推出一系列歌曲,並推出合輯,入面所有歌都有關聯,都是圍繞「浦銘心」與「董折」的愛情故事,Kay:「我哋有一個歷時好長嘅愛情故事,由17歲一直糾纏我哋人生去到70歲。Juno嘅《勇悍·17》就係成個故事嘅開始。而我就揀咗喺人生中間去講呢個故事,就由《人妻的偽術》,40頭似返我自己依家年紀,所以隻歌推出時好多人以為係我自己自白。其實係「浦銘心」嘅心態!」而現在推出的《一個女人和浴室》就倒敘,講「浦銘心」在《人妻的偽術》前其實已離婚,Kay:「所以《人妻的偽術》中講的婚姻其實唔係同董折。不過暫時未開估係邊個。」

未婚Juno寫出婚姻心態

「浦銘心」與「董折」的愛情故事原來是由Juno創作,對此Kay亦大讚對方犀利:「佢刻劃得好細微,因為呢個故意關於愛情,亦關於男女之間在感情上的角力。亦關於好多婚姻中赤裸裸的描寫,所以我好驚訝因為其實佢未結婚!」當「浦銘心」這個角色交到自己手上,Kay直言覺得好多發揮,首先因為自己婚姻中的經驗可以演變入角色中:「但亦有一啲要摸索,因為婚姻比較後段,或者離婚,對於我嚟講係,係要猜想!」

MV全由Juno操刀

Kay表示全個故事好似電影般去構思:「我哋為角色影咗好多相,佢哋好似兩個真實嘅人咁,有好多時拍MV捕捉咗好多劇照,令董折同浦銘心好立體!而平日每首歌派台嘅文案,都係我哋自己寫。最後會集合成我哋嘅文字記錄,好似合寫緊浦銘心同董折嘅一本小說,好浪漫!」現時已經拍了幾個MV,Kay直言自己都希望全由Juno做導演:「我鍾意佢每個MV表達方式都唔同,每次都畀驚喜我!好似《人妻的偽術》MV,其實係one shot的,場景所以嘢都好簡潔,但每個細節都有意思!」

更多新聞