張新悅怨被P圖變大膠面!薛芷倫否認:只係用美顏App自拍
2018年09月30日16:28

張新悅與藝人袁詠儀(靚靚)1997年時拍戲傳鬧不和,事隔21年,名媛薛芷倫喺社交網站上載三人合照,形容袁、張「世紀合照、世紀大和解」,不過張新悅日前出席活動,問到與靚靚破冰淡然話,仲反覺得張相被P圖搞到變膠面!

時下唔少女仔影相,唔係鍾意用美顏相機影相,就係用美圖App做後期加工,執靚張相先至放上網開心share,不過千祈咪咁重手,咪一陣出事反而淪為笑柄。之前岑麗香都試過同莊思敏、莊思明合照,但香香離奇走樣,向來愛後期加工相片嘅莊思明成為最大嫌疑…

撰文:東方新地 圖片:薛芷倫IG張新悅IG、新傳媒圖片、莊思敏、莊思明Instagram

延伸閱讀:

喺《珠光寶氣》媾掂黎姿! 關禮傑 那些年係青葱花美男

網友嘲肥過部電單車 樂基兒減磅成功 貼水著照晒成果

張新悅 淡然談破冰

問張新悅同靚靚係咪破冰,佢否認不和之說,但就話:「我哋事實上20年冇見,拍完第一套戲就冇見過,我都冇喺娛樂圈十幾年,拍戲時係有好多嘢發生,當年嘅事唔記得啦,自己都生咗四個小朋友,嗰日係以媽媽身份同阿靚互相傾湊仔經,冇乜特別,佢個人都好爽直,都唔係你哋眼中講到咁。」仲話唔使交換電話,依家上網要搵一定聯絡到,何況自己都好忙,自己啲朋友都未得閒維繫。

或者有人問點解佢哋不和,事情要追溯到97年馬偉豪執導嘅《戇星先生》,其中一場戲,主角袁企前面中間,張燊悅、張達明等演員企後排,但拍攝期間靚靚袁覺得有人不停推佢,因為當時拍到好夜個人又好躁,於是靚靚擰轉面大嗌:『你哋唔好推我喇!』嗰一刻冇話指定係鬧一個人,而嗰次係佢唯一嘅一次鬧演員。靚靚又話當下馬上停機,點知有人走埋嚟問佢:「點解發脾氣呀?如果嗰個係爾冬陞,你會唔會咁樣發脾氣呀?」自此有傳靚靚張新悅不和!

袁詠儀早年喺清談節目《最佳女主角》第一集,重提呢件事都仲有火,但未有指名道姓!

合照被P圖膠面好核突

佢又話從來都冇需要話拉攏一齊,因為依家興自拍,而佢只係好傷心張相係大膠面:「張相P到我哋好膠面,其實我哋皮膚本身都好好唔使P,膠面好核突。」又話依家唔使P住,過多廿年先至需要!

薛芷倫嬲爆反擊

對於楊張新悅怨被P圖變大膠面,薛芷倫接受傳媒訪問時否認冇P過圖,話只係用咗電話上的美顏App影selfie,仲話唔會做啲唔尊重人嘅事,亦都冇P人哋個樣。

佢仲話同枱食飯係緣分,本來係開心飯局,因為有傾偈又自拍,影完大家都有睇相,佢直言唔想無事生非,唔想再回應。

當晚佢都有同好多藝人好友合照,好似王浩信、羅霖、汪詩詩等,亦冇人話覺得被P圖變膠面!

岑麗香合照離奇走樣

日前「香香公主」岑麗香、莊思敏、莊思明、莊思華、陳庭欣等藝人到沙田馬場出席活動,莊思明活動後喺IG貼咗張同香香、莊思敏嘅合照,仲留言寫上「甜甜的香香公主」,但睇真啲香香個樣又膠又怪,面容扭曲仲有啲,認真離奇!

岑麗香
岑麗香
平日嘅岑麗香甜美又可愛,但呢張合照膠味好濃,唔講仲以為係宮雪花呀!
岑麗香
岑麗香
不過另一張合照,香香又正常番!

睇番岑麗香當日嘅相,再比較下同莊思明嘅合照,明顯冇咁膠而且自然得多,之不過香香公主瘦咗好多喎,睇吓膊頭同鎖骨,真係好骨感!其實當日係岑麗香同老公強強結婚一周年紀念日,工作完畢後即要飛往加拿大與丈夫會合慶祝,她稱因時差關係,飛到當地仍是結婚紀念日,笑言彷彿穿越時空。

莊思明申冤:我冇P圖

唔少網友睇到張合照,都問莊思明係咪P圖,搞到企中間嘅都岑麗香走樣,不過莊思明就澄清其實張相係家姐莊思敏影,佢用咗無他App美顏相機影,佢冇P過圖喎!

睇呢張相嘅左下角,莊思明係用咗WATA CAM!

莊思敏、莊思明、莊思華三姊妹一齊出席活動,真係好難得,個個都性感上陣,呢幾日得嗰11、12度,真係睇到都覺得凍,幾時都話女人愛靚唔愛命啦!

以前包包面

岑麗香係2010年國際中華小姐冠軍,其實睇番啲舊相,香香剛出道時有啲baby fat,包包面而且手腳都啲少少肉地,而近年佢都愈嚟愈靚,仲愈來愈瘦㖭!

岑麗香
岑麗香
呢張相都係同莊思明、莊思敏合照,但香香冇離奇走樣囉!

雖然岑麗香以前有baby fat,但其實唔少網友都話香香公主有啲肉哋先至可愛,仲話佢依家太瘦,紛紛鼓勵佢增肥㖭!

下一頁:李司棋突發性耳聾 要爭取時間休息

下一頁:郭富城餅印B女曝光

延伸閱讀:

吳若希大爆老公曾送花俾情敵 對方有99支花 佢得…

更多新聞