黃建東拍攝奉旨食野
2018年10月08日13:54

無線搞笑藝人黃建東 (東東) 最擅長扮鬼扮馬,繼扮《延禧攻略》的魏瓔珞後,最近獲 TVB周刊邀請扮歷屆《歡樂滿東華》最令人難忘的片段, 令東東可以攞正牌食嘢同埋化身大隻佬:「拍攝工作如果遇上劇情需要我食嘢係最開心,因為我自己真係好為食,但係平時不斷俾人催谷我要減肥,搞到我唔好意思喺人前食咁多嘢。而家導演指定要我食,我唯有服從指令食多啲。」

除咗食嘢之外,東東最開心可以化身大隻佬償還心願:「其實係講我要扮吳剛師傅,入行咁耐都係第一次着肌肉衫。自出世以來都未試過真正大隻,原來大隻嘅自己都幾正幾嗒得杯落。(咁有冇着完件衫的起心肝操大隻?) 真係唔敢再講話的起心肝減肥,因為好似減極都咁肥,但變大隻的確係我嘅心願,相信有一日會實現。」

東東自入行以來一直有為《歡樂滿東華》落力演出,問到參與那一年是最難忘,東東笑言應該是2012那屆,因為他第一次參加《卡啦之星》演出,特別度了自彈自唱及 rap出東華精神呼籲大家凌晨仍要落力募捐,演出跟香港先生的才藝表演有些相似,創意同樣獲得大家嘉許:「我發覺我演出自己的創作是最得心應手,而大家又很喜歡,所以嚟緊會再自己度橋拍返搞笑片,希望可以帶多啲歡笑俾大家。」

問到TVB周刊實體版出最後一期有何感受?東東坦言話當然唔捨得,因為自己都是 TVB周刊的擁躉,已經留起最後一期做留念,希望將來網上版可以再見大家。

原文連結:

黃建東拍攝奉旨食野

相關文章:

炒股幫朱紀菲專訪 恒益控股有限公司

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

更多新聞