張名雅陀第二胎8個月 腹大便便地鐵冇人讓座
2018年10月24日18:44

2012年港姐冠軍張名雅(Carat)與律師老公蔡錦豪(Joe)婚後火速造人,上年誕下仔仔Mario,今年宣傳再陀二胎,又係生仔仔,而預產期12月。

撰文: TLY|圖片︰新傳媒資料室、張名雅IG

延伸閱讀:

【親子好去處】秋日野餐好去處 12大鬧市靚草地

【親子好去處】灣仔周末手作市集 必玩免費廢料變精品工作坊

腹大便便地鐵冇人讓座

現時懷孕8個月嘅張名雅,手腳依然纖瘦,身形就一點都不似大肚婆,可能因為咁。近日,佢係IG抱怨搭地鐵時冇人讓座,要大肚婆等到人落車先有得坐,又真係好辛苦!

張名雅
張名雅
圖片︰張名雅IG
張名雅
張名雅
圖片︰張名雅IG

爭取時間同老公Babymoon

早前,張名雅同老公到芭堤雅Babymoon,都不忙喺IG貼旅行相,更宣布肚中細仔叫Milo,而照片中Carat身穿三點式泳衣相,只係肚凸凸,手腳纖瘦,真係肥肚不肥人!。

張名雅
張名雅
圖片︰張名雅IG
張名雅
張名雅
圖片︰張名雅IG

張名雅第一胎Mario

張名雅還指出腹中懷有男B,名叫Mario,Carat與Joe更齊齊穿上孖寶兄弟裝報喜!她笑稱取名Mario除了因名字得意,更是兩人一個開心經歷,「有次Halloween我哋同一班朋友出去玩,當時我哋以孖寶兄弟Luigi 裝扮,玩得好開心。」

Carat未有透露預產期,希望對外保持一些神秘感,只透露已踏入懷孕第三期,預產期距離今次訪問尚有一段時間。面對Mario BB就快出世,Carat的心情愈來愈緊張,BB物品買得七七八八,已準備執走佬袋,但面對 順產開刀 的抉擇,她仍拿不定主意……

張名雅
張名雅
張名雅希望BB將來做個開心醒目仔,寧願小朋友駁嘴,好過粒聲唔出,「駁吓嘴都OK嘅,好過我話佢唔出聲,好似太吽,哈哈!」張媽媽在旁也笑說:「佢細個都駁嘴㗎!」

一索得男 長輩興奮

Carat與老公一直都喜歡小朋友,生BB是計劃之內,由拍拖時期已希望趁後生組織家庭,去年籌備結婚期間開始計劃,不久一擊即中,更一索得男,長輩們最開心。「我哋男女都鍾意,第一胎男女都冇所謂,不過老爺奶奶比較傳統,如果今胎係女,佢哋會想我快啲追多個仔,依家就少咗呢種壓力。」Carat有考慮生多個,但要視乎今胎的經歷再決定,如果下一胎是囡囡湊個「好」字就完美了。「好似留長髮會想試短頭髮,短頭髮又想留長髮,不過生仔生女冇得揀,都要睇timing。」

張名雅
張名雅

張名雅
張名雅
去年11月Carat與Joe拉埋天窗,不久就造人成功,一索得男,隨即改名Mario,兩人更以孖寶兄弟裝扮宣布喜訊。

順産開刀也驚慌

踏入第三孕期,Carat已準備執走佬袋,但對於順產與開刀的抉擇,她仍在反覆思量中。「其實順產同開刀我都好驚……我諗要調節咗自己心理先,開刀就揀定一日,到嗰日就乖乖入醫院開刀,咩都settle好晒,唔會有咩surprise,老公都話如果我太怕痛,不如揀開刀;但我知道順產媽咪復元快啲,對BB都好啲,出世嗰陣因為媽咪宮縮會推個BB出嚟,過程中BB都有少少掙扎,所以生命力同平衡力都好啲。」

就此問題兩夫婦有討論一番,Carat質問開刀長大了的小朋友,平衡力真的有差嗎?行路不會時常仆倒吧!「可能順產對BB平衡力有少少幫助啦。」Carat的媽咪當然也支持順產,上一代醫學沒那麼先進,人人都是順產生B,「個個都唔驚,你驚咩呢?最多都係痛一日,之後望住BB咁開心,都唔記得痛啦!」

張名雅
張名雅
Carat的皮膚偏乾,平日愛曬太陽,喜歡健康膚色,所以她甚少用美白產品,只重視清潔和保濕,連facial都無做。懷孕後她試過皮膚敏感,紅腫一撻撻,醫生處方一隻孕婦可用的藥膏,大約一個月始消除。

醫生另建議無痛分娩

Carat日前為《Sunday Kiss》做facebook直播訪問時,也徵詢了媽咪們的意見,大部分也支持順產,反正她只得29歲好後生,而且產後兩三日就行得走得,痛楚只需忍一時。Carat當日也分享了一些朋友開刀的經歷,又聞言開刀要剖腹七層皮,聯想起也怕怕。「我個朋友喺加拿大生,當地一定要順產,但佢生嘅時候出現問題要開刀,到依家過咗一年幾,個傷口仲痛緊,或者佢個女踢到佢都覺得痛。」聽完一輪意見,Carat偏向順產多一點,加上她想盡快恢復做gym、跳舞,「唔想痛住做!」

醫生亦有建議,如果怕痛的話可選擇無痛分娩,好安全,但Carat擔心有後遺症。「醫生話睇麻醉師嘅手勢,其實做咩都有風險,行行吓街都可以仆親,所以唔使擔心太多,要相信醫生。」

張名雅
張名雅
Carat讚老公貼身照顧,俾老公99高分,「仲有1分諗吓自己有咩進步!」
張名雅
張名雅
老公Joe表明想做慈父,如果囝囝曳曳,由老婆負責鬧仔,但老婆也不情願做惡媽,看來兩人都惡不出樣。

港姐冠軍媽咪:避免冷病

Carat指仍有時間考慮,現時最重要保持心境開朗,身體健康,她的一班媽咪級港姐冠軍好友也給予不少貼士,包括慧妍雅集前會長、三子之母曹敏莉及新手媽媽張嘉兒也提醒要避免冷病,因孕婦有很多藥不能吃;葉翠翠亦有分享煲湯等進補食譜,Carat大讚翠翠烹飪好叻,自己也獲益良多。「翠翠煮嘢食好叻,有好多食譜,但我就唔係好叻,要靠媽咪同奶奶幫手煲湯。」

張名雅
張名雅
Carat笑言自己不擅烹飪、煲湯,懷孕期間靠媽咪幫手照顧飲食。

同樣貴為港姐冠軍的Carat,希望自己都如上述好友做個靚媽咪,她懷孕後亦保持到靚靚狀態,只增磅約14磅,身形保持纖幼,未見水腫,沒有肚紋,她相信與平日做開gym及跳舞有關。「醫生話我個肚算細,除咗第一胎會細啲之外,同我有啲腹肌有關,所以個肚冇撐大咁多,懷孕六個月嗰陣,我朝早打側做少少伸展運動時,仲見到側邊兩條肌肉。」

張名雅
張名雅
Carat懷孕後保持肥肚不肥人,有賴過去勤做運動、沒有過分進補的成果。「以前長輩話要食多啲,BB先會肥肥白白,其實媽咪食到好大隻,唔代表BB會健康,只要check住BB健康同size,就唔使迫自己食咁多。」

少食多餐 戒辣最難頂

挺着大肚的Carat現時仍健步如飛,懷孕前熱愛運動的她,已暫停做gym及跳舞等劇烈運動。她曾學過肚皮舞、Jazz Funk和K-Pop等舞蹈,最近她上網看到一條外國孕婦跳舞的短片,令她心郁郁想試,即被親友喝止,她唯有乖乖聽從。好動的她現以散步為主,多行街買BB用品都有益身心。

張名雅
張名雅
孕婦特別容易有妊娠糖尿,早前Carat去做糖尿檢查,喝了她認為是全宇宙最甜的糖水。

至於飲食方面,Carat保持少食多餐,均衡飲食,多吸收蛋白質,晚上就不吃澱粉質。她解釋並非刻意戒掉澱粉質,只是平日習慣。「我唔係驚肥,我係唔鍾意夜晚食到好飽,食得太飽好辛苦。」

孕期最辛苦忍口是要她戒辣,以前好勁辣的她愛吃雞煲、麻辣火鍋,懷孕後不敢食辣。「我好食得辣,打邊爐我會落成煲辣椒醬、辣椒油,食拉麵會加到99倍辣,最辣就啱我,依家只會間中偷食小辣。好多人都有唔同意見,有啲話食太辣會影響BB皮膚,但少少應該OK嘅。」

張名雅
張名雅
有朋友建議Carat,BB未出世要諗定學校,但她認為無需要,「小朋友應該做番小朋友嘅嘢,好似讀幼稚園應該開心,就唔好塞咁多嘢俾佢學,小朋友應該有開心嘅童年。到佢升上小學、中學,就要教佢哋建立目標,唔係自己都唔知自己做緊乜。」

聽林奕匡聽到喊

大肚婆因受賀爾蒙影響,好易變得情緒化,Carat最近的情緒也開始波動,易哭易笑。「開心起上嚟會癲癲得得,但有時睇戲、聽歌好易被感動,最近去聽林奕匡演唱會,有啲歌我覺得好touching,好似有兩隻歌佢分別寫俾女朋友同爸爸媽媽,我一路聽一路喊,但現場氣氛好開心,我老公望住我都好驚訝!」張媽媽有見女兒的情緒複雜,特別提點她記着每一個感動位,對將來拍戲有幫助。「佢話你想喊嘅時候要記住點解想喊,遲啲你拍劇要喊就諗番出嚟,哈哈!」

張名雅
張名雅
Carat經常與一班圈中好友如鄧佩儀、黃美棋、林奕匡及女友李靄璣聚會,保持心境開朗。

Carat產後將會復出拍劇,希望做個能兼顧家庭與工作的在職媽媽。「我都係29歲仲好後生,如果唔做嘢好多方面會退步,包括思想上,我唔想同社會脫節,我覺得咁樣對維繫家庭都健康。」兩夫婦要工作,少不免靠長輩幫手湊BB,Carat不擔心小朋友會被寵壞,最重要是父母如何教導,找出平衡點。「我細個都係公公婆婆湊大,因為爹哋做生意,媽咪要返工。公公婆婆係幾縱我,但我都冇學壞,爹哋媽咪一收工就上公公婆婆屋企一齊食飯,再接我返屋企。其實長輩湊冇問題,都係一家人,父母最緊要盡番自己責任,放工放假就自己照顧番。」

張名雅
張名雅
Carat與老公仍在搜羅BB用品,「啲嘢好似買極都買唔晒!」不過BB床、BB車、沖涼盆等大型物品已入手,兩人更密密聽講座,睇孕婦書增長知識。

產後修身 第一招:餵人奶

張名雅(Carat)今年三月誕下七磅重仔仔Mario,目前已經成功修身只有90多磅,腰圍更回復23吋!原來張名雅產後修身,全靠2招!眾所周知餵人奶可以幫助修身,Carat的母乳路走了六個月,雖然不易行,但卻很有滿足感。Carat說:「起初餵人奶真的有點辛苦,因為黃金初乳很珍貴,所以我就不停泵奶,怎知不小心弄損了,之後每次餵人奶就很痛,不需餵奶時又痛,不過看見BB邊吃邊睡很窩心,瞬間就會痛楚全消。」

張名雅
張名雅
張名雅IG

View this post on Instagram

第一次跟 @babymariochoy 分開了超過48小時.. 依然努力泵奶,為左呢十幾包奶半夜三更較鬧鐘起身泵奶,出街行緊景點嗰時都衝返酒店泵奶,到食飯時間涼都未沖都要先泵奶。一返到來 baby Mario 身邊唸住抱下佢,但係我無。一返到來抱住嘅係個泵。之前草左D人奶比佢,但係今日我返來之前人奶已經缺貨,原來佢今日無人奶飲,成日無 or C 😏🤣 #人奶媽咪真係堅辛苦 #每次泵奶要成七八個字 #為左喂啊仔可以去到幾盡 #為左想身體製造多D奶每次埋身之後都要泵 #真係無灑自己時間 #男人唔會明白 #有時訓都無得訓 #泵到痛 #唔泵就谷到痛 #身邊人支持好重要 #煲下湯水 #照顧下BB等我有返D時間使下 #呢半年以來未試過連續訓超過四個鐘 #agiftforbabymario

A post shared by 張名雅 Carat Cheung (@caratcheung) on Sep 1, 2017 at 4:00pm PDT

View this post on Instagram

人奶小趣事:好多人奶媽咪都應該會有兩邊奶量唔同嘅情況。平時泵出來一邊會有150ml,另一邊只有幾十。所以BB每次埋身加埋都飲到百幾二百,視乎佢嗰餐嘅胃口想飲多定小同埋會唔會好俾心機啜😆。 啊仔通常都飲得超快,快到一個點,快到嚇親我。為左增加奶量最近頻頻比BB埋身,刺激身體多造奶。有一次半夜喂喂下好似見到佢一路飲鼻哥一路係度滴奶以為自己睇錯,點知之後好幾次都係咁!同兒科醫生了解後,應該係BB飲得太急同埋一邊谷得太多奶(鼻只會飲多個邊時滴奶,另一邊唔會)。試左先泵小小出來然後再喂就再無呢個情況啦!#埋身 #人奶 #每晚先泵奶再埋身等啊仔訓著然後再泵清 #好勤力 #每晚搞成個幾兩粒鐘先有得訓返 #不局限於晚上 #早上下午都要先泵後喂再泵 #埋身喂BB飲得會比泵出來快同多 #埋身佢會望著我 #socute #selfie @babymariochoy

A post shared by 張名雅 Carat Cheung (@caratcheung) on Jun 11, 2017 at 3:36pm PDT

產後修身 第二招:紮肚

Carat修身速度驚人,兩個月已迅速減磅,比起未懷孕時更瘦,現時只有99磅,跟當年選美時一樣。Carat早前更獲產後紮肚修身中心邀請任代言人,她說產後紮肚花了十日時間,起初一、兩次比較辛苦,完全不太適應,習慣了就很舒服,「因為紮肚要產後兩星期才能開始,當時仍然在坐月,又要餵奶又要湊BB,身體特別累和虛弱,所以很辛苦,而且紮完就像一個機械人,幾小時都動彈不得,不過如果覺得辛苦,可以睡在牀上,反正坐月都需要睡覺休息。」

張名雅
張名雅
張名雅IG

早在產後一個月的時候,張名雅在FB上載了幾張「古法紮肚」的照片,又不介意公開自己腰圍同懷孕後長出妊娠中線相。佢留言話:「紮肚前度下條腰仔…竟然27″…」

張名雅四月時在FB表示治療師首先幫她按摩,按淋巴,然後按肚。因為生產過程會令媽咪入風,產後更加要注意驅風同避免入風。「按肚主要集中在子宮和卵巢的穴位,治療師亦會用按摩嘅手勢按D肚風出來,然後在肚上加入溫和嘅草藥驅風(包括薑)。對於一般需要改善腰線同盤骨嘅媽咪,紮肚應該會比較大幫助。」

張名雅
張名雅
張名雅

「至於我,生B前同生B後一直都keep到有條腰,所以我比較期待收緊盤骨嘅功效因為我覺得大肚之後個 pat pat 係明顯大咗嘅。搽左暖暖嘅草藥之後,就開始紮肚啦。原來紮肚有三層布㗎。治療師一路紮一路問我頂唔頂到啊,會唔會太緊,定係唔夠緊可以紮緊D啊?第一日我選擇紮得比普通力度緊小小因為我都留喺屋企,就算唔舒服都可以瞓低。結果我第一日變左個機械人,果然唔係好郁到

😆 休息左一個下午,我紮咗四個幾鐘就解左佢啦。(如果想效果好啲就忍六個鐘啦)過左第一日之後我已經習慣左,每日就算紮得緊啲都一樣行動自如。」

張名雅
張名雅
張名雅IG
張名雅
張名雅
張名雅IG

產後一個月就已經回復27吋腰!

張名雅
張名雅
張名雅IG
張名雅
張名雅
張名雅

Carat自言比較幸運,孕婦的煩惱比較少,「很多生完BB的媽咪都會煩惱,坐完月、放完產假,又想盡快回復身形投入工作,但又要照顧BB,壓力真的很大,不過我就少了很多這方面的煩惱,因為一直都有去中心做產前及產後的護理,懷孕時因經常水腫會去按摩。」她表示與老公已有共識,暫時不會再追B,先專注工作,相信幾年後才會考慮生育問題。

張名雅
張名雅
張名雅IG

下一頁:回復23吋腰 張名雅產後修身全靠2招

0
0

下一頁:港姐 張名雅 順産開刀 的抉擇

延伸閱讀:

【BB濕疹】濕疹告急!4個牛油果對皮膚的好處

視頻精選
更多新聞