【專訪】王梓軒推新歌講追夢:出道時沒想過自己會這樣發展
2018年10月25日12:06

王梓軒明年就入行十周年,由於經常忙於拍戲等工作,原來已兩年無出廣東歌,最近推出全新廣東歌《寄居太虛》,講述自己與夢想的距離。

《寄居太虛》講自己經歷!?

王梓軒新歌用太空做主題,講自己與夢想的距離,他表示很多時在追夢過程中會不知道將遇到什麼困難,不知最後會「著陸」在哪,不知道會不會成功:「有啲似喺太空入面,搵唔到方向,有時搵唔到光。」王梓軒又透露今次將會是一個系列,《寄居太虛》及另一首《邊緣引力》將是首波:「MV拍嘅時候都係一齊拍,歌詞方面兩首都呼應。希望大家可以跟住故事去追!」

無遺過音樂

雖然因忙於拍戲而兩年無出廣東歌,但王梓軒直言無遺忘過音樂:「我一路都keep住做音樂,只不過幫人做多啲,或者係幕後做。但係行呢啲路真係我出道時無諗過自己會咁發展,當然好感恩有唔同製作人同創作人畀機會我去嘗試。」不過梓軒亦坦言要在新環境中思考其實自己想做什麼,到底想不想做戲和做綜藝:「有時可能會迷失,因為呢啲嘢好新,對自己好陌生,會諗係唔係為咗做好呢樣嘢而要去改變自己。」

音樂vs拍劇

問到是否把重心重新放在歌唱事業,梓軒表示會繼續拍劇:「其實係多咗一樣我好重視好有熱誠去做踲嘢。只不過我音樂嘅作品,尤其喺2018,2019年嘅密度會多咗。一來因為呢兩三年儲了好多作品,而2019年亦係我出道十周年,咁我都希望可以用一個演唱會形式同大家回顧一下。」

更多新聞