【大個仔喇!】童星晉身劍擊手 吳諾弘棄讀男拔做全職運動員
2018年11月07日22:57

最近熱播嘅大台劇《是咁的,法官閣下》,片頭一幕黃智賢同關禮傑喺終審法院大樓門前嘅一場格劍畫面,唔知大家有冇留意?為呢場戲擔任指導嘅,就係由童星晉身成劍擊手嘅吳諾弘擔任指導㗎喇!由3、4歲開始做童星,而家諾弘已經19歲,而且早兩年仲選擇暫時休學,全職做港隊劍擊手!

撰文:Joanne|圖片:新傳媒資料室、TVB劇照、吳諾弘微博+Facebook(部份相片由受訪者提供)

延伸閱讀:

【親子好去處】即釣即食 全港唯一 觀塘台式室內釣蝦場

影后林嘉欣笑談湊女經:正向管教 放手讓小朋友自由探索!

四年級已在學界稱王

3、4歲開始做童星的吳諾弘,起初因為覺得劍擊服有型,加上就讀小學啟基學校以劍擊聞名,所以在小二時就開始學劍,到小三開始打學界,小四至小六3度蟬聯全港小學學界個人花劍冠軍,及傑出運動員獎項!

吳諾弘
吳諾弘

諾弘小學讀嘅啟基學校,自95年創校,成立劍擊隊超過17年,多次成為九龍區學界團體冠軍,唔少港青、港隊代表,都係出自呢間學校,當中包括崔浩然及最年輕的亞運代表鄭曉為,稱得上係「港隊搖籃」。

吳諾弘
吳諾弘

2012年,諾弘成功考入拔萃男書院,5年嘅學界生涯,為學校同自己都贏咗唔少獎。

其中包括有「學界奧斯卡」之稱嘅中銀香港紫荊盃- 最佳運動員(劍擊)。

成為職業運動員後,吳諾弘經常都會隨港隊到世界各地參加比賽,早前至喺亞洲U23劍擊錦標賽,同隊友一齊贏得男子花劍團體賽金牌。

喺拔萃男書院讀到中五,諾弘因為考慮到運動員嘅黃金期實在好短暫,於是就同父母表示想休學,投身成為全職運動員。

而父母對諾弘嘅諗法亦都相當支持,認為讀書幾時讀都得!

擔任劇集劍擊指導

幫大台拍咗十幾年劇,今次諾弘喺劇組就有一個新身份,就係劍擊指導喇!

其實諾弘同Ben哥哥黃智賢都有少少淵源㗎!

十幾年前,Ben哥哥仲好後生,諾弘仲好細個嗰陣,佢哋已經一齊拍過廣告㗎喇!唔知Ben哥哥睇番呢張合照,會唔會好感觸呢!

細細個有唔少時間都係喺片場度過,拍過嘅劇都唔少啦!

第一次拍劇

諾弘第一次拍劇,就係2005年嘅《心花放》,當時係做陶大宇同向海嵐嘅囝囝,不過陶大宇係唔知諾弘係佢個仔嚟㗎!

《酒店風雲》就做郭可盈同馬神個仔喇!

荃加福祿壽探案》都算突破喇!唔係做人個仔同細佬,而係做鍾嘉欣嘅情郎!?冇錯!!一定係拍於《殺人犯》後,因為戲入面係講佢患有罕見不老症!

阿姐喺劇中係偵探社社長,即係負責拉佢啦!

宮心計》入面就做皇子李怡,即係童年版嘅陳豪。

喺戲入面明明好醒,但係就要詐傻保命

09年,開始大個仔喇,同蔡少芬拍《飛女正傳》,就係做一個好老積嘅小朋友,睇唔起戲入面嘅蔡少芬想討好佢,嫁畀佢Daddy。

拍《最美麗的第七天》,當年唐詩詠仲係成日做緊人哋個妹,而家都做咗視后喇!

《巨輪》入面嘅少年羅威信,應該係近年觀眾深刻啲嘅角色喇!咁睇又確係用蕭公子有啲似樣啦!

拍《巨輪》成日都要過澳門取景。

最辛苦就係要扮偷渡客,上山下海咁同阿哥由大陸偷渡嚟香港啦!

再大個啲,演出都少咗,客串過《愛回家》啦。

最近期拍過嘅劇,都已經係2015年嘅《四個女仔三個BAR》喇!

延伸閱讀:

【BB濕疹】濕疹告急!4個牛油果對皮膚的好處

更多新聞