陳華鑫四眼律師look獲大讚 性感學生妹演出被奉為經典
2018年11月15日18:09

台慶劇《是咁的,法官閣下》早前一集講到飾演實習律師的陳華鑫,因在法庭上偷拍而被判刑,影相呃like都唔係可以亂嚟嘅!不過講返重點,陳華鑫擁有一副青春靚樣加娃娃聲,於劇中的四眼律師look亦非常討好,獲唔少網民大讚!陳華鑫喺現實就快做媽媽,不過之前喺劇集扮學生妹成名,性感演出成為網絡熱話,依家一一回顧!

撰文:東方新地|圖片:新傳媒、Instagram、劇集截圖

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《是咁的,法官閣下》陳華鑫四眼律師look獲大讚

《是咁的,法官閣下》早前一集中,講到飾演實習律師潘琪的陳華鑫竟然知法犯法,被發現於法庭上偷偷用手機影相,最後被判罪名成立,罰款2千蚊,有機會影響獲取大律師資格!依家人人咩都鍾意用手機影低,放上網呃like,但隨時會出事!

陳華鑫
陳華鑫
劇中陳華鑫被發現喺庭上用手機影相,其中一張影到黃智賢個靚仔樣。

陳華鑫
陳華鑫

庭上偷拍被發現

偷影被發現,被法官點名!

陳華鑫呢個四眼look非常搶眼!
劇中陳華鑫最終都係被裁定罪名成立。

「眼鏡娘」造型好省鏡

《是咁的,法官閣下》都有唔少靚女演員,不過估唔到除了麥明詩以四眼look演大律師外,只在其中一個單元故事出現的陳華鑫都備受關注,網民都大讚其「眼鏡娘」造型好省鏡!陳華鑫接受傳媒訪問時表示自己都好喜歡呢個角色,自己好投入去演,並多謝陳耀全監製多次搵佢演一啲甚有發揮空間的角色。

陳華鑫好襯呢個造型!

童顏準媽媽

1989年出世的陳華鑫今年29歲,外形可愛嬌滴滴又有一把娃娃音,但其實佢已為人妻,仲就快做媽媽!陳華鑫今年一月嫁予圈外男友周國榮,婚後二人極速造人成功,並於八月公布有喜,預產期為十二月底。不過陳華鑫接受訪問時,表示因子宮頸短,所以好有可能會早產。

陳華鑫與老公周國榮。

大婚當日的靚靚新娘!

被問到產後會否復出,陳華鑫笑指現階段都係努力安胎,生完BB先睇吓公司會唔會俾機會佢再加拍劇!

《性在有情》性感學生妹演出

唔講大家未必記得,陳華鑫為2012年落選港姐,有樣有身材,仲有一把好嬌嗲的BB聲。佢早年喺《性在有情》中飾演陳敏之的中學生妹妹。雖然當時陳華鑫已經26歲,不過扮演中學生完全冇違和感,仲非常誘人!其中一場戲佢請教敏之如何升Cup,着住粉紅小背心係咁谷,睇到觀眾血脈沸騰!

陳華鑫想豐胸,所以試試夜晚戴細一個size的內衣!

小背心谷胸

陳華鑫著住件低胸小背心,跳吓跳吓咁走入房,呢個角度真係幾震撼!

除了小背心谷胸,陳華鑫喺《性在有情》每次出場都幾乎係短褲短裙晒美腿!

索學生妹配薯老師

飾演中學生就當然有校服look,陳華鑫着住校服短裙仔、小白襪黑鞋青春可人,仲會同薯到爆的中文老師沈震軒發展一段師生戀!

喂同學,條裙可以咁短㗎咩?

紥起馬尾,即刻後生十年咁!
呢個薯頭老師算唔算係沈震軒代表中之一?

三點式性感演出 幫沈震軒人工呼吸

雖然喺劇中學生妹look本來已夠煞食,但如果大家仲記得的話,陳華鑫其實仲有一集以三點式泳衣性感演出,呢場戲係講佢同幾位同學仔去沙灘玩,點知薯頭老師沈震軒不慎遇溺,被陳華鑫救起,嘴對嘴人工呼吸!

薯頭老師與索爆學生妹形成強烈對比。
劇情講到沈震軒不慎遇溺,成身濕晒。

青春無敵學生妹

幾位靚女齊齊三點式泳衣上陣,青春無敵,畫面相當香豔!

美女打排球~

陳華鑫著三點式泳衣相當誘人,但劇中沈震軒思想古板過原始人,所以驚死佢被人睇蝕。

沈震軒不慎遇溺

之後去到重頭戲!陳華鑫救起不慎遇溺的沈震軒,準備人工呼吸。

三點式索女俯身為你做人工呼吸,真係好想扮暈多一陣!

陳華鑫身材又未算波濤洶湧,但勝在夠平均又皮膚白滑,加上青春甜美靚樣,冇得輸!

2012年落選港姐

陳華鑫2012年參選香港小姐,最後三甲不入,於是與其他落選港姐一樣參加藝員訓練班,畢業後成為大台藝人。值得一提的是,近年唔少網民都話2012年港姐競選相當高質,除了三甲張名雅、黃心穎及朱千雪外,仲有湯洛雯、林泳淘、岑杏賢、陳潔玲等靚女。

六年前的陳華鑫,外表同依家分別不大!

選港姐時當然會以三點式泳衣示人,當時陳華鑫似乎瘦削一啲?

最右係靚湯湯洛雯。
2012年港姐競選出了唔少高質靚女,依家都成為大台小花。

未知會否復出拍劇

陳華鑫現時專心待產,希望佢生完BB後都會復出拍劇,有更多機會見到佢演出啦!雖然小編同網民都唔介意佢再度泳衣性感演出,不過可能人哋老公唔俾呢!

麥明詩馮盈盈

麥明詩同馮盈盈兩位港姐冠軍無獨有偶,都係俾人感覺「貼地」,而兩人又唔係從大學畢業好耐,換上校服真係毫無違和感!

江嘉敏

江嘉敏早前在《親親我好媽》中飾演江美儀大女,一位17歲學生妹,因爲演技自然而大受好評!江嘉敏戲内係一位乖巧文靜,品學兼優的學生,真心純過蒸餾水!佢喺劇中同何廣沛嘅感情線,更是觀眾至愛情節!

WhatsApp Image 2017-02-24 at 16.51.30 (1)
WhatsApp Image 2017-02-24 at 16.51.30 (1)

江嘉敏拍攝經驗可不少,好似《女人多自在5》、《沒有牆的世界》及《我的家庭醫生》等港台節目,劇中角色一律都係學.生.妹!所以佢在《親親我好媽》再演學生,完全係駕輕就熟!

簡淑兒

有人話「鍾意笑嘅女仔特別受歡迎」,咁簡淑兒可能就係一個例子。簡淑兒曾經喺《愛回家之八時入席》憑住招牌腰果眼、甜美笑容加上密密短裙露長腿成為網民討論焦點。簡淑兒曾經喺無綫劇《迷》登場飾演學生妹,雖然只係做配角,但一樣受到唔少觀眾嘅歡迎,俾網民大讚佢又靚又可愛!

4555
4555

WhatsApp Image 2017-02-24 at 17.17.14 (1)
WhatsApp Image 2017-02-24 at 17.17.14 (1)

簡淑兒當時27歲,只係比飾演媽媽嘅39歲田蕊妮細12年,但簡淑兒着起校服,睇落似足真嘅學生妹一樣,完全冇違和感。

簡淑兒為女子音樂組合「少女標本」成員之一,亦曾經參選2012年香港小姐選舉,大家望到佢個樣有無啲「初戀嘅感覺」?

王敏奕

王敏奕(Venus)之前曾主演的青春電影《初戀日記:賤男蜜擾》,當時Venus 頻頻喺instagram晒出「學生妹」劇照,有啲穿起校服展示pure一面,又着體育衫Show性感長腿,張張都影到好似寫真咁,認真令人流鼻血!

WhatsApp Image 2017-02-24 at 18.16.31
WhatsApp Image 2017-02-24 at 18.16.31

WhatsApp Image 2017-02-24 at 17.17.17 (1)
WhatsApp Image 2017-02-24 at 17.17.17 (1)

Venus坦言好彩自己無Baby Fat,都覺得甚爲滿意效果。但係就話男友曾國祥之前探班時,見到個索Look都「沒反應」,原來佢話男友曾國祥對事業型女性戀愛導師Look反應較大,話接受唔到!

WhatsApp Image 2017-02-24 at 17.17.16 (1)
WhatsApp Image 2017-02-24 at 17.17.16 (1)

WhatsApp Image 2017-02-24 at 17.17.16
WhatsApp Image 2017-02-24 at 17.17.16

其實Venus早年喺《女人俱樂部》亦有好大發揮,飾演年輕版朱莉(李麗珍飾),劇中都有頻頻穿上校服,仲要係旗袍裙!無論係西裙定旗袍裙,Venus都輕易駕馭到!網民都覺得佢有幾份似李麗珍,甚至比李麗珍更加適合朱莉呢個角色。

《DIVA華麗之後》入面都扮過學生妹!

陳華鑫

2012年落選港姐陳華鑫(Gloria)有樣有身材,仲有一把好嬌嗲的BB聲,佢今次在劇中飾演陳敏之妹妹。雖然Gloria今年已經29歲,不過扮演中學生完全冇違和感,仲非常誘人!其中一場戲佢請教敏之如何升Cup,着住小背心係咁谷,睇到觀眾血脈沸騰!

Gloria真係每次出場都係短褲短裙晒美腿!

索學生配薯老師

飾演中學生就當然有校服look,Gloria着住校服短裙仔、小白襪黑鞋非常青春可人,之後仲會同薯到爆的中文老師沈震軒發展一段師生戀!

李佳芯

去年大受歡迎的《踩過界》中,其中一集見到做領袖生的Ali着住灰色校服,紥起馬尾,清純氣質出晒嚟,難怪趙永洪都大讚佢純過蒸餾水!

35歲的Ali扮學生妹完全冇違和感,仲搞到小編回想起學生時代的甜蜜回憶 (如果有的話)…

鏡頭一轉 變夜蒲女神

正所謂「女大十八變」,鏡頭一轉,那些年的清純領袖生已不復見,取而代之的,係夜蒲女神!學生皮鞋變高踭鞋、校服裙變紫色貼身迷你裙,長大後做法官的Ali私生活多姿多采,熱情奔放,喜愛夜蒲,身邊男士團團轉!

「邪花」系Ali回歸

「在橫行無忌舞池內,令全場圍住也應該…」火辣Ali玩得勁投入,表情勁享受,之後再嚟一個近鏡,香汗淋漓的Ali眼睛半開合,露出一個極嫵媚的眼神,觀眾大呼不得了!Ali之前喺《律政強人》及《與諜同謀》都係比較正經的角色,發揮一般,今次終於回歸觀眾最愛佢演的「邪花」系角色!

延伸閱讀:

《是咁的,法官閣下》引起律政熱潮!盤點十套經典律師電視劇

更多新聞