許志安做探訪 畀老友記問感情事 「你以前係咪同XXX一齊?」
2018年11月30日16:21

許志安日前佢去咗元朗一間老人中心進行探訪, 歌迷會的義工團帶同三隻受過專業訓練的治療犬,平日安仔畀記者問問題就問得多,但畀老友記追問感情事應該唔多,呢日佢就畀一位婆婆追問佢感情事,場面超好笑!

撰文:東方新地| 圖片:新傳媒圖片、許志安IG

延伸閱讀:

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

許志安 去老人中心探訪

安仔早前去咗元朗一間老人院探訪公公婆婆,同行仲有三隻受過專業訓練嘅治療犬,佢話:「我歌迷會有義工團,以前都試過同歌迷探訪護老院,今次仲帶埋治療犬同行,原意係帶歡樂畀老人家,但其實都係治療緊我,因為我可以放下工作,比佢哋更開心。」

許志安
許志安
許志安同歌迷會義工團帶埋三隻受訓過嘅治療犬,去老人中心探同公公婆婆,眾人歡度一個愉快的下午。

安仔當日為咗令公公婆婆開心,即場唱幾句粵曲助慶,又慢慢令本來唔敢接觸治療犬嘅老人家,主動提出餵狗狗食零食。

眾人閒話家常期間,期間有一位醒目嘅婆婆突然問安仔:「你以前係咪同鄭秀文一齊?」頓時哄堂大笑,安仔也笑住話:「依家都係喎!乜你咁八嘅,咁你知唔知羅家英同邊個?劉浩龍同邊個?沈震軒又同邊個?」

還有位老友記邀請安仔打麻雀,為免令認真打牌的老友記失望,最後安仔竟因棄糊變出銃,他說:「我一向冇賭運,剛才反而係咁自摸,我算用心良苦,為咗令佢哋開心,贏牌變輸牌,哈哈!」

安仔又話有義工、治療犬關心固然好,但只係錦上添花,家人嘅關心先係最重要!講得好啱!

許志安 潮玩wake surf

都話兩公婆結婚愈耐、外型越似啦,好似Sammi鄭秀文同許志安呢一對,結婚五年,安仔都被Sammi感染,愛上做運動,愈嚟愈fit、愈嚟愈潮,仲愈玩愈青春㖭。繼日前潮玩wake surf,曬完八舊腹肌,身體力行證明心境同身型都同樂壇班後生有得揮外,早兩日又見佢約咗友人在跑馬地食晚飯,大講大笑十足十後生細仔良朋相聚,cap帽短褲再襯對籃色波鞋造型亦都隨意得嚟好青春,喂,咁睇法,話安仔已經滿51歲,你信唔信先?

同朋友去跑馬地食西式簡餐,安仔好大方,食完嘢二話不說走去櫃枱負責買單。上個月啱啱生日51歲嘅安仔keep得fit,成身裝束又潮童一樣,邊似五字頭?

唔使驚,陪安仔撐枱腳都係男性朋友嚟啫,兩位好好吹,食完餐飯再傾多幾個字,臨別安仔都意猶未盡笑得開懷。

安仔話以前有演唱會先會狂操,平日做踢吓波,唔會太多操練,近年受Sammi影響,不會陪跑步,自己都keep住操肌,閒閒地都有六嚿腹肌同粗壯臂彎﹗

近來安仔愛上wake surf,無論晴天陰天都出海,難怪時刻保持年輕心態﹗

延伸閱讀:

曾經戒飯8年都減唔到肥!劉品言靠消水腫兩個月減11kg

更多新聞