王晶翻拍《唐伯虎點秋香》新晶女郎登場……
2018年12月09日23:21

星爺周星馳經典作品多不勝數,無論電視重播幾多次,有時都真係忍唔住坐定定再睇,《唐伯虎點秋香》就係其中之一!日前導演王晶發布多張《唐伯虎點秋香2019》劇照,竟然冇唐伯虎、秋香兩個角色,不過就有位新晶女郎登場……

撰文:東方新地|圖片:微博、電影截圖

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入謀殺案被岳華判死刑

《義不容情》第5-9集劇情 | 周海媚登場暗戀溫兆倫、有康有健兄弟多次爆爭執

星爺經典《唐伯虎點秋香》

1993年周星馳的《唐伯虎點秋香》,不經不覺已經面世25年,唔少觀眾同小編一樣翻看又翻看,電影啲經典對白幾乎識背晒!

唐伯虎點秋香
唐伯虎點秋香
江南四大才子登場。

唐伯虎點秋香
唐伯虎點秋香
對穿腸亦係神級經典人物。

《唐伯虎點秋香2019》

日前王晶大導就喺網上發布多張《唐伯虎點秋香2019》劇照,不過新片竟然冇唐伯虎同秋香呢兩個角色,演員方面有陳浩民、林子聰、陳百祥、鄭佩佩、苑瓊丹及邱意濃。相中見到陳百祥、鄭佩佩和苑瓊丹,似乎都係繼續扮演祝枝山、華夫人和石榴姐。

唔知陳浩民係咩角色?

新晶女郎雲千千

不過最重要都係,王大導重點介紹最新「晶女郎」─ 雲千千,佢留言話:「《唐伯虎點秋香2019》中美女如雲,晶女郎空羣而出,包括最年輕晶女郎雲千千,飾演東香。」大家點睇?

23歲嫩妹 身材索爆

呢位雲千千今年23歲,同以往晶女郎一樣身材玲瓏浮凸,早在14歲就參與了處女劇《仙劍奇俠傳三》,之後都有參與不同電影及劇集,經驗不少。但好多網民都覺得雲千千係一般「網紅樣」、「有啲膠」,加上星爺電影太經典,所以都冇咩期望……

周星馳《新喜劇之王》大年初一上映 主角陣容面目全非?

星爺近年已退居幕後,觀眾已多年未有機會在大銀幕上看到其演出,不過星爺多部經典作品早已深深留在觀眾心中,翻睇又翻睇不在話下,甚至連啲對白都背熟晒!而《喜劇之王》,亦是唔少香港人的集體回憶!

星爺近年已退居幕後。

喜劇之王
喜劇之王

《喜劇之王》經典場面 (難以盡錄)

喜劇之王
喜劇之王
星爺同栢芝呢一幕確是深入民心!

喜劇之王
喜劇之王

Sunny哥及霞姨
龍少:我要初戀呀~
呢廿蚊,慶功!食牛雜!
「對唔住,我係臥底。」

《新喜劇之王》搶攻賀歲檔

日前《新喜劇之王》決定於2019年大年初一上映,搶攻賀歲檔檔期,官方發布了首張電影海報,海報上見到主角身穿白雪公主服飾及手持摺櫈,與前作一樣以夕陽為背景,不過演員名單及故事內容依然保密。

呢副插圖似乎都相當有星爺的味道?

主角陣容面目全非?

今年星爺全力趕拍《美人魚2》,不過該片需要用上大量特技,後期製作需時,所以未能趕及2019年賀歲檔上映。故今年10月開始有開拍新一集《喜劇之王》的消息。星爺自己當然唔會再演主角,班底亦都唔可能再見到莫文蔚、張栢芝,所以據知會搵來三位內地演員擔綱主演,男主角王寶強更是星爺親自邀請!

王寶強近年在內地紅透半邊天。

「星女郎」林允擔正

至於女主角本來盛傳係內地女星姚晨,不過佢已否認了有關傳聞,有指角色會由近年甚得星爺重用的「星女郎」林允演出。由於時間緊迫,星爺只負責《喜劇之王2》監製,並由邱禮濤導演執導。邱導喺行內出晒名係「目標王」,拍電影極少超支或超時,快靚正!

內地女星姚晨
林允早前於微博post出讀劇本的照片但就故意將劇本打格仔,相信係星爺下唔准洩露風聲!
但相信邊一位女星演出也好,都難以取代張栢芝喺香港觀眾心中的地位?

延伸閱讀:

光頭都可以好型!盤點16位明星光頭造型

更多新聞