反口推劇犯眾怒!李佳芯埋門失視后
2018年12月14日15:36

今年無綫視帝視后花落誰家,下周日(16日)在《萬千星輝頒獎典禮》即將有分曉,不過賽前一直被視為視后大熱的李佳芯,最近應該心緒不靈。年中憑一套《 BB來了》道盡新手媽媽辛酸的李佳芯,賺晒人氣兼財氣,繼續受力捧,現時拍緊套《殺手》,本來有另一套新劇《禍後》緊接於年尾開拍,李佳芯劇本到手口頭亦應承會接,但當衡量過此劇一開將會霸佔聖誕新年幾乎所有外出賺錢的檔期,她即縮沙反口推劇,結果惹來公司犯眾怒,想攞視后凍過水。李佳芯封后在即卻被拉下馬,造就兩大勁敵陳煒與黃智雯爭崩頭,錢字當頭失視后,李佳芯今次恨錯難返。

撰文:東方新地、新假期 圖片:新傳媒圖片、TVB劇照、李佳芯IG

延伸閱讀:

Selina公開變瘦秘訣 3個月體脂30%減到21%!

洪永城撻著長腿模特兒 前度唐詩詠開口回應

李佳芯 憑《 BB來了》入屋

加入無綫六年,李佳芯一直機會多多,很快就嶄露頭角成為上位花旦,形象亦正亦邪而且肯捱肯搏,去年憑劇集《踩過界》彈起,今年憑《 BB來了》更入晒屋,獲提名視后攞獎呼聲甚高,早前更傳李佳芯決心成視后甘願延遲結婚生B,不過幾有觀眾緣同人氣都好,行錯一步就無得返轉頭。

無綫近年一線花旦凋零,造就李佳芯極速上位,不過未拎到視后就推劇,搞到自己埋門失視后,值唔值得呢?

拒再做人母

據知近月李佳芯與黎耀祥拍攝《殺手》,日接夜夜接日辛苦到爆,而無綫早前已通知她拍罷此劇即投入新劇《禍後》的拍攝,知情者透露:「其實Ali(李佳芯)已經睇晒劇本應承會接,但佢突然反口又話唔拍,因為個角色要做人阿媽有個幾歲大囡囡,另外仲有傳佢知道男主角係林文龍,就話同對方唔襯,不過好明顯呢啲都係藉口啦!其實就因為套劇橫跨聖誕新年,一拍就幾個月,換言之畀公司lock實幾個月冇得出去搵真銀,依家Ali身價唔同晒,佢又非常受客戶歡迎,咁搞法唔見好多錢,佢計過度過都係決定唔拍,呢個決定真係激嬲好多人,Ali以往都好聽話,未試過咁,不過人紅咗可能心態唔同咗,佢可能覺得自己可以有say,不過冇諗過後果會咁嚴重啫!」

據知新劇《禍後》是由《不懂撒嬌的女人》幕後原班人馬再操刀,監製關文深是《不》的導演,見上次林文龍出山反應極好,今次搵來李佳芯拍他,希望會有更強勁的化學作用,不過現在李佳芯唔拍,據知女主角將會由黃翠如義氣頂上,而新加盟星夢唱片的連詩雅亦會粉墨登場。

拒拍林文龍

即將在今個月開拍的新劇《禍後》,被網民率先披露演員陣容,男女主角本來是林文龍與李佳芯,可是李佳芯突然反口唔拍,更有傳她嫌林文龍與自己不合襯。

賽果隨時有變

在上月舉行的51周年台慶夜,無綫率先揭盅星馬兩地視帝后大獎,今年視后之爭激烈過坐過山車,黑馬黃智雯成功揮低大熱陳煒與李佳芯,贏開巷封雙料星馬視后,有指這個安排本來是為了造就李佳芯拎《萬千星輝頒獎典禮》的「最佳女主角」獎,知情者說:「有指Mandy(黃智雯)拎咗星馬視后,咁台慶視后就順理成章頒畀Ali,而煒哥向來都唔多爭獎,有冇都對佢冇影響,所以大家都覺得佢唔志在放軟手腳。不過依家情況有變,Ali推劇等於自動棄權,佢都知道挽救唔到,變相得番Mandy同煒哥之爭,兩個都有支持者,真係未到最後一刻都唔知邊個得米。」

平時守身如玉的李佳芯,在IG出po的照片大部分是有意境的靚相,但早前她為了慶祝粉絲衝破70萬大關,竟自po出浴照派糖,同時亦為視后拉票。

陳煒 黃智雯 出招互鬥

李佳芯突然被拉下馬,今年《萬千星輝頒獎典禮》視后之爭就剩下陳煒與黃智雯,兩個都是好戲之人,不過論年資煒哥就係前輩級。

講戰鬥格與策略,其實李佳芯與陳煒都在黃智雯之下,本刊早前率先爆胡定欣寧願棄票,誓與黃智雯姊妹聯手夾擊「民間視后」陳煒,結果策略成功奏效,黃智雯在上月的台慶夜由出場排位一直企正靚位,分組玩遊戲時,又被安排入視帝視后組,她更被派到好籌,擔正全晚重頭勁舞環節,由她率領50位TVB藝員大跳勁舞,50人伴住跳,貼合無綫「50+1」再出發主題,捱足十年吐氣揚眉,到宣布攞獎致詞時,她不斷多謝無綫:「好多謝TVB一直畀好多機會我!」完全真情流露。

高調談情

身為無綫當家花旦的李佳芯,偏偏戀上ViuTV男藝人陳炳銓,二人打風打唔甩,近月李佳芯不時高調談情,日前更公開表示想男友待她如公主,咁搞法等於倒自己米。

視后級身價

雖然冇視后好姊妹幫忙開路,但李佳芯近年得寵有跡可尋,每年重頭劇都有份,keep住曝光率與人氣,在外出騷代言叫價亦十級跳,未有視后銜頭,但其身價已拍得住視后級的胡定欣及唐詩詠。在台慶夜,李佳芯的出場次數亦特別多,劇集《 BB來了》一班演員亦有演出環節,可見無綫對《 BB來了》極之看重,而在劇集《跳躍生命線》一出場就死的李佳芯,在台慶特別版《跳躍生命線》又有得出場,現身同男主角馬德鐘再續情緣,有指她發力瞄準《萬千星輝頒獎典禮》視后,不過現在好夢已成空。既然視后寶座有變數,與無綫仍有幾年約的李佳芯也就疊埋心水繼續接job搵真銀,日前本刊記者影到她為品牌到pop up store做生招牌,之後再趕去繼續拍劇。其實人各有志,拎唔到視后亦唔代表唔紅,在名與利之間有所選擇,見錢開眼都好正常,36歲的李佳芯從來諗嘢都好另類,睇佢揀男友嘅品味咁獨特都知啦!

日前李佳芯為一個品牌pop up store做宣傳,鏡頭前的她非常專業,在店內不停擺甫士拍照,更即時放上自己的IG出post。

親民花旦

李佳芯形象健康入屋,去到邊都有街坊粉絲埋身集郵,而她亦非常親民來者不拒,無論男女老幼都任影唔嬲。

入後巷變身

做完宣傳,李佳芯趕去中環一間位於後巷的髮型屋轉妝換衫。

專車接送

今時唔同往日,李佳芯出席活動有經理人跟實,出入都有司機加專車接送,派頭十足。

李佳芯《BB來了》完美演繹新手媽咪

繼上年憑《踩過界》嘅蒲精法官角色橫挧多個獎項後,李佳芯喺嘅《BB來了》豁出去演「港媽」唐恬兒,七情上面演活由女強人因有意外有咗而表現出做準媽媽的不安心情,獲網友讚賞!

李佳芯向老公表現出對未知的未來感到非常害怕,並直言:「你知道我犧牲了多少嗎?你知道一個女人懷孕代表什麼嗎?係事業、身材、樣貌各方面即時賭上!」

李佳芯七情上面,仲喊哂口同老公講自己內心除咗不安、擔心外,其實仲有害怕的感覺!

大熱墮馬

今年無綫所頒的三個最佳女主角獎,都是黃智雯、李佳芯與陳煒之爭,早前有傳李佳芯在《BB來了》勁得人心,再加上她願意延遲結婚來換獎,令她成為頂頭大熱,不過最後卻衰推劇,令自己大熱墮馬。

黃翠如義氣頂

李佳芯推拍新劇《禍後》,據知角色由黃翠如頂上。向來深得無綫高層余詠珊寵愛的黃翠如,日前被本刊記者影到與余詠珊到將軍澳一間酒店會面。

當日黃翠如與余詠珊言談甚歡,二人邊食邊傾,有高層出馬,本來諗住減產享受人生的黃翠如,都要捱義氣頂上。

除了余詠珊,無綫電視副總經理(節目及製作)杜之克當日亦出現飯局,不過他有事早走,看來黃翠如的確深受高層們重用。

今年是李佳芯名利雙收的一年,拍劇以外廣告代言不絕,再加上商業活動及商場騷,李佳芯由頭到腳都是生財工具,令她成為公司最賺錢藝員頭三甲, 最難得是她非常勤力接job,每次做代言賣廣告亦非常盡力,深受客戶歡迎。

日前出席保險公司的活動,李佳芯獲客戶送上自製的視后獎項,表現得沾沾自喜。

外表秀麗身形纖瘦的李佳芯,自然成為各大化妝品牌的寵兒。

前功盡廢

一直被睇好前途無限的李佳芯,加盟無綫六年非常捱得,以往拍劇拍到累只在片場小睡片刻又開工,去年在劇集《踩過界》 飾演喜愛夜蒲的女法官王勵凡大獲好評,並獲得《星和無綫電視大獎2017》 「我最愛TVB女主角」。

陳煒谷胸造勢

今年劇接劇來勢洶洶的陳煒,本來性格與世無爭,更被指放軟手腳。不過近月出席台慶夜及歡樂滿東華,她都以性感晚裝谷胸現身,更在社交網為自己拉票,看來 《深宮計》 的太平公主終於發力。

黃智雯姊妹幫拖

上月19日的台慶夜,黃智雯成功揮低陳煒及李佳芯,贏開巷封雙料星馬視后,首次開齋封后全程high爆,有傳好姊妹胡定欣出盡力為她拉票,誓推她上視后寶座。

憑住劇集 《三個女人一個 「因」 》 ,黃智雯終於上位,明顯受無綫力捧的她更在台慶夜擔正重頭勁舞環節,率領50位TVB藝員贏獎又贏勢。

原來由節目主持做到視后的李佳芯,想當年未做有線主持前,已經是旅遊記者熱門選用的Model,唔單止上山下海,最勁甚至去過南極㖭!想當年由model做起嘅Ali,原來在旅遊記者界出名肯捱肯搏好相與,大約13年前開始已多次跟住記者上山下海,由台灣、日本,去到意大利、澳洲、斐濟,最勁仲去埋南極!以下的版面同靚相,眼利嘅網民又記唔記得先?

李佳芯
李佳芯
由收費電視主持,轉到大台做是非精,再由情婦角色做到入屋,全靠呢副剎食笑容。

李佳芯
李佳芯
Ali去年在劇集《踩過界》中變身豪放大法官,以前出trip著健康Bikini碎料啦!

01|當Model第一次 走勻全台灣影婚照(2005年)

13年前的Ali剛投身Model界(當年𡃁模呢個term仲未出現!),還未做有線主持,第一次同記者出Trip,人生第一次的婚紗相就要走勻全台灣影。當年的妝髮造形今日睇起上來當然娘味十足,不過當年唔興過份的Photoshop、唔興假眼睫毛和大眼仔,Ali個樣同今時今日差唔多,證明靚樣真材實料啦!

李佳芯
李佳芯
影靚相彈性要高,見到條公路都可影一餐,Ali一樣配合到。

李佳芯
李佳芯
當年仲興嘅Sammi式幼眉、無大眼仔、無粗黑眼線,天然無添加都已夠靚!

攀山涉水擺甫士

影過婚紗相的人就知,靚相一般要在兩日內瘋狂影晒;Ali在拍攝期間要著住婚紗攀山涉水、公路狂奔:爬上台南的七股鹽山、在青青農場拍攝薰衣草和野花遍地的場景,忍受38度高溫及長期暴曬的拆磨。

李佳芯
李佳芯
七股鹽山的鹽堅硬易傷手,Ali著住婚紗爬上去影相都唔易。

李佳芯
李佳芯
以為影靚婚紗相好Glam?Ali踩住泥都一樣交足戲。

當年的記者憶述,拍攝當日台北天氣驟晴驟雨,拍攝團隊只好躲在車內,待雨停時Ali立刻跑出車影,影不到兩三張又下雨了,又要躲起來。如是者,跟天公玩足一整天躲貓貓。Ali都以專業態度面對,第一次出Trip,其實好難得!

李佳芯
李佳芯
拍攝時38度的高溫、又時晴時雨,Ali坐埋一邊整理妝髮都無黑面。

李佳芯
李佳芯
呢張相Ali應該都唔想睇番!

翻閱2005年的陳年舊雜誌,當年記者好鍾意寫詩,而影相的攝影師亦好鍾意Model頭戴一大朵花(利申那位是台灣婚攝公司的攝影師)。

李佳芯
李佳芯

李佳芯
李佳芯
去到墾丁海邊叫Ali同臨記「老公」耍親熱,絕無托手踭!

02|天寒地凍 沖繩追櫻(2007年1月)

為了向廣大的讀者報導日本的櫻花情報,記者往往要帶同Model 提早出發。去完台南的1年半後,Ali跟記者2007年1月出發到沖繩,在短短5日拍攝時間內要影櫻花、又要影海邊Resort。當年的記者指,那時候Ali已經是模特兒界的女神,但過程雖然辛苦捱凍,一樣好影無架子有交帶。

李佳芯
李佳芯
1月出發沖繩影櫻花,其實當時花期未到,只得間唔中有一、兩棵開了櫻花的樹,Ali獨個兒爬入山谷花叢扮曬全部花花世界,上山落水無怨言,工作態度一流。

春寒扮初夏 背心短裙頂硬上

1月的沖繩還是冬天,只有10度的低溫,但為了畫面好看,拍攝時全程要穿上春裝,背心短裙,女神一樣拍心口頂硬上,抵讚!

李佳芯
李佳芯
繼續是招牌燦爛笑容,邊個會估到Ali今時今日會做到咁多唔同性格嘅角色!
李佳芯
李佳芯
在櫻花祭中童真的一面,背後其實凍到震!

白滑背脊第一露!

要知道旅遊記者去一個Trip唔只返一隻稿,當年1月已經要去影Resort,你估下呢間無人曬太陽嘅Resort,當時有幾咁凍?就係咁,Ali首次露出了白滑背脊畀廣大讀者。

咪睇女神個靚背脊就以為影Resort 好爽,鏡頭背後不知幾凍!

李佳芯
李佳芯
只可惜Ali的泳衣照唔多,而且張張都好Wide,旅遊雜誌嘛,睇景舒服重要過睇人啦,唔通張張相叫Model舉高手又踢腳咩?

Follow Ali to…

去到海邊resort,蔚藍海岸耍脾氣,時晴時雨,大風,陰陰涼,女神毫不扭擰,要著bikini落水永不say no。最正係去到海邊,攝影師為滿足親近女神欲望,情不自禁,影了一大堆拖住著得性感嘅Ali女神隻手踏浪嘅相,咦,拖手相,咪仲早過instagram手拖手遊世界的 #FollowMeTo情侶Murad Osmann,同埋日本時興嘅男友視角相囉!

李佳芯
李佳芯
放開個女仔!攝影師的拖女神相,係咪要畀嬲先?!
李佳芯
李佳芯
睇真啲當年雜誌個版面,Ali張相只係出咗手心咁大咋,仲細過同頁的豬頭!

03|無P圖!早過男神勇闖南極(07年11-12月)

翻查資料,當時的Ali未做主持,但當時在model界她都多見報,算搶手貨。原來女神仲早過洪永城兩年去南極拍攝(編按:洪永城在NowTV年代曾以幕後身份,與黃貫中前往南極拍攝《一個地球》),係咪威先!

李佳芯
李佳芯
好多人問張相係咪key,當年的美術部主管確認,只得左邊放大嘅企鵝有做手腳,輯相真係去咗南極登岸影㗎!

李佳芯
李佳芯
有相為證,真係有企鵝㗎南極!

辛苦捱到去極地

咪以為去極地就好爽皮,其實要坐足兩日半的飛機,由香港飛荷蘭落阿根廷,幾乎環遊全球,然後再捱30個鐘的船程⋯⋯聽到都想準備嘔吐袋。坐郵輪入南極,大浪到有如坐足兩日海盜船,而且南極天氣變幻莫測,能否如期登岸也需聽天由命。所以,女神每日就像飛虎隊般,隨時候命。

李佳芯
李佳芯
隨時候命!女神日日整裝待發出發影相都無怨言。

李佳芯
李佳芯
話說前往南極大風大浪,每日都嘔幾次;郵輪廁所的骰,女神高䠷身型都要屈就下。

李佳芯
李佳芯
當年去南極的郵輪不是豪華郵輪,得上下格床,Ali都要影一餐!

自備企鵝拍Selfie

去南極當然想睇企鵝,但為保護牠們,規矩講明必須跟企鵝保持最少五米距離,以免影響企鵝的生活。唔知係咪女神太靚(定手上的企鵝公仔?),對人類已沒有戒心的企鵝們也會自動走近,又或乖乖站在附近任影唔嬲。

李佳芯
李佳芯
如果當年有IG, 女神呢張相應該爆晒Like。

李佳芯
李佳芯
要坐雪地等企鵝埋位影相,Ali投入又無怨言!
李佳芯
李佳芯
影咗幾日,突然放晴,一聲令下再影,Ali保持專業即瞓落雪上。

李佳芯
李佳芯
據知登岸時Ali忘記帶銀包,南極之行的紀念品大概只有postcard。

陰公!出場少過企鵝

揭返當年本雜誌,今次南極之旅Ali出場位主要在封面,文中幾乎只有冰山大相同企鵝相,當同船嘅大陸客都有full page赤祼照一大張,Ali只獲得細碎行行企企食飯典床版面,好在呢輯相出土了,否則政府圖書館都睇唔返!

李佳芯
李佳芯
Opening只得半身退地人。

04|終極一脫 三點式玩斐濟(09年)

雖然Ali沒有好似一般𡃁模出寫真集,平日出席大台活動都鮮有走性感路線,不過09年時女神其實不介意健康性感,和記者去斐濟時,就大曬Bikini +長腿。

李佳芯
李佳芯
睇住靚景浸浴,當然夠晒歎。

李佳芯
李佳芯
望住包毛巾的女神,唔准心邪呀!
李佳芯
李佳芯
話說私人別墅的泳池足有270度的海景,靚人靚景!

李佳芯
李佳芯
極罕之長腿!

又到揭雜誌時間,斐濟出名陽光海灘,配上Ali同樣燦爛的笑容,你估下呢張拋花球青春少艾相出咗幾大版?

青春無敵的Ali,比現在多了份清澀感。

李佳芯
李佳芯
大家搵唔搵到Ali喺邊呢?佢輸咗畀搽泥鬼妹!!!

李佳芯
李佳芯
不過睇返斐濟的稿,其實Ali出場已經多過之前去南極㗎喇!

05|跟水哥達人遊澳洲(09年7月)

2009年的Ali已經成為有線主持,主持《體育王》,被網友追捧為「體育女王」,知名度已大大提升;難得就到檔期跟雜誌去遊斐濟,同一個Trip順便Part埋飲食達人紀曉華(Walter Kei),去埋澳洲塔斯曼尼亞歎世界食好西。

李佳芯
李佳芯
Ali 跟住紀曉華飲飲食食,仲學到不少下廚心得。

李佳芯
李佳芯
回到Ali未紅時,成個Trip都做水哥下把,一齊搞笑。
李佳芯
李佳芯
美食稿當然要影食嘢相!

據當時去採訪的旅遊記者憶述,說採訪塔斯曼尼亞東岸蠔場時,位處南半球的塔斯曼尼亞正入冬,到訪之時白天只有8-10℃,天寒地凍,Ali 和紀曉華都要著上「賣漁勝」裝束落水。咁嘅情況下正常人都會嗌凍,但當時人氣已不俗的Ali毫無怨言,震住都快手開工。

李佳芯
李佳芯
落水得幾度,女神笑容依然燦爛,襟撈!
李佳芯
李佳芯
咁大盤生蠔勁抵食!

李佳芯
李佳芯
見到可愛的Tasmania Devil,Ali都忍唔住露出可愛樣。
李佳芯
李佳芯
對住細路,攝影師要捉Ali自然神情話咁易。
李佳芯
李佳芯
入得廚房的Ali今次做了紀曉華的小助手。
李佳芯
李佳芯
Cooking class上Ali堅有幫手,唔係扮嘢影相等導演喊Cut㗎!

06|意大利慢食、揸靚車之行(08年5月)

今次意大利之旅,Ali跟著記者採訪拍攝Alfa Romeo的四天古董車托斯卡納豪華自駕遊,當年都索價2千歐羅!不過坐在經典的Alfa Romeo Spider 1600老爺車,駛過一片片鮮黃油菜花田,穿梭於一字排開的柏樹之間,享受頭髮被風吹起的感覺⋯⋯好屈機呀!

李佳芯
李佳芯
意大利鄉郊靚景處處,有老爺車加俊男美女,輕易構成靚相。
李佳芯
李佳芯
呢個封面位加上香車和美人,絕配呀!
李佳芯
李佳芯
坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,途中仲遇上羊群,羨慕死人!
李佳芯
李佳芯
成隊Alfa Romeo老爺車車隊,就如皇帝出巡一樣,陣容強大,連當地人都覺得好奇。

意大利的五漁村(Cinque Terre)近年成為亞洲人的熱門之選,女神當年去到,除了學習地中海人悠閒步伐,在漁村影靚相,仲有機會大嚼當地海鮮同松露。

李佳芯
李佳芯
要知道旅遊記者出Trip無化妝隨團,咁近影大頭相,睇得出Ali幾乎零瑕疵!
李佳芯
李佳芯
出Trip成日面對住成櫃甜點、朱古力,難得女神都係Keep得咁好。

李佳芯
李佳芯

李佳芯
李佳芯
都靈大教堂前的Ali好搶眼。

李佳芯
李佳芯
意大利五漁村的繽紛小屋,加埋女神食雪糕,靚!五漁村勁多靚景位,影足幾粒鐘Ali都保持專業!

17位女星清純校服Look大檢閱!想當年個個都好pure好ture⋯

楊秀惠長腿收服張衞健 盤點大台11位長腿天后

7個明星奢華豪宅大公開!劉嘉玲、王祖藍屋企大到可以踩單車…

點止34G麥紫莉收飯局短訊!兩位女星自爆有人開高價邀去飯局…

新版《神鵰俠侶》海報曝光 小龍女驚變盜版劉亦菲!網友:陳妍希有人墊底⋯

缺席台慶頒奬禮 凸肚岑麗香 返加國報喜

疑搞大國產粉絲個肚!黃子恆被封渣男 娛圈賤男仲有呢10位⋯

拆解10個藝人花名的由來!鐵粉都可能未必知⋯

撻著3個月心急上岸 江嘉敏挾富貴男友同居

細數歷代23位香港男神!《大帥哥》張衞健當年都迷倒不少女生⋯

車震照肺高層施壓 劉穎鏇飛胡㻗保前途

胞兄收曖昧短訊!陳山聰撐大嫂掃狐

騷完優質股 葉玉卿囡囡 再晒火辣三點式

否認阿澤破產要幫手還債!田蕊妮:我未至於好到咁…

係初戀呀!20位女星清純可人校服look逐個捉!

傳為富商誕第三胎!張栢芝面圓圓著樽領出山⋯

8位紅星減肚腩餐單大公開!安仔3週減12磅 Kelly減肥照食Tea…

【義不容情】當年遭抹黑被迫轉戰台灣 劉錫明 不記仇大方原諒倪震

【2018台慶】袁偉豪、黃智雯膺星馬雙料視帝、視后

【2019無綫節目巡禮】13套重點劇集大晒冷

住半山獨立屋 揭郭子豪闊少真身

翻煲幾多次都唔悶!8套最想深夜重播的高質神劇

胡杏兒等20位女星素顏大公開 係化妝喬裝定係易容術?

18個歷代最有氣質真女神 個個無P圖都好靚女!

延伸閱讀:

李嘉:「我好幸福呀!」 感激張衞健一路扶持及鼓勵

更多新聞