【同住奶奶好惡頂】結婚10年冇鎖匙 苦命新抱沖涼隨時被斷熱水
2019年01月09日16:49

有人話:「新抱永遠別把婆家當自家」,不少已婚人妻感嘆「公婆同住壓力大」,試問有幾多人婚後願意同老爺奶奶同住?台灣有女網民於社交群組抱怨,稱姐姐結婚10多年,卻長年在公婆家被當「外人」,不單沒有家中鑰匙,不能在家吃飯,最過分是「澡洗一半都被關熱水器洗冷水澡」,婚後生活可謂「慘不忍睹」。

撰文:Chloe | 圖片:爆怨公社

延伸閱讀:

【親子好去處】全新開幕親子Party Room | 放電之選 濕身划艇機+ 海洋波波池

【母乳教室】奶媽唔易做 餵母乳的10個難處

苦命新抱結婚10年冇鎖匙

有網民在facebook群組「爆怨公社」發文替外嫁姐姐抱不平。該網民指,姐姐出嫁10多年,「不是好吃懶做、也不是虐待公婆、也沒有做錯了什麼事情」,還「努力工作賺錢,把小孩顧好,」,除非逼不得已也不會要求公婆幫忙。惟多年來姐姐不但「沒有家裏鑰匙、被婆婆到處說壞話、甚至不曾吃過家裏一頓飯」實實在在被男方家裏當外人。

寒冬沖涼隨時被斷熱水

然而,最令人無法接受的是,這位苦命新抱在寒冬沖熱水涼會被「惡霸奶奶」隨時斷熱水。發帖的妹妹指,姐姐「洗到一半熱水器竟被關掉」,理由是公婆荒唐認為超過10分鐘就是在「玩水」。

日常聽姐姐訴苦公婆種種「惡行」,發帖的妹妹心疼姐姐被奶奶「虐待」,直斥其奶奶不仁:「你們是別人的家人,是別人的孩子,而我姐也是我家的的孩子,也是我的家人欸憑什麼這麼對待她?」忍無可忍下,於是將「妖魔鬼怪的一家」擺上網讓網民評理公審。

網民:現實版灰姑娘

有網民留言指,以為這是「灰姑娘才會發生的事」,雖然知道多少婆媳問題都會存在,但單單針對「關熱水器讓人洗冷水」這種過份行為,確實無法接受。另有未婚網民看後留言:「難怪沒有人結婚後想跟公婆同住」。

網批「老公冇用!」勸離婚

貼文曝光後,隨即引發熱議,網民紛紛留言大鬧,「這老公是廢物吧」、「嫁10幾年了⋯沒有家裡鑰匙是怎樣~這不是外人,什麼是外人」、「嫁過去一點尊嚴都沒有」,另有網民勸告「離婚,留著繼續被虐嗎?」,指這個家庭環境太不健康「超扯,這種有病的家庭」。

事主妹妹護姊心切再回應

貼文引來超大回響,雖然不少網民勸這位苦命新抱「搬走」、「離婚」,一致「勸離不勸和」。而事主妹妹事後眼見貼文被登上各大頭條,就再次發文回應,「婆媳不合在這社會很多很多,什麼命苦的事情一定也有甚至更嚴重。」雖然一心為姐姐打抱不平,但亦怕她因此「惹到一身蟻」。

雖然勸諭「希望大家不做人生口業,我們不去批評別人做人處事態度」,但依然表面力撐姐姐的態度:「我沒有要體諒對方家人的意思,也沒有要我姊姊就忍耐的意思」。畢竟不是當事人唯大嘆「身為妹妹心疼覺得難受」。

做人新抱堅係慘? 8個新抱數盡奶奶尖酸史

早前,ViuTV節目《晚吹-又要威又要戴頭盔》其中一期請嚟8個港媽新抱,大數奶奶不是!未聽過又真係估唔到,原來呢個世界真係有啲咁嘅奶奶!

新抱C:奶奶對金錢觀念好恐怖!

「佢最鍾意去比較你搵幾多錢,佢個女搵幾多錢,隔離屋個新抱搵幾多錢!又話的姑奶搵幾多錢,你呢啲正廢柴! 冇用嘅!搵咁少錢!」

去到呢啲位,點可以唔同個C6呻吓!「有一日,我真係忍唔住同我老公講,其實我搵幾多錢,關你阿媽咩事呢!我養我阿媽,你養你阿媽!我係唔會畀錢佢嘅!」

新抱E:佢叫我個仔「食屎狗」!

「我奶奶會叫我個仔做狗,啲老人家好鍾意,驚啲細路湊唔大,就會叫啲細路做阿狗咁樣!『阿狗,我哋出街掃屎食咯!』我每次聽到都會好嬲!」

「我會出聲㗎!『你可唔可以唔好咁講!』佢完全唔理我㗎!『我哋出去掃屎食咯!』頂!你叫我個仔做「食屎狗」!咁即係點啫!」

新抱G:話自己生幾個仔 唔識湊女!

「我奶奶因為自己生咗幾個仔,所以當的抱住個BB返到嚟,佢就同我講:『我唔識湊女㗎喎!』有次我見到佢幫我個女沖涼,攞住條紗巾喺度刷,我話:『細力啲呀,個頭好幼嫩㗎!』佢就話:『我幾個仔都係咁刷㗎啦!有咩問題呀!』

「又話:『我哋細個食嗰啲馬利餅加水,就係奶水嚟㗎喇!邊有而家咁幸福,飲奶粉!二、三百蚊罐!』我咪話:『而家年代唔同喇!奶奶』」

新抱D:冇得生都有嘢嘈!

「唔好彩小產過兩次。第一次有咗我就話返外家休養,咁佢就話:『好呀好呀 !你返去等你阿媽照顧你啦!我唔識煲嘢畀你食!』到後尾唔好彩冇咗,我梗係又返阿媽度,因為情緒唔係幾好,佢又係呢句:『你返你阿媽度啦!我唔識照顧你㗎!』」

「後來想調料,就帶埋個老公一齊去睇中醫。咁我沖中藥,一齊沖埋畀我老公飲,咁佢就好震驚:『點解佢要飲呀?佢咩事呀?』因為佢哋個年代就會覺得,冇仔生一定係你呢個女人有問題,實唔關自己個仔事嘅!」

新抱A:肥人學咩人生仔!

「我都有一次小產嘅經歷,我懷疑係得奶奶導致添!啱啱發現有BB,佢已經企得好硬,『我係唔會同你湊!』但係我都冇要求過佢幫我手。」

「直到流產咗之後,佢就話:『其實你都唔係有㗎啦!你嚟咗場M,只不過遲咗嚟咁解啫!』佢仲要講咗句:『肥嘅人係唔配生BB㗎!』個心好難受,而定努力中都唔敢畀佢知住,費事又講啲咩啦!」

新抱B:嫌我學歷低

「我老爺成日話我讀到中五,學歷低,配唔起佢個仔,佢話佢個仔係大學生!我就因為佢呢句說話,走去由High-Dip讀起!」

「佢成日以為佢個仔養我,去旅行就覺得係我用佢個仔啲錢,佢就會話:『而家啲女人唔可以靠男人養㗎喇!自己買禮物畀自己會開心啲!實質佢自己成世都係靠老爺養!』唔知佢咩心態,總之佢個女攞男朋友家用就得,佢個仔啲錢就去晒我度,好委屈!」

新抱C:佢連我屋企人都踐踏埋!

「佢試過打電話畀我阿爸阿媽,話佢哋:『你唔識教女!你個女搞到我個仔咁呀,對我又冇禮貌呀⋯⋯』咁我阿媽就問佢:『而家佢係咪入門口唔叫你?見到你就打你兩巴?係你就同我打佢一身,趕佢出門口!』我老公知道呢件事之後,都回贈咗佢好多句粗口!」

「佢私底下又同我講番:『你阿爸阿媽就要尊重,我你就唔使尊重!我係你奶奶呀!5、60年代,你入門口要同我鞠躬呀!』咁我就心諗:『而家咩年代呀!幾時先要同人鞠躬呀?你係咪真係咁想我同你鞠躬呀!奶奶!」

呢啲位靠老公?

老婆梗係想有老公撐,但係唔係個個老公都係咁精叻嘅隊友!有時加多把嘴,反而令一眾新抱更加勞氣!

情況一:佢自己搞得掂,就會鬧番個奶奶,搞唔掂就會話:「你唔好搞咁多嘢啦!你咪忍吓囉!」

情況二:自己閂埋房門同老公呻,呻完就算,始終後輩應該要忍讓吓。

情況三:同老公傾完,等佢再私底下同婆婆傾。因為如果老公當住新抱面鬧奶奶,奶奶可能會更加記恨,喺老公唔喺度嘅時候,就會對新抱更差!

新抱的霸氣

正如文章開頭所講,婆媳之間嘅矛盾, 好多時係源於有個阿媽覺得自己畀另一個女人搶咗個仔?新抱好多時被奶奶視為「狐狸精」!

對於呢個問題,新抱們就顯得霸氣!「咁你個仔揀我都冇計㗎!」一句說話,完美將呢個「小三論」K.O.!

唔好畀奶奶太得閒!

另一個結論就係,好多時係啲奶奶太得閒,好多精神去將幻想嘅嘢當成真!鍾意煲韓劇,成日當咗自己係劇中畀死毒新抱蝦嘅奶奶!

所以唔好畀佢咁得閒,可能就唔會將啲仇恨轉移到新抱身上!

最後有咩想同奶奶講?

主持最後問新抱們:「如果你哋第日做咗奶奶,你估會點?」有新抱就話:「我會做番我奶奶做過嘅嘢!」睇嚟「婆媳大戰」真係會不斷咁延續落去⋯⋯

延伸閱讀:

清熱解毒健脾 蓮藕綠豆章魚湯

更多新聞