【好人好事】學生考試搭錯車 好心司機乘客出錢幫手
2019年01月11日21:31

最近係考試季,好多學生都開始溫書準備考試。日前有學生心急返學考試,但係大懵上錯巴士,導致有機會考試遲到。好彩有好心司機同乘客協助轉乘的士,最後啱啱好趕得切返學應考。學生媽媽最近於網上發文,表揚該好心司機及乘客,好多網民都表示被感動,仲話原來香港仲有好多好人!

撰文:KM| 圖片:Facebook 專頁將軍澳、google map

延伸閱讀:

【親子好去處】全新開幕親子Party Room | 放電之選 濕身划艇機+ 海洋波波池

清熱解毒健脾 蓮藕綠豆章魚湯

學生考試搭錯車好心司機乘客出錢幫手趕返學

最近有網民於Facebook專頁將軍澳發帖,表示囝囝之前返學考試,但係大懵搭錯車。當時巴士司機就話下個站冇咁快到,話畀$100學生搭的士返學,話「考試最重要」。然後有一位好心乘客就話采頤花園好難截的士,主動陪學生喺譽港灣落車並幫手截的士,仲畀咗$100學生搭的士。

采頤花園
譽港灣

最後該學生啱啱好喺7:59返到學校,趕得切考試。學生媽媽就希望藉著帖文聯絡2名好心人,希望可以報答佢哋。

網民大呼感動:香港仲有好人!

好多網民睇完事件後,表示非常感動,仲話:「香港仲有好人!」。亦有網民表示如果想表揚巴士司機可以致電或寫信到巴士公司,亦有網民建議可以拎筆錢去做善事。

亦有部份網民分享佢哋受過嘅好人好事。

延伸閱讀:

【親子好去處】全球首個大富翁主題館登陸香港

更多新聞