重溫59歲吳岱融8、90年代早期相 美男子魅力無邊!
2019年01月19日11:00

卡士超強劇集《守護神之保險調查》已經開播,演電影公司老闆鬆哥嘅吳岱融,最近更重投歌壇推出《 風大浪大 》 ,人氣再急升,食住個勢為大家搵嚟佢八、 九十年代早期圖片,美男魅力盡閃!

撰文:東方新地|圖片:東方新地

延伸閱讀:

盤點14個明星感人故事紋身 每個都埋藏深層意思!

蘇民峰2019豬年生肖運程(虎、兔、龍篇)

重溫59歲吳岱融8、90年代早期相

|87年 來港入TVB

「新加坡第一帥哥 」吳岱融87年以真名吳瑰岸加入無綫,第二部劇集《生命之旅》 卡士強勁,同周星馳、鄭裕玲、萬梓良、吳鎮宇、吳孟達等合作,惜戲份唔多。

|87年 改名即走紅

87年後期自將吳瑰岸改為吳岱 融後,即獲派喺梁朝偉主演嘅劇集 《 絕代雙驕 》任第二男主角演花無缺,結果爆紅,88年更獲官方刊物專訪,喺黃昏映照下別具男性魅力。

|88年 變白馬王子

吳岱融走紅後頻頻現身各娛樂刊物同報章,呢次全身白色裝束化身白馬王子,感覺文質彬彬,俘虜唔少女 fans 嘅心。

|88年 最美花無缺

88年無綫重拍古裝劇《 絕代雙驕 》,搵嚟吳岱融演花無缺,飄逸白衣帶些少脂粉味,憑俊秀文雅、謙謙君子、玉樹臨風嘅演 出爆紅,晉身 TVB 一線小生行列。

|89年 富有變頹友

89年年尾30歲嘅吳岱融拍緊劇集《 相愛又如何 》時企定定翹手畀記者任影,街坊式衣著,應該喺劇中已經因爭產由富家子變成家道中落嘅愁爆頹青。

|89年 經典傅紅雪

89年吳岱融演古龍名著《邊城浪子》 男主角傅紅雪,全黑東瀛味造型搶鏡,將個性孤僻、身世凄慘,情感細膩嘅傅紅雪 演得淋漓盡致,係佢最經典角色之一。

|90年 演高傲反派

擅演古裝嘅吳岱融喺90年劇集《 劍魔獨孤求敗 》演心高氣傲、 工於心計反派角色白承忠,為做 武林盟主不擇手段,同黃日華演 嘅獨孤求敗決裂對決。

|94年三級片全祼

遭無綫解約後,吳岱融同 鍾淑慧為生計,走投「毛」路接演多部三級片, 其中94年嘅《 替天行道之殺兄 》,吳岱融去到盡全裸演出,喺鍾淑慧面前正面露下體,成哄動全城熱話。

|95年 父子天倫樂

95年已淡出香港電視圈嘅吳岱融同鍾淑 慧結婚,兩年後獨生仔吳政樺(Justin)出世,呢張相 Justin 大約六、七歲,企喺爹哋 後面共享單車樂,親子關係融洽。

|02年 演肢解屠夫

除豁出去全裸演出外,吳岱融02年喺電 影《 新人肉叉燒包 》突破性演變態肢解殺人狂魔八仙飯店老闆王志恆,但因有黃秋生珠玉在前,難免輸蝕。

|89年 孖偉仔出碟

88年版《 絕代雙驕》席捲台灣令演小魚兒花無缺嘅梁朝偉同吳岱融爆紅,更合體出國 語大碟《我心中有愛》,小蟲任監製,唱六首嘅偉仔做封面,唱三首嘅吳岱融屈居封底仲要又鬆又濛。

|92年 出碟遭解約

92年終於推出個人國語大碟《緣迴》,主 打歌〈情殤〉翻唱關正傑名曲〈天籟 …星 河傳說〉,但因私自到亞視宣傳呢隻碟,加上當時出面有電視電影搵佢拍戲 而遭無綫雪藏,最後惨遭解約。

吳岱融 爸爸的告白

吳岱融兩父子在節目中的互動真的十分可愛,會互相開開玩笑,亦有深情一面。吳岱融還在節目中表示:「爸爸為咗你,乜都得。」而Justin表示,兩父子很少吵架,因為媽媽鍾淑慧就是他們之間的防火砂,扮演協調的角色,不過她卻直言:「兩邊都要氹,很難做。」

吳岱融
吳岱融
吳岱融
吳岱融

男人老狗,啲肉麻說話好難開口,好多時兩父子都未必會講心事,甚至未必好了解對方。節目中吳岱融同Justin用寫簿仔呢個方法交換「資訊」,起碼依家吳岱融知道兒子的… 星座啦!

吳岱融
吳岱融

首度父子檔出活動

早前吳岱融同Justin出席一商場的父親節活動,首次父子檔上陣,兩仔爺同靚女陳凱琳齊玩遊戲,不過Justin始終初面對鏡頭,有啲怕醜!吳岱融表示仔大仔世界,唔會阻止佢入娛樂圈,不過首要係讀好書先!

吳岱融阿仔愛攝影

20年來,兒子Justin跟住吳岱融夫婦四海為家,曾於新加坡、大陸及香港定居,對於管教兒子,二人不會很嚴厲,吳岱融更是出名的廿四孝老竇,十分痛錫兒子,坦言無論他將來想做甚麼,他都會支持。

吳岱融仔
吳岱融仔

在Justin的IG可看得出他平時的生活都很健康,不外乎與朋友外遊及拿住相機四出獵影,乖仔愛藝術攝影,而且性格偏向文靜,似乎對幕前工作興趣不大。

吳岱融仔
吳岱融仔

吳岱融仔
吳岱融仔

日前本刊拍得鍾淑慧與兒子Justin在又一城行街,兩母子邊行邊傾好開心,阿仔高阿媽半個頭,生得青靚白淨,唔使捱有父蔭幾咁無憂。

吳岱融仔
吳岱融仔

鍾淑慧行開一陣去洗手間, Justin乖乖等阿媽。

吳岱融仔
吳岱融仔

吳岱融是新加坡人,所以囝囝Justin 16年要去服兵役,今年服完兩年兵役回港,鍾淑慧接受訪問時話:「真係好開心,自從個仔當兵後幾乎搞到我一夜白髮!」鍾淑慧仲話囝囝會繼續讀書。

吳岱融仔
吳岱融仔

身為家中獨子,吳岱融與鍾淑慧對Justin自小疼愛有加,不過早年因忙於工作走埠,兒子有段時間交由外婆照顧。

吳岱融仔
吳岱融仔

吳岱融與鍾淑慧結婚23年,婚姻也曾因摩擦出現暗湧,年初他曾推出情歌〈回去愛你十億秒〉送給他眼中賢良淑德、默默付出的老婆鍾淑慧,更夫妻檔拍MV,情到濃時咀嘴,MV更由囝囝負責剪片。

吳岱融
吳岱融

吳岱融
吳岱融

吳岱融
吳岱融

吳岱融 演黑警入晒戲

58歲的吳岱融愈老愈型,繼之前《巨輪II》的鷲哥演得入型入格,最近在《飛虎之潛行極戰》中,吳岱融因為搭上黑幫頭目之女伍詠薇,做臥底扶搖直上,亦正亦邪入晒戲,人氣有增無減。其實過去一年,吳岱融拍劇無停過,再加上在國內的代言活動及商演,令他登上事業頂峰,就連早年奔波全國登台的太太鍾淑慧,亦退下火線讓老公出去拼搏,她則管好頭家相夫教子。

吳岱融在《巨輪II》演鷲哥奸到出汁,最近於邵氏網劇《飛虎之潛行極戰》中演深不可測的黑警,兩代恩怨情仇交集,吳岱融坦言自己都睇到喊:「除咗同三哥嘅兄弟情,仲有老竇同仔嘅關係,兩個仔親手拉我坐監喎!但我又想佢哋可以拉我去交差,幾矛盾!」

登台皇后搵人仔

原來多年來鍾淑慧都沒有引退過,早已洞悉先機北上掘金的她,曾笑言自己星運不及老公,但登台運更勝一籌,超過十年時間在大陸穿州過省登台,她豪言香港藝人在大陸走埠登台,許秋怡認了第一,沒有人敢和她爭第二位,她走遍大江南北,由西藏拉薩到東三省、雲貴高原,甚至蒙古、新疆等地,直到五年前不幸小產,心情大受打擊的她開始減少工作,而吳岱融亦回流香港發展。

吳岱融
吳岱融
49歲的鍾淑慧保養得宜,當年拍過不少電影的她在國內keep住人氣高企,登台拍劇賺人仔盤滿缽滿,自老公吳岱融在港爆紅,她即刻意減產擔當老公的左右手。

吳岱融
吳岱融

鍾淑慧在大陸登台收的都是現金,十幾年前已開始在廣東省投資買樓,高峰時在大陸有五層樓,當年樓價低幾十萬就買到一個單位,而她買樓不喜歡出租,一來租金回報率低,二來她怕遇著麻煩租客,幾年前她把所有國內物業賣掉套現逾千萬,每次說起買樓經她都表示全靠當年的努力耕耘。

吳岱融
吳岱融
吳岱融夫婦不時去泰國芭堤雅度假,近年更在當地買下一間向海的度假屋,一有時間就飛去享受陽光與海灘。

吳岱融
吳岱融

據知情者透露:「早年Hugo(吳岱融)事業發展麻麻,Lily就一直喺大陸跑登台,佢好受歡迎,兩公婆咁忙邊有時間使錢,所以有段時間狂買樓投資,除咗國內,佢哋喺新加坡、大馬同泰國都有物業,早年佢哋好鍾意去芭堤雅玩,仲買咗間向海嘅度假屋㖭!3年前Hugo返香港簽無綫,Lily又開始喺香港買樓,為咗方便返大陸做嘢,佢專攻粉嶺同沙頭角啲樓,地方大啲空氣又好啲喎!」

吳岱融
吳岱融
最近一家三口搬到沙頭角的三層高獨立屋,地下大廳非常闊落,吳岱融不時招呼親朋戚友在家聚餐聯誼。

吳岱融從來都不管錢,他把所賺的錢全部拱手給太太鍾淑慧,讓她手握財政大權把錢愈滾愈大,全靠太太的最大嗜好買樓,今時今日夫婦二人擁有的物業遍布東南亞,再加上在香港沙頭角有一間獨立屋、粉嶺一間私樓及一間居屋,所有物業總市值估計逾半億。

吳岱融
吳岱融
吳岱融係新加坡人,一家早年入籍新加坡,已在當地及大馬買樓自住,近年回流香港生活,亦在粉嶺及沙頭角買屋,再加上大埔的發跡居屋,物業總市值逾半億。負責睇樓與裝修的鍾淑慧專攻北區樓,除了有升值潛力外,更方便夫婦二人往返國內工作。圖為粉嶺綠悠軒。
吳岱融
吳岱融
嶺皮村獨立屋。

買樓寫老婆名

吳岱融默默做賺錢,夫婦二人幾乎所有的物業,都寫在鍾淑慧名下,吳岱融曾在訪問中覺得這是為人夫理所當然的做法,又話自己完全冇耐性處理呢啲嘢,財政由老婆管完全是他意願,老婆從無要求過。「我都五張幾嘢,總之有戲拍,打吓機,我就開心。我已經唔再在乎榮華富貴,利誘同誘惑,我睇得好淡。」

吳岱融
吳岱融
15年返無綫簽長約拍劇的吳岱融,去年又正式與邵氏兄弟簽約拍網劇,成為最搶手的中生。
吳岱融
吳岱融
吳岱融為圓歌星夢,早前集合多年好友陶大宇、歐陽震華(Bobby)、廖俊雄、鬼塚及郭政鴻等合唱國語歌〈我的朋友不簡單〉,他笑謂跟眾人是以前一起拍戲、吃飯又傾偈的多年好友。

吳岱融與鍾淑慧早年有段時間在港消失得無影無蹤,所以外界有傳夫婦二人有經濟問題,至於曾為錢拍三級片,吳岱融表示接拍根本不關錢事。而吳岱融一家三口曾搬到馬來西亞及新加坡定居,之後又去過番禺住了一段時間,夫婦二人一直努力搵錢與投資,發咗達做埋隱形富豪都冇人知。

鍾淑慧 吳岱融
鍾淑慧 吳岱融
早前鍾淑慧現身九龍城廣場,見她邊逛街邊打電話,未幾老公吳岱融出現,兩公婆見面即雞啄唔斷。

吳岱融
吳岱融

互相扶持23年

89年拍拖,95年結婚,吳岱融與鍾淑慧經歷23年的婚姻,感情亦曾有過高低起伏,97年兒子Justin出世,二人忙著工作,兒子從小由婆婆湊大,不過近年他們一直把他帶在身邊,早年在國內奔波,夫婦二人決定定居番禺,安排兒子入讀當地的國際學校,前年Justin要返新加坡服兵役,吳岱融又陪仔返老家定居兩年,一家三口感情深厚。現在到吳岱融要留港搏殺,妻兒都在背後支持。

吳岱融
吳岱融
夫婦二人打扮襯到絕在路邊等車,一頭灰白髮的吳岱融上身花喱碌,走在街上好搶眼。

今年吳岱融繼續大豐收,拍完正在熱播的網劇《飛虎之潛行極戰》,又投入其他網劇演出,日前又開拍無綫新劇《牛下女高音》,而鍾淑慧就做跟得夫人,在港陪拍劇,出埠工作亦夫唱婦隨寓工作於娛樂。早前見鍾淑慧在九龍城廣場行住街等老公,之後由司機接送返粉嶺寓所,再一次證明夫婦同心其利斷金,共富貴之餘最緊要係恩愛。早前本刊曾找吳岱融回應是否手持半億物業,他未有正面回應,只謙虛表示身家夠使夠用。鷲哥依家個勢燒得咁旺,搏殺多幾年應該可以印印腳退休。

吳岱融
吳岱融
等了約五分鐘司機駕駛七人車到達,接載鍾淑慧與吳岱融返回位於粉嶺的寓所。根據運輸署資料顯示,該車去年中落地,價值逾80萬,由吳岱融與鍾淑慧聯名的一鷲一娛樂有限公司持有。

吳岱融
吳岱融

年賺過千萬

近年無綫不少小生、中生離巢,令老戲骨非常搶手,吳岱融回歸無綫後未停過,人氣急升後登台、代言工作更接踵而來,有指他年賺過千萬,人氣與收入成正比。

吳岱融
吳岱融
網劇《機動部隊PTU》
吳岱融
吳岱融
電影《廉政風雲》
吳岱融
吳岱融
國內代言
吳岱融
吳岱融
新劇《牛下女高音》

延伸閱讀:

蘇民峰2019豬年生肖運程(蛇、馬、羊篇)

更多新聞