【專訪】Aka趙慧珊單飛出歌:希望大家認同樂壇上有我這個人
2019年01月29日11:19

如看不到 請到Youku

女子組合Super Girls隊長趙慧珊(Aka)單飛推出首隻個人歌曲《你在聽嗎?》,成為組合中第二位推出個人作品的成員。Aka表示這首歌講述感情去到樽頸位時的情況,而她自己亦曾經經歷過這種不開心的時間。

問到單飛以個人身分出歌的感覺,Aka表示感覺很不一樣:「單係講做訪問,平時一日可能做十幾個訪問,同Super Girls一齊可能每個訪問講一兩句嘢就算,同埋攝下攝下就會可能未必見到你,唔會聚焦落你度。但依家思維要好清晰,每一個問題都要自己去答!呢個我覺得係比較大挑戰。」

為拍新歌MV,Aka直言都幾辛苦,不熟水性的她又玩「濕身」浸在水中閉氣拍攝,首次推出個人歌曲的她可謂博到盡!Aka:「有一幕要喺入面,嗰時係拍到凌晨兩點幾,啲水係冇熱水,即係我浸喺凍水度!因為浸喺入面要擺甫士,但好易浮起,咁我要夾硬捉自己沉落水,都有啲辛苦但我好鍾意個畫面!」另外,Aka又很感謝自己的好朋友Lucas擔任自己的舞伴,編舞排舞全部都是他:「佢又推咗自己表演綵排去幫我拍MV!」

踏入2019年,Aka除了希望繼續有自己的歌,大家認同樂壇上有她這個人之外,在畫畫方面,她更計劃花十日時間去外國進修,之後出一本畫冊!

更多新聞