【走入東歐國度! 中環食正宗烏克蘭羅宋湯+魚子醬】
2019年02月12日08:30

呢間位於中環樓上鋪,店內外擺放各式各樣充滿東歐風情裝飾、經典紅色枱布、牆上掛著一大幅基輔風景畫,真係幾可亂真以為去了當地。除了環境,呢到每一道菜式都由烏克蘭、俄羅斯廚師主理,包保食到當地真味道。係呢到一定要試正宗烏克蘭羅宋湯,很多人以為羅宋湯是源自俄羅斯,其實真正的發源地係烏克蘭。正宗羅宋湯由新鮮紅菜頭餚製而成,顏色紫紫紅紅、有薯仔、椰菜、洋蔥等。味道清甜而且一定會有乳酪係湯面,因乳酪令湯更加滑溜和帶點微酸。有別港式羅宗湯的蕃茄酸和辣味。另外不得不提伏特加酒和魚子醬,這配搭簡直完美。店內藏有多款稀有伏特加酒、東歐直接進口的葡萄酒、啤酒,令食客可體驗一

下東歐真飲食生活!

▲充滿東歐風情的裝飾、經典紅色枱布,掛畫。

▲正宗烏克蘭羅宋湯($68):以新鮮鮮紅菜頭、薯仔、椰菜、洋蔥、紅蘿蔔等餚製而成。顏色紫紫紅紅,味道清甜。湯面加上乳酪令湯更加滑溜和帶點微酸。

▲三文魚子醬($148):班戟配上4種食材: 魚子醬、原味乳酪、蔥粒、蛋碎。在班戟上面先放上乳酪、蔥粒、蛋碎,最後才是魚子醬,之後卷埋食用。

▲班戟又軟又薄,魚子醬味道帶咸,咬破它中間的汁令其層次更豐富。而乳酪、蔥粒、蛋碎即可中和其咸味和增更口感。

▲紅菜頭魚柳沙律($78):上層係紅菜頭,中層係魚柳,下層係洋蔥、薯仔和紅蘿蔔。味道清新而且夠冰凍,有濃郁魚味和有咬口。

▲招牌芝士焗牛脷盅($98) :用上酥皮做蓋,打開後有香濃的芝士香。牛脷是先煮熟再以蘑菇醬及香料炒香加上芝士一起焗。牛脷嫩滑又淋,配脆卜卜的酥皮和芝士汁同吃可減油膩感仲非常惹味。

▲傳統蘑菇薯仔餃子($88): 內有碎蘑菇和薯仔,味道比較清淡,外皮有點厚實,有點似北方餃子。

▲馳名基輔炸雞扒($188) :雞胸肉內捲入牛油,香草,沾上麵包糠炸到外層酥脆,但雞肉還保持嫩滑,而且切開中間會有陣牛油香。

▲烏兹別克傳統牛羊抓飯($198) :烏兹別克傳統重大節日食物,在飯中加入紅蘿蔔、洋蔥、葡萄乾、牛肉、羊肉混合。飯粒乾身和吸收了所有食物味道。

東歐餐廳 Ivan The Kozak

地址: 中環雲咸街63號巴力大廈1樓

電話: 28511193

文字來源:香港人.遊香港

相關文章:

【2019情人節禮物!純銀人手手工製花語項鏈!】

【大角咀街坊推介宵夜!必食炸餃子+蠔仔粥 !】

更多新聞