囡囡偷買寫字機器人做新年功課 2日完成抄寫作業被母揭發
2019年02月20日16:03

近年經常會聽到學生抱怨假期功課太多,特別係抄寫類嘅功課,非常「浪費時間」!啱啱嘅農曆新年假,有學生因為唔想做功課絞盡腦汁買咗部寫字機器人,最終畀佢成功兩日內完成所有功課!雖然最後被媽媽發現,不過好多網民都話佢叻女!

撰文:新假期| 圖片:淘寶 |編輯:Kamen

延伸閱讀:

順產好?剖腹好?拆解分娩方法利弊

【三子之母】兩個月內極速瘦身 張栢芝公開減肥餐單

女生買寫字機器人幫做新年功課

黑龍江省哈爾濱市一名中三女學生,因為唔想做假期功課,居然花咗800幾蚊人民幣(約940港元)利是錢,喺淘寶買咗部聲稱「可以模仿各種筆迹抄寫文字」嘅「寫字機器人」幫忙做功課。

功課
功課
淘寶圖片
淘寶圖片

呢名女學生喺新年假期有好多功課,包括抄課文、作文、背單詞同做數學練習卷等,而佢嘅媽媽日就訂好「寒假作業計劃」,目標係喺2月24號前完成所有功課,點知喺2月13號時,媽媽就發現個女竟然用兩日就做好晒抄課文嘅功課,仲要無錯別字添!

淘寶圖片

點知媽媽之後幫個女執房時就發現「寫字機器人」包裝盒,於是馬上追問阿女,最後阿女承認事件,嬲到阿媽掟爛呢部咁偉大嘅發明!

淘寶圖片

原來淘寶真係咩都有,只要搜尋「寫字機器人」,就即刻出咗各款產品,價格由85至2300人民幣不等,寫明可以繪畫、激光雕刻、書寫等功能。

淘寶圖片
淘寶圖片

有網店表示顧客可以用手機APP做屬於自己嘅字體,軟件支持word同excel檔案導入,仲識得自動排版同分頁。每分鐘寫到30至40個字,更會隨機字體、變形,務求令效果更逼真。

淘寶圖片

同一個字都可以寫到外觀唔一樣,以製造更逼真嘅「人手書寫」。

淘寶圖片

畫圖都一樣得,得咗!

淘寶圖片

有網店向內地傳媒表示,其實機器人喺字體大小同間距都比較劃一,但係真人書寫就難以捉摸,所以仔細觀察都係會發現當中端倪。

淘寶圖片

淘寶真係無奇不有!除咗寫字機器人,仲有各種輔助機械人!例如呢個「好帥二蛋機器人」,就可以和機械人對話詢問學業問題。

淘寶包裝致癌及致敏 拆完要即洗手

內地有媒體指,淘寶快遞的包裝袋成分多數是由不明的「回收料」造成,當中包括醫療廢物、化工垃圾,含有二噁英、病毒及細菌等對體有害的物質和感染物,當我們把包裝拆封後,皮膚接觸這些物質會令人體出現敏感及增加致癌的風險,更有可能影響小朋友的發育成長。

在回收物料中:塑化劑、添加劑、甲醛、二噁英及重金屬等物質很常見,而這些有害物質可在我們的生態鏈停留數十年以上,導致我們人類的神經細胞、及下一代受影響。

順豐速運的回應指,他們的包裝袋經嚴格審核及向固定的供應商取貨,包裝袋成分並非採用回收物料。

https://www.instagram.com/p/BfC2sXhjvhz/?tagged=%E6%B7%98%E5%AF%B6

建議各位親~淘寶時可選擇較有保證的快遞公司,或拆封包裝後馬上洗手!

延伸閱讀:

抽濕機安全使用9大貼士

更多新聞