晶女郎成功洗底 36歲文凱玲熱戀窮中佬
2019年02月27日16:53

新一代晶女郎文凱玲,有過唔少大膽演出,當中三級電影《鴨王2》更令人記憶猶新,雖然晶女郎令人有無限聯想,但現實生活,文凱玲畢業香港大學心理系,打扮樸素孝順顧家,似足劇集《荷里活有個大老千》中的純情玉女「明珠」,一樣有情飲水飽。日前出完新劇宣傳後,文凱玲孖住戲裡戲外都是好姊妹的劉溫馨行街掩人耳目,原來之後約咗貌似藝人陳浩民的中佬男友,一齊拍拖坐火車返男友新界寓所,對住唔屬高大俊男、冇車要坐公交代步的平民男友,文凱玲仍然每刻甜入心,愛情魔力殊不簡單!

撰文:東方新地 圖片:新傳媒圖片、文凱玲IG

延伸閱讀:

細數昔日《真情》花旦淡出娛圈後生活 位位嫁到好老公!

TVB靚女藝人被認錯係吳若希 網友:個男靚過佢老公!

文凱玲 唔著重物質

近日在《荷里活有個大老千》中,演純過蒸餾水舞蹈團小花「明珠」的文凱玲,拍埋一班老戲骨鄭則仕、金燕玲、湯鎮業等同樣搶鏡,深得一眾巴打喜愛,乖乖女形象入晒屋。劇中甘為男友舒奇放棄上位機會,原來現實生活,文凱玲一樣認為愛情無價,唔恨釣金龜。據知情人士透露:「Connie(文凱玲)係大學生又生得靚女,讀書時已經好多人追,入行之後亦遇過啲生意人追求,不過,佢揀男朋友好信感覺,唔著重物質,覺得對方錫自己最緊要,所以依家個男友都係普通打工仔,雖然係咁,但Connie同男友感情好好,兩個人對生活要求都好簡單,就算依家知名度高咗,Connie生活都冇變過,平日出入坐公共交通工具,食茶餐廳!」

文凱玲
文凱玲
在《荷里活有個大老千》演純情玉女「明珠」,幫文凱玲成功洗底入屋,而劇中最性感亦只有一幕紅磨坊跳舞戲要她谷胸上陣,一展火辣身材。

會合男友坐火車

日前,文凱玲於劇集宣傳後,同劇中好姊妹劉溫馨結伴去圓方行街,兩人逛街喜好亦相近,即使圓方名店林立,她們都過門不入,只係隨便Window shopping,行咗一陣,兩人就坐低食雪糕,爭取時間傾密偈,相比劉溫馨不時開心自拍,文凱玲性格文靜,反而會細心幫好友切開食物,好識得照顧人。

同好姊妹食完嘢分道揚鑣後,文凱玲坐公司的七人車去紅磡火車站,原來有下場約咗男友在此會合,孭住大背囊的中佬男友身形同樣貌都有幾分似藝人陳浩民,雖然並非高大猛男,但文凱玲一見男友出現已經露出燦爛笑容,兩人會合後一齊行去搭火車,望住男友文凱玲全程表現冧滋滋,男友亦細心幫她拉住行李箱,入到火車車廂,兩人繼續旁若無人貼到實傾偈,表現親密,搭到去上水火車站後,兩人坐綠的返回新界寓所。據知情者透露:「呢排事業發展好咗,公司都要Connie將感情事低調,唔想影響未來工作,所以佢拍拖嘅事,都冇乜人知!」

文凱玲
文凱玲
文凱玲同好姊妹劉溫馨為 《荷里活有個大老千》 做完宣傳活動,結伴去圓方行街。

姊妹做掩護

兩人未有流連名店,行咗一大輪都係齋睇冇買,之後坐低食雪糕傾密偈,劉溫馨更開心不停Selfie。
文凱玲
文凱玲
歎完下午茶,劉溫馨獨自返回附近寓所,文凱玲就坐公司七人車,去紅磡火車站會合男友。

會合男友

文凱玲同好姊妹劉溫馨行完街,一個人坐公司七人車到紅磡火車站會合男友。

見男友即變密實

雖然外形似足廿幾歲少女,不過實則已年屆36的文凱玲,揀男友都選成熟踏實型,中佬男友外貌同高度都有幾分似藝人陳浩民,會合女友後,更細心幫女友拉行李箱,文凱玲更先去廁所換衫,厚褸加長褲非常密實。

拍拖甜到漏

文凱玲一見男友已經表現雀躍,更全程笑唔停,明顯正是熱戀期。

肉搏出位

為事業將感情低調,實以剝上位的文凱玲,自拍完《鴨王2》之後,近年積極洗底。據知情者透露:「Connie唔想成日靠剝衫做賣點,同公司反映過之後,晶哥好好,安排佢簽約成為無綫合約演員,近年幾部作品都好有發揮,上次喺《賭城群英會》已經唔使成日剝衫,有機會演宅女角色,今次《荷里活有個大老千》,更加完全大變身,原來佢做純情玉女都可以咁有感染力!」

文凱玲
文凱玲
雖然知名度高咗,文凱玲仍唔介意同男友逼火車,在車廂內兩人更全程親暱貼到實!

翹實男友

去到上水火車站,兩人行去的士站等車,文凱玲仲主動伸手翹住男友行。

孝順顧家

其實變身晶女郎前,香港大學心理系畢業的文凱玲,10年曾參選港姐,可惜八強止步,最後亦未有簽約TVB。據知情者透露,文多年來都是家中經濟支柱,由於父親在地盤工作收入不多,15歲已做兼職幫補生計,做空姐時更將大部分收入交給父母,非常孝順顧家。「選完港姐,樂小姐同佢講,佢可能捱足10年都未必上到做一線花旦,佢要養家,怕收入唔穩定,唔敢貿貿然辭咗空姐份工,所以最後都冇簽無綫,不過後來機緣巧合簽咗畀李蘊經理人,之後再畀佢遇到晶哥,火速成為一代晶女郎!」

人生如戲,不過文凱玲似乎比「明珠」更幸運,多得經理人王晶令她由寂寂無名變主角外,更給她一個改寫形象好角色,前途一片光明!

十指緊扣

等車期間,文凱玲望住男友全程甜絲絲笑唔停,更開始放下戒心,十指緊扣等車,睇嚟平凡拍拖生活已令佢好滿足。

10年落選港姐

睇落完全唔似 36歲的文凱玲,10年曾參選港姐,不過八強止步,同屆冠亞季軍分別為陳庭欣、張秀文及莊思明。

文凱玲
文凱玲
2010年無綫放寬港姐參選的年齡資格,由25歲增至27歲,當時27歲嘅文凱玲放棄空姐一職,以高齡姿態選港姐,但最後八強止步,同屆冠、亞、季軍分別係陳庭欣、張秀文同莊思明。

變晶女郎

14年被王晶睇中拍《唐伯虎之衝上雲霄》,從此成為晶哥愛將,演出機會不斷!

剝衫上位

拍 《鴨王2》 是從影最大膽一次,戲中同何浩文有多場埋身肉搏,演出意識大膽,著泳衣已經係小兒科!

在《鴨王 2》同何浩文不停肉搏,有不少大膽露骨演出。

露股演出

14年畀王晶睇中拍《唐伯虎之衝上雲霄》,背面全裸露股演出,之後簽約王晶旗下。

開始洗底

已經成為王晶御用演員,17年在 《賭城群英會》,拍住佘詩曼高海寧演出,首次改戲路做電腦宅女,開始洗底。

泳衣戲勁吸眼球

王晶出品例必大灑鹽花,而《賭城群英會》早前有場泳衣戲,高海寧當然搶鏡,但亦有不少巴打大讚文凱玲 身材均稱,兩位性感女神,真係勢均力敵。

Connie擁33D上圍加42吋美腿,喺《賭城群英會》中鮮有性感演出,呢一幕算罕有喇!

變晶女郎

在《荷里活有個大老千》中演乖巧單純的「明珠」,劇中同Baby John演的舒奇拍拖,甘為愛情犧牲上位機會,同現實版文凱玲亦有幾分相似,有情飲水飽的她,男友只係一般打工仔,不過,早前她就在微博借劇中人抒發感情,表示拍拖要偷偷摸摸感覺辛苦,唔知係咪有感而發。

戲如人生

文凱玲
文凱玲
新劇有如脫胎換骨,文凱玲演出純情的「明珠」 做得有板有眼,令人心生同情。

文凱玲
文凱玲

派傳單幫補家計

近年文凱玲工作量有增無減,收入大增,但佢斷唔會因此而做大花筒。形象性感嘅Connie是家中長女,也是經濟支柱之一。Connie的爸爸任職地盤工人,母為家庭主婦,家中有一弟一妹,懂事的她自小認為身為長女要為屋企出一分力,所以早喺15歲時她為幫補家計做兼職派傳單,在香港大學心理學系畢業後出來社會工作,Connie更把一半人工交給父母,其餘大部分人工儲起,以避不時之需,識諗又顧家。

Connie經常作性感演出及打扮,又是「晶女郎」,令人有無限聯想,但現實中Connie好顧家,更畢業於香港大學心理學系。
《賭》劇請來30年未有拍無綫劇的謝賢演出,Connie話和多位前輩合作獲益良多。

Connie和妹妹Macy感情要好,之前妹妹生日佢都抽空食生日飯慶祝!

而2017年妹妹Macy結婚嘅大日子,文凱玲仲做姊妹團成員送佢出嫁!

Macy結婚當日,文凱玲和父母、弟妹全家人齊齊整整影咗張全家福,她事後也在微博大方分享!

近年文凱玲剪咗一頭短髮,唔知你哋覺得佢長髮定係短髪靚啲呢?

2014年,文凱玲與王晶簽約成為星王朝旗下藝人,先後被安排拍電影《唐伯虎衝上雲霄》及三級片《鴨王2– 雞同鴨戀 》、《賭城風雲II》等,其中《鴨》片因尺度大膽由原來IIB級變為III級,女主角Connie因此淪為三級女星。佢又表示,除咗《鴨王2 – 雞同鴨戀 》之外,每套電影都同屋企人一齊睇,當中《唐伯虎衝上雲霄》有一幕係好清楚見到佢背面嘅下半身啦,但文爸爸安然接受,令佢好放心,佢指自己的人生要由自己決定。Connie話從未想過能成為三級女星︰「當年選完港姐,第二日就繼續做番空姐,只係間中客串吓電影,點知晶哥搵我,喺電影《唐伯虎之衝上雲霄》飾演秋香,全裸騷股,都有同屋企人商量過,佢哋俾我好大自由度,叫我自己做決定。」

延伸閱讀:

【1+1+1】為圓藍帶夢曾離家9個月 蔣怡:感激老公令我成長!

更多新聞