郭栢榮接棒做TVB御用鬼佬 「就算人工低都唔介意!」
2019年03月01日18:00

近年大家熟識嘅河國榮同布偉傑兩位「TVB御用鬼佬」相繼離巢,然而喺TVB新劇《福爾摩師奶》中又出現一位外國人,唔通TVB有意想佢接力御用鬼佬一角?

撰文:東方新地|圖片:instagram

延伸閱讀:

劉思希入讀科大全球第一課程 盤點16個高學歷華人明星

奶奶拉隊杯葛 李悅彤為子搞冷清百日宴

郭栢榮移居香港之路

話說,講得一口流行廣東話嘅郭栢榮(Barry Cox),最近喺播出嘅新劇《福》中飾演高官「白威廉」。42歲嘅郭栢榮係位英國人,自小喺利物浦長大嘅佢對中國文化產生濃厚興趣,於是除咗喺當地中國超級市場工作外,仲會得閒就學下中文。

自細開始慢慢接觸中國文化及學習中文,之後再經歷3年重點學習後,終於學有所成嘅郭栢榮通過中文GCSE考試,更於04年成功正式移居到香港生活。

來港8年後,郭栢榮於資深製作人蔡和平引薦下加入TVB,不時喺劇集中客串,如《潮流教主》、《張保仔》、《鬼同你OT》等,更有拍過電影。

不過講到最威水,就係佢喺TVB46週年嘅台慶抽中台慶終極大獎,即一層價值八十一萬八千港幣的惠州白鷺湖豪華電梯洋房,當時羨慕死幾多藝員!

接棒做TVB御用鬼佬?

不過,郭柏榮喺2016年同TVB完約後就去到唔同地方演出,據知今次《福》係佢喺TVB最後一次參與嘅劇集,而依家只係喺TVB以兼職形式合作。至於喺劇中有唔少對白嘅郭柏榮為咗演好「白威廉」呢個角色,仲將唔識嘅字都晒查字典,而且仲好專心練習對白!

原來郭柏榮都同布偉傑同場合作過!

曾坦言好鐘意拍劇嘅郭柏榮就講過,如果TVB肯俾機會佢接力做「御用鬼佬」,佢都好願意接棒!而且,佢更透露自己拍戲從來都唔係睇價錢,就算人工低都唔介意,皆因萬事有商量,同埋重點只係希望獲得演出機會咁話喎!講到咁明顯又咁抵得諗,睇嚟TVB都喺時候出手招攬啦!

另一方面,原來郭柏榮仲好鐘意香港女仔,認為香港女仔除咗靚之外,又夠晒獨立,仲好有禮貌,仲表示一定首選香港女仔添!據知佢上年同香港女友分咗手,唔知大家又點睇呢?

同場加映:

《福爾摩師奶》布偉傑暫別作

無綫新劇《福爾摩師奶》今個星期開播,「松松姐姐」陳松伶繼2017年《全職沒女》後再次回歸,今次飾演爵士夫人祖迪費查,而佢嗰位英國爵士老公菲臘費查,當然就由TVB「御用鬼佬」布偉傑飾演!

布偉傑
布偉傑
布偉傑劇中飾演女主角陳松伶的爵士老公,可惜戲份不算多。
布偉傑
布偉傑
凡是外國人角色,大家都會想起「御用鬼佬」布偉傑!

去年離開TVB

不過唔講你未必知,其實布偉傑去年已跟TVB結束17年賓主關係,《福爾摩師奶》及之前的《荷里活有個大老千》都會是其暫別作品。咁唔知TVB之後搵邊個演外國人角色呢?

布偉傑在《荷里活有個大老千》飾演ICAC調查主任。

進軍荷李活拍戲

離開TVB後,布偉傑在化妝師太太Celia介紹下,認識到電影公司華誼兄弟的人員。後來又在兩位美國朋友介紹下,接拍兩部電影,兩部電影據知分別會在尼泊爾及杜拜拍攝,進軍荷李活!

布偉傑與化妝品師太太Celia在2017年結婚,一直相當恩愛。

大學修讀中國文學 精通三文四語

現年46歲的布偉傑本名Brian Thomas Burrell,生於美國猶他州鹽湖城,大學期間修讀中國文學及亞洲研究,精通廣東話、普通話、英語及柬埔寨語。布偉傑1995年來港時曾任幼稚園英語老師,之後在2001年開始參演TVB劇集。

布偉傑
布偉傑
講到布偉傑最深入民心角色,當然就係2006年《同事三分親》中的「韋一」!唔少觀眾都習慣叫佢「阿一」、「一哥」。
布偉傑
布偉傑
拍攝電視劇《同事三分親》時, 蔡淇俊、布偉傑與關詠荷不時一齊放飯!
布偉傑
布偉傑
布偉傑讀大學期間修讀中國文學及亞洲研究,精通廣東話、普通話、英語及柬埔寨語。厲害!
無綫劇《誰家灶頭無煙火》劇照

接河國榮棒成「御用鬼佬」

有著先天優勢,布偉傑在河國榮2007年離巢後,接棒成為另一位「御用鬼佬」,幾乎包辦所有戲份比較多的外國人角色;另外亦有參演廣告及司儀工作。

布偉傑
布偉傑
(左起) 布偉傑、河國榮及喬寶寶三位「外國人」都已離開TVB。

組樂隊開音樂會

布偉傑演戲外同樣熱愛音樂,與幾位志同道合的音樂人組成樂隊「港三港四」,今年1月更在朋友借出的場地舉行音樂會,在零收入、低成本下以歌會友!

布偉傑擔任樂隊「港三港四」主音。

爆新劇改名《福爾摩師奶》因由 傳遷就內地市場而改?!

上星期六《荷里活有個大老千》播出大結局,緊接播出由陳松伶、陳煒及黃智賢主演嘅《福爾摩師奶》,雖然呢套新劇似乎有吸引觀眾嘅地方,但同時亦有人話新劇個名好鬼娘,仲有傳係想貼近內地市場而改呢個名!究竟實情係點?

新劇《福爾摩師奶》就會接棒《荷》播出,故事以英國妓女連環殺手「開膛手傑克」(Jack the Ripper)為藍本,背景設定喺香港開埠初期。

今次劇集以陳松伶、陳煒及黃智賢三位領軍,講述首位華人爵士夫人祖迪費查(陳松伶飾),因洋人老公失勢兼失蹤,落難到品流複雜嘅油麻地,不幸捲入連環妓女殺手「開膛手傑克」案件中,更被指為疑兇而展開嘅一個故事!

追看3大原因:

|題材有追看性

今次《福》以懸疑推理為主題,過往TVB出產嘅推理劇都係收視嘅保證,例如:《法證先鋒》系列、《鑑證實錄》系列等。

《法證先鋒3》劇照
《法證先鋒2》劇照

加上,劇集未出街前,監製方駿釗更豪言:「包保觀眾估唔到!」,相信劇中唔少細節都會有所關連,唔少觀眾都應該會睇得投入之餘,仲會想不斷追看!

監製方駿釗更豪言:「包保觀眾估唔到!」

|王牌監製加持

《福》嘅監製方駿釗正係近年幾套劇集嘅收視保證,方駿釗對上嘅3套作品:、《一屋老友記》、《降魔的》及《跳躍生命線》收視及口碑都唔錯,而《跳》更於上年榮獲最佳劇集一獎,可見劇集品質應有保證。

監製方駿釗因《跳》,於上年榮獲最佳劇集一獎。

|全tvb自家製作

近年,TVB都播出唔少中港合拍劇及內地劇,如《延禧攻略》、《守護神之保險調查》等。要睇到一套百分百喺自家製嘅電視劇好似難上加難,但好在之前播出嘅《大帥哥》就自家製得嚟亦冇令觀眾失望。

延禧
延禧

而今次呢套《福》同樣嚟自TVB親自出品,雖然未知有冇品質保證,不過以自家劇嚟講都叫係令人有所期待嘅,不竟有陳松伶、黃智賢和陳煒等好戲之人坐陣!

劇名娘味濃

雖然有部分網友指《福爾摩師奶》呢個名聽落怪怪地,似乎唔太切合本地觀眾嘅口味,仲有傳聞指呢個劇名係為咗遷就內地市場而改!

《福爾摩師奶》唔通同師奶有關?

原來《福爾摩師奶》開戲時劇名係叫《危城First Lady》,而監製更否認傳聞所指,表示改名只係想加強喜劇感,想知套劇夠唔夠喜感,大家就一於今晚睇睇啦!

《福爾摩師奶》開戲係叫《危城First Lady》

延伸閱讀:

29歲王瑋彤靠自己爭取演出機會 王浩信餅印細佬入行!

更多新聞