《降魔的2.0》開拍喇!原班人馬演出仲加入幾個新角色
2019年03月06日19:55

前年台慶劇《降魔的》大受歡迎,更在台慶頒獎禮上奪得「最佳劇集」㖭!套劇叫好又叫座,TVB食住個勢開拍續集,暫名為《降魔的2.0》,續集基本上係原班人馬演出,另外仲加入唔少新角色,一齊睇睇有咩新鮮嘅面孔加入啦!

撰文:東方新地 圖片:新傳媒圖片、何遠東Instagram

延伸閱讀:

6位TVB劇集剝光豬男星逐個捉 網民:咩都睇清光!

韓國世越號船難翻拍成電影《生日》下月上映 導演:希望可安撫家屬的心靈

《降魔的》開拍續集!

去年台慶劇《降魔的》播出後深受歡迎,套劇講述一個有陰陽眼的的士司機馬季(馬國明飾)會接載「其他空間」的生物,當中穿插著降魔情節和一些感人的愛情和親情故事,靈異與感動集於一身!而在去年《2019無綫節目巡禮》上,TVB公佈開拍《降魔的2.0》的消息,主要由原班人馬演出,也會有新角色加入!

《降魔的》
《降魔的》
馬國明話最開心《降魔的2.0》就係起碼無換到一班幕後人員,監製同編審都係一樣,相信合作時會更有默契!

降魔的
降魔的

馬國明去年只得一套《深宮計》出街,但今年將會有三套劇演出,包括《白色強人》、《C9特工》及《降魔的2.0》!

黃智雯 有更強捉鬼能力

早前《降魔的2.0》喺電視城進行開鏡拜神及試造型,相信劇迷最想知道係咪原班人馬演出?有咩角色加入?續集會加碼去到25集!小馬、芷若、啤啤、石敢當、Key man、莉莉、晶晶、紅眼魔之母都喺度,續集都加咗唔少新角色!

降魔的
降魔的
《降魔的2.0》的開鏡拜神大日子,劇中要員馬國明、黃智雯、胡鴻鈞、劉佩玥、謝雪心、鄧佩儀、譚嘉儀、C君、馬海倫、何遠東、李君妍、監製方駿釗、編審羅佩清齊齊出席!

其中黃智雯將延續上輯「芷若醫生」角色,當中將面對更多生離死別及死亡故事,她早前接受訪問時話:「仲有一樣好特別嘅嘢,就係今次我多咗一個新能力去附助小馬(馬國明扮演)去降魔伏妖,但係乜嘢就要賣關子先,暫時都唔係拍得好辛苦,只係日夜癲倒開大夜班,同埋拍好多坐的士、恐怖情節嘅場面。」

上一輯芷若醫生臨尾有不少動作場面,不過續集就冇乜打戲,Mandy透露劇裡仲有好幾場好感動嘅戲,佢話「因為特殊能力可以感應周邊的事,所以好多時候拍,要自己幻想和空氣做對手戲。」

馬明 演活馬季

至於馬明喺《降魔的》飾演的士司機馬季,去到續集都係演小馬馬明,之前佢喺《降魔的》演技大爆發,雖然最後都失落於視帝,但唔少人對馬明刮目相看!

降魔的
降魔的
花旦凋零,黃智雯成TVB力捧花旦,《降魔的 2.0》更成今年無綫重頭劇之一,佢同小馬喺續集會再續前緣。

何遠東 客串現身

何遠東在《降魔的》的龍貓已經去世,但佢喺《降魔的2.0》會以龍貓的身份再度出現,何遠東就話唔能透露太多,但主要係會同馬國明、蔣志光有對手戲!

降魔的
降魔的
何遠東喺《降魔的》飾演的士司機龍貓,劇中講述坐喺的士嘅佢畀跳樓嘅人壓死,遺下嫩妻和子女!

蔣志光 再次現身

莫有為(蔣志光飾)喺上一集被高壓電電死,估唔到喺續集都有份演出,但未知係做人定扮鬼喇?!

更多新聞