【流住血演埋場戲】發哥意外受傷穿頭 送院縫5針後照開工
2019年03月07日14:51

正投入拍攝新片《驕陽歲月》的發哥周潤發,日前在片場埋位期間發生意外,劇情是描述發哥被黃德斌追債,繼而被襲擊;但意外發生時,發哥沒有即時叫停,繼續假戲真做,直至完成整場戲的演出,專業態度叫在場所有工作人員由衷佩服!

發哥完成該場口後用手撳着頭頂,自行步出場景外坐低,至此,大家才驚覺他左邊額側,有兩大條血路緩緩滲出,血流披面,現場氣氛立即變得緊張,各人下意識想湧上前了解他的傷勢;而身經百戰的發哥隨即叫大家冷靜,不用擔心,又著人用清水沖洗傷口,以此了解受傷位置情況;其間,本來在片廠外準備午飯的發嫂,亦接獲通知,見到老公受傷血流披面,她沉著問:「點解搞成咁?」發哥立即連聲安慰説不嚴重,還叫人撥開頭髮,讓發嫂看看傷口。

但由於傷口實在不小,在導演潘耀明、監製黃斌及動作指導李忠志等人力勸之下,發哥才聽從大家的意見決定要去醫院療傷,臨行前,發哥仍不停安慰大家「定啲、唔好驚!」,和導演説:「......你先拍呢邊,我縫兩針返嚟繼續......」又講「淡淡定,有錢剩!」讓眾人安心不少。

經檢查後,醫生考慮到傷口有足足一吋幾長,加上片場開工,受細菌感染機會極高,所以必須縫針。一聽見要縫針,發哥即提出:「我仲要返現場繼續拍攝,又要連戲,不要剃頭髮可以嗎?」最後在醫生同護士的細心處理之下,只剪了傷口附近最少範圍的頭髮。

最後,頭破血流的發哥縫了五針,之後仲要日日前往醫院消毒兼清洗傷口直至拆缐。在醫院逗留約兩小時後,發哥馬上趕返片場,吃了一餐「late lunch」,又立刻走向鏡頭前繼續埋位拍攝。

視頻精選
更多新聞