單文柔五月卸貨!陳展鵬B女英文名以「Q」字頭大有原因
2019年03月12日23:11

一過完年就有喜事,鄭嘉穎同陳凱琳嘅寶貝仔Rafael上月中來報到,下一個輪到邊個?之唔係一樣有效率、呢頭結完婚嗰頭老婆已經鑼咁大個肚的陳展鵬同單文柔囉!

撰文:東方新地| 圖片:新傳媒圖片、Instagram

延伸閱讀:

女藝人大爆入行潛規則!有人開高價邀去飯局…

64歲金燕玲自揭年初患子宮癌 捱6次化療兼脫髮

陳展鵬B女 英文名以「Q」字頭大有原因

五月預產期、家陣大肚六個幾月,陀B最舒服就係呢個幾月,所以單文柔都趁住呢排出席活動、又見吓朋友。日前著住短裙踩住斗零踭去出席商場活動,只係喺鏡頭前做個靚靚大肚婆,只係著咗一陣啫,影完相做埋訪問,就見單文柔換番便服同平底鞋走下場,煎Pang可以十萬個放心。後生女即係後生女,28歲單文柔大住肚一日走幾場,做完job約朋友飯聚、食完飯再一個人過海去婚紗鋪,行動迅速又輕鬆,真係睇唔出唔夠三個月就生得!

係幸福人妻又係準人母,單文柔呢期人氣急升,亦都趁住陀B最舒服嗰幾個月搵多啲奶粉錢。
仲有唔夠三個月就生得,單文柔陀得夠晒輕鬆,一個人一日走幾場,上落樓梯周圍走一啲睇唔出論盡。

雖然即將卸貨,不過單文柔仲未決定開刀定順產,對於BB嘅性別就於上周日的babyshower上一次過向長輩同朋友揭曉係陀住b女,至於改名呢,煎Pang話英文名諗咗用Q字頭,因為二人嘅英文字頭P同R嘅中間,中文名就未諗!

單文柔唔止著平底鞋,上落樓梯都好小心!
最後一站過埋海去咗婚紗店,店員要求影合照,單文柔亦有求必應。

陳展鵬單文柔公布小豬比性別

雖然一直都對BB性別保密,但日前二人為小豬比大搞Baby shower,同時就驚喜公布小豬比性別!

可能為咗迎合呢個豬BB,兩公婆特別訂造豬造型蛋糕。

準媽咪Phoebe喺個人社交網甫出IG story,見到Phoebe打開紙箱見到粉紅色氣球,其中一個大氣球就印住「It’s a girl!」,驚喜公布小豬比性別!

大氣球上印住「it’s a girl!」

當日嘅baby shower中,Phoebe迎請咗一班好姐妹,包括魏韵芝、劉穎鏇、黃心穎、張寶兒、李美慧等,而大家都有喺個人社交網甫相,見到準媽咪陀B陀得非常靚,完全冇走樣!

另一方面,未知煎pan同Phoebe係咪已經為小豬比改好英文名,見準媽咪不斷以BabyQ稱肚中BB!

單文柔陀B五個月

今年係單文柔婚後第一次以人妻身份過年,呢日同屆港姐劉穎鏇及魏韵芝,以及同係「美女學徒」嘅鍾晴就去咗佢屋企到拜年。至今已經佗B五個月嘅單文柔,個肚已經非常明顯,班姊妹仲送咗BB衫畀單文柔㖭!

單文柔
單文柔
陳展鵬同單文柔去年宣佈懷孕成功!

姊妹聚會當然要影合照留念啦,相中見到素顏嘅單文柔孕肚非常明顯,唔少網民都讚佗得好靚!而成班姊妹合照時仲喺單文柔肚上擺出心心手勢,場面非常溫馨!

單文柔
單文柔
網民中讚單文柔佗得好靚!
單文柔
單文柔
班姊妹仲送上BB衫畀「小豬比」𠻹!

陳展鵬Ready好陪入產房

早前,陳展鵬亦都上載一張上育嬰班嘅相片於社交平台,相中佢戴上口罩,一隻手拎住尿片,另一隻手托起BB雙腳,親自幫道具BB換尿片,仲留言:「豬爸爸豬媽媽Are you Ready🤘🏻I am Ready」其後佢更表示,對湊B好有信心,已經安排好晒營養師、產前產後配套同陪月,最重要就係已經準備好陪太太入產房,仲話「呢個年代,男人唔陪太太入產房同唔去照顧小朋友係犯法㗎,要報警!」

單文柔
單文柔

BB改名做「阿Q」

雖然陳展鵬同單文柔希望舉行完Baby Shower先公開BB性別,不過佢哋就已經諗好BB嘅英文名係Q字頭,因為父母嘅英文名字頭係R(Ruco)及P(Phoebe),夾喺R同P中間係Q,所以想「小豬脾」英文名都想係Q字頭,或簡稱「阿Q」,仲話:「寓意人見人愛,開開心心,因為豬B係可愛同有福。」

陳展鵬陪大肚老婆齊齊戒口

單文柔同大多數女生一樣喜愛食甜品,但孕婦忌吃太甜,唯有戒口。除咗甜食,陳展鵬更透露榴櫣、士多啤梨、麻辣火鍋、生冷食物如魚生、瀨尿蝦、大閘蟹、凍飲同雪糕等通通都唔食得。

單文柔
單文柔

陳展鵬:「點會偷食呀!」

於是,廿四孝老公陳展鵬,決定陪大肚老婆一齊戒口。老婆唔食得嘅,自己都唔食,佢仲話:「點解我唔食得???法官大人冤枉!!!!! 」

單文柔
單文柔

話雖如此,當陳展鵬被問到會唔會去「偷食」時,他甜蜜地回:「我差不多每一餐都同佢一齊食,點樣偷食呀!」仲Man爆咁話:「我依家同佢一樣,都唔食得呢啲嘢!」

單文柔
單文柔

網民們都大讚陳展鵬好男人,「老婆最大! 」、「哈哈 乖!聽老婆的話 」、「一句講哂 老婆大哂」,非常羨佢哋夫婦甜蜜!

單文柔
單文柔

單文柔晒吊帶大肚寫真

單文柔首次晒孕肚,佢喺Ig貼咗一張身穿白色吊帶裙嘅寫真照。可以清楚見到腹部隆起,唔少網民紛紛猜測佢懷孕約5個月,旁邊更有鮮花襯托,仙氣十足呀。

單文柔留言話﹕「你們的假期過得好? 剛剛過了我最喜歡的節日。今年。。。買了一棵真的聖誕樹,有好香的松樹味,佈置了我們的家,做了兩頓晚餐,在聖誕樹下準備了禮物,看了一場戲。最重要是今年可以和你一起度過。」

網民紛紛送上祝福

陳展鵬3大顧家好男人行為

42歲「視帝」陳展鵬(煎Pang)同28歲單文柔拍拖2年,二人於上年結婚並宣佈成為「1+1+1」嘅幸福家庭!其實煎Pang自老婆陀B後都做過唔少貼心舉動,難怪唔少網友都封佢做顧家好男人啦!

|學習照顧BB

煎Pang婚後依然努力忙於工作,但佢並冇因而忘記老婆同BB,反而更喺老婆陀B時已經練習定點照顧BB!之前,煎Pang就甫出一張上育嬰班嘅相,留言:「豬爸爸豬媽媽Are you Ready?I am Ready」,為BB來臨做足準備功夫。

而且,據知煎Pang仲一早安排好晒產前產後配套及陪月,亦準備好陪老婆單文柔入產房生BB!呢位老公咁細心,咩都一早安排好,相信老婆單文柔都可以安心兼專心養胎,認真係一切無後顧之憂!

|陪老婆齊齊戒口

大多數女生都鐘意食甜品,而單文柔都唔例外,但孕婦忌吃太甜、生冷食物及刺激性食物,所以唯有戒口!好在煎pan更為此而齊齊同老婆戒甜戒辣,老婆唔食得嘅,自己都唔食咁多!

View this post on Instagram

這叫愛屋及烏! #準媽媽要放假一天

A post shared by Phoebe Sin 單文柔 (@smyphoebe) on Dec 6, 2018 at 6:24am PST

|以老婆為先

雖然佢哋就嚟要迎接新生命嘅來臨,但煎Pang依然一視同仁,冇忘記老婆單文柔係生命中最重要嘅女人!之前先喺個人社交網放閃,甜蜜向老婆公開示愛:「身份多了,但也不能忘本。我也是她的終身情人」,認真Sweet到爆!

View this post on Instagram

身份多了,但也不能忘本。我也是他的終身情人🥰家庭照

A post shared by 陳展鵬(香港) (@rucochan) on Feb 14, 2019 at 9:31pm PST

加上,早前搞嘅Baby shower,單文柔就待登留言感謝老公:「通宵工作後都趕黎,和我分享呢個moment」,唔怪得之連網民都留言讚煎pan「顧家」、「好男人No1」啦!

View this post on Instagram

通宵工作後都趕黎,和我分享呢個moment 💋 #小豬比 #babyQ

A post shared by Phoebe Sin 單文柔 (@smyphoebe) on Mar 3, 2019 at 7:47am PST

延伸閱讀:

去飯局被富商逼飲酒!葉璇拒就範:應列為圖謀不軌XX!

更多新聞