【福爾摩師奶】「有力嫂」黃穎君係中大碩士生

 老公仲係大台監製
2019年03月18日19:23

大台劇《福爾摩師奶》劇集除了主角陳松伶、黃智賢、江嘉敏、陳瀅等備受關注,一班「香廬」的租客也很搶鏡,當中飾演「有力嫂」的黃穎君(Burmie)雖然出場唔多,但都成功令大家留意到佢。唔講唔知,黃穎君喺2012年曾參選香港小姐,而且仲係中大碩士生,去年出過散文集,依家除咗拍劇仲主力做主持及司儀工作,真係美貌與智慧並重!

撰文:東方新地 圖片:新傳媒圖片、電視截圖、黃穎君FB

延伸閱讀:

王祖藍李亞男宣布囡囡中文名 眾星齊賀B女百日宴!

【亞洲電影大獎】勇奪最佳女配角!惠英紅 即po比堅尼照找數

「有力嫂」黃穎君 為角色發姣

黃穎君喺劇中飾演嘅「有力嫂」,劇情講佢同老公感情好好,兩公婆喺房內賣力地包餃子,「有力嫂」不時發出一點呻吟的聲音,早前仲爆咗句「老公,再大力點!」,為劇集增添笑位,黃穎君表示角色需要佢用美色去攞著數,佢亦應監製要求做得「姣啲」,佢未試過做呢種性格嘅角色,覺得好有挑戰。佢透露之前佢喺街上更被途人認出叫佢「有力嫂」,覺得好開心好有滿足感!

一班演員感情要好,等埋位期間仲打牌聯誼一下!

《降魔的》「龍貓嫂」黃穎君

相信大家都仲記得年前台慶劇《降魔的》中,飾演「龍貓」的何遠東慘被壓死,之後飾演「龍貓嫂」嘅黃穎君同一對子女趕到醫院,手抱個B女不斷哭叫「老公你點解要丟低我哋…」

龍貓回魂淚別親朋

龍貓喺小馬(馬國明飾)及石敢當(胡鴻鈞飾) 的幫助下回魂,回到人間同老婆仔女說再見,劇中係顧家好男人的龍貓可以同老婆再遇,講出一番感人對白,觀眾都深受感動!而龍貓亦坦言老婆年紀尚輕,如果遇到適合的人就改嫁吧!

不過龍貓嫂反駁:「我嫁咗俾你,就係你老婆!」堅決從一而終,最後兩公婆就淚如雨下攬到實一實….網民話呢場戲二人演得好傷感!

黃穎君 選過2012年港姐

飾演「龍貓嫂」的黃穎君大家可能都比較陌生,原來佢早在2010年就贏過《工展小姐選舉》冠軍,在選舉中獲得多個獎項。兩年後黃穎君參選2012年港姐競選,當時仲有人話佢貌似謝安琪!

不過心水清的網民都知道,2012年呢屆港姐的質素可謂近年最高,三甲張名雅、黃心穎及朱千雪外,仲有湯洛雯、林泳淘、岑杏賢、陳婉衡等多位現時的大台姐仔,所以黃穎君都未能擠身決賽。

原來係中大碩士生

黃穎君落選港姐後加入大台,入行後主力向司儀發展,現時亦係娛樂新聞台主持,所以劇集演出未算太多。同好多港姐一樣,黃穎君的學歷都相當有睇頭,是香港大學教育學士及中文大學社會學文學碩士,也修讀香港公開大學的創意電影編劇課程,真係相當好學!

黃穎君
黃穎君
黃穎君美貌智慧並重!

而去年書展期間,黃穎君推出哲學散文,她表示呢本書都係來自生活體悟,想同大家分享佢以對愛情、親情及友情嘅睇法,結合古今中外哲學家嘅金句。

向司儀界發展

雖然劇集少啲見到佢,不過黃穎君經常出現於大小商場活動或annual dinner,想必口材了得!

4年前嫁《後生仔傾吓偈》監製

雖然平時少機會見到,不過黃穎君身材都相當不俗,著起晚裝非常吸睛!不過唔好意思啦,黃穎君現實中都同喺《降魔的》一樣已為人妻,老公丘一峯係好受歡迎的J2節目《後生仔傾吓偈》監製!

據知黃穎君亦打算自編自導拍攝一些獨立電影,唔知會唔會兩公婆拍住上?

延伸閱讀:

楊愛瑾三年抱兩宣布誕下細囡 「你令一切變得完美!」

更多新聞