細數10位與視帝視后無緣藝員 林峯提名xx次都慘食白果!
2019年03月23日20:00

林峯早前高調宣佈回歸TVB,兼會同星夢娛樂合作,拍劇、唱主題曲雙管齊下,而喺日前TVB喺影視展上更公佈峯峯將會拍攝《使徒行者3》!唔少網民都話林峯演而優則唱,但他在獲提名多次角逐「視帝」但最後都與奬項無緣,網民都話希望他今次回歸大台最後能攞到「視帝」。回顧過去,其實都有唔少當紅小生花旦屢獲提名角逐視帝視后一獎,可惜仍與獎項擦身而過成為陪跑一逐!

撰文:東方新地|圖片:新傳媒圖片、劇照、Instagram、微博、電視截圖

延伸閱讀:

《皓鑭傳》收視不及《延禧攻略》 五大死因令熱潮難續

回顧48歲陳松伶初出道靚樣 清純美貌盡展現!

林峯 友情價回歸無綫

林峯相隔5年幾重返娘家,林峯話呢段時間喺街見到無綫公司車,都會上前望望有冇認識嘅舊同事,佢話今次係個好時機返TVB:「始終拍咗20多年戲,一直希望尋求突破同新嘗試,喺機緣巧合之下,杜之克搵我傾咗個project覺得好有興趣,詳情遲啲會公布!」林峯稱今次合作形式很自由,有計劃在2020年舉行大型演唱會,而今年會在內地及澳門做演唱會當作熱身。

林峯唔恨攞視帝

問到會唔會好期待攞「視帝」?林峯話:「唔好嫌我老土,攞獎唔係最睇重,身為演員希望可以成功塑造更多令人記得嘅角色,我係要過戲癮嘅人,追求有新衝擊。(想唔想再攞「最受歡迎男歌星」?)畀當然要,哈哈!」

林峯
林峯
林峯宣布正式回歸「娘家」無綫,並會與星夢娛樂合作,獲無綫高層杜之克及星夢行政總裁何哲圖送上彩鑽TVBuddy和金咪高峰,你睇林峯幾開心!

林峯稱回歸無綫全因杜之克邀請,問杜之克話唔係自己嘅功勞:「靠隻古仔、靠個Project,其實關鍵係大家都覺得阿峯係時候做呢件事,我覺得係形勢,應該積極去試吓,我哋就搵咗個Project好啱佢,啲同事都花咗好多心機做一個好出色嘅人物,同佢傾咗一次古仔,佢都覺得係好好嘅時機去做。(個Project可唔可以透露多啲?)其實我可以透露聽日留心Filmark啦!(即係為佢度身訂造?)有好多嘢都要度身訂造。」

古天樂牽頭的電影公司天下一在《影視博覽2019》上公布多部新作,其中最受關注當然是《尋秦記》電影版,日前古天樂帶領一眾演員包括林峯、宣萱、郭羨妮、滕麗名、雪兒等出席,18年後終於call齊人!

尋秦記
尋秦記
古天樂帶領林峯、宣萱、郭羨妮、滕麗名、雪兒等原班人馬登場,令人期待電影版《尋秦記》!

細數8位與視帝視后無緣藝員

|林峯

唔好以為15次提名都拎唔到最佳男主角獎嘅Bosco已經叫最多次,原來數到當中獲提名但未曾獲得該獎項次數之冠嘅竟然係林峯!

電視劇《回到三國》
電視劇《花花世界花家姐》

林峯曾被提名16次,而早年嘅《溏心風暴之家好月圓》同《使徒行者》等劇集皆表現出色,獲得唔少觀眾喜愛!

《溏心風暴之家好月圓》劇照
《溏心風暴之家好月圓》劇照

可惜,直到林峯離巢都未拎到視帝一獎,真係陰公豬!

《使徒行者》劇照
《使徒行者》劇照

|蒙嘉慧

蒙嘉慧2000年加入TVB,第一套電視劇《新鮮人》就已經坐正做女一,證明當時TVB對其疼愛有加。

《陀槍師姐IV》劇照
《陀槍師姐IV》劇照

其後,蒙嘉慧參與多套劇集,如《妙手仁心II》、《法證先鋒》等更令其人氣急升!

《法證先鋒2》劇照
《法證先鋒2》拍攝花絮

然而,先後獲提名最佳女主角共10次嘅蒙嘉慧都未能獲獎,最後亦與TVB結束13年嘅賓主關係,更於婚後逐漸淡出電視螢幕!

|郭可盈

數到獲提名做視后最多次數嘅,原來係郭可盈,一共獲提名最佳女主角12次咁多。

《法網伊人》劇照
《談判專家》劇照

仲記得當年郭可盈同蔡少芬、宣萱及陳慧珊四人被譽為TVB「四大花旦」!

郭可盈、蔡少芬、宣萱、陳慧珊被譽為TVB「四大花旦」

而郭可盈最後一部參與嘅TVB劇集已經係09年播出嘅《富貴門》,其後郭可盈拍完《富貴門》後翌年更生咗囡囡林天若(Tania),自始淡出電視圈。

《富貴門》劇照
《富貴門》劇照

邵美琪

邵美琪可以說是TVB的老戲骨了,從影34年的Maggie不論是電影或電視劇都有不少作品,即使現在深夜重播的劇集都經常見到她的蹤影,她是「好戲之人」的地位毋庸置疑,近幾年最讓人印象深刻的必定是《刀下留人》和《完美叛侶》了,《刀下留人》更在炮灰檔期被稱為神劇,Maggie的功勞可不小。

《刀下留人》
《完美叛侶》

不過Maggie雖然好戲,但與視后總是有緣無份,曾經有9次視后提名的她最後都不能拿下視后,只有陪跑的份,這麼有實力的演員真是要拍大髀為她感到不值。

《名門暗戰》
《珠光寶氣》

|吳卓羲

吳卓羲加入TVB後,於2003年嘅《英雄刀少年》擔正做男主角,其後憑《衝上雲霄》演唐亦風而成功走紅。

《衝上雲霄》演唐亦風

大家對佢印象最深刻嘅應該係吳卓羲多年嚟飾演衝動警察,網民仲笑指佢過去13年喺警隊不停轉部門,履歷不斷更新。

2005年《學警雄心》
吳卓羲由《學警雄心》就開始佢警察生涯。

多年嚟吳卓羲不停演唔同警察部門嘅角色,但原來佢都曾10次提名最佳男主角!

今年嘅《飛虎之潛行極戰》扮o記高級督察。
《飛虎之潛行極戰》劇照

|鍾嘉欣

作為親生女嘅鍾嘉欣原來都曾獲提名視后達11次,但同樣食白果!

唔止子珊多次陪坐。
就連嘉欣都係多次陪坐,做戥人高興嘅一位!

當年,嘉欣擔任唔少劇集嘅女主角,同時更深受觀眾喜愛,非常入屋,嘉欣更成為TVB當家花旦之一!

《耀舞長安》劇照
《溏心風暴之家好月圓》劇照

縱然如此,嘉欣依然未能一嘗視后滋味,實屬相當可惜!而嘉欣更喺今年1月約滿後離開TVB,逐漸淡出娛樂圈,做個幸福人妻兼人母!

滕麗名

「陳三元」可以說是滕麗名的成名角色了,陀槍師姐中的「陳三元」正義又率直,不知深得多少觀眾喜愛,《尋秦記》中的刺客善柔也是外剛內柔,讓觀眾印象深刻,還有很多好劇例如《一屋老友記》、最近的《愛·回家之開心速遞》等等,好戲是不用多說了,原來她也曾提名過9次的最佳女主角,可惜的是幾好戲都不能紅起。

陀槍師姐
尋秦記
《一屋老友記》
《愛·回家之開心速遞》

|馬國明

相信要數到坐喺頒獎典禮台上等攞獎但又多次陪跑嘅藝員,大家都會馬上諗起馬明!原來馬明由2005年首次獲提名最佳男主角,至今已獲提名該獎項11次!

馬國明於2005年憑《同撈同煲》演鄧鏡塵一角首次提名最佳男主角。
劇集《同撈同煲》

近年,馬明憑再憑《on call 36小時》及續集《on call 36小時II》飾演張一健一角,而連續兩年獲提名最佳男主角,可惜仍一無所獲。

《on call 36小時II》飾演張一健

上年,馬明再憑《降魔的》一劇被網民睇好做視帝,不過就輸俾黃浩信。雖然噚晚馬明憑《宮心計2深宮計》奪得「最受歡迎電視男角色」,但依然與視帝一獎繼續擦身而過!

《宮心計2深宮計》電視截圖
憑《宮心計2深宮計》任三恕一角再蟬聯「最受歡迎電視男角色」。

|黃宗澤

黃宗澤(Bosco)1999年加入TVB,所拍劇集貼樣多不勝數,由2004年嘅《足秤老婆八兩夫》首次擔任男主角。

2005年,Bosco憑《我的野蠻奶奶》演甯茂春令觀眾留下印象,並首次提名最佳男主角!

回顧過去,Bosco就先後15次被提名最佳男主角,雖然2016年憑《幕後玩家》入圍該獎最後5強,但可惜亦未能一嘗視帝滋味!

《幕後玩家》電視截圖
《幕後玩家》電視截圖

|徐子珊

徐子珊因選美而入行,當時備受力捧嘅子珊於多套劇集飾演女主角,出街劇集簡直係一部接一部!

視帝視后
視帝視后
《情越雙白線》劇照
視帝視后
視帝視后
《情越雙白線》劇照

當時子珊更與鍾嘉欣、楊怡、胡杏兒及陳法拉被TVB力捧為旗下新「五大花旦」之一,多套劇集同時亦大受歡迎。

視帝視后
視帝視后
《點金勝手》劇照
《點金勝手》劇照

自07年起合共提名8次最佳女主角嘅子珊,年年陪坐,最後子珊都心淡離巢。

《潛行追擊》劇照
子珊多次喺萬千星輝頒獎典禮陪坐。

回顧林峯歷年8首街知巷聞歌曲 網民:首首都好洗腦!

今次回歸TVB嘅林峯相信會帶嚟新音樂作品,雖然暫時未聽到新作品,但過往林峯就曾經主唱唔少歌曲都好好聽,依家就同大家一齊回顧有邊幾首耳熟能詳嘅歌曲啦!

|記得忘記

林峯首次為TVB劇集唱嘅歌就係2002年《再生緣》片尾曲嘅《記得忘記》,當時呢首歌更收錄喺專輯《愛上主題曲3》入面!

|愛在記憶中找你

5年後,林峯為劇集《歲月風雲》唱插曲《愛在記憶中找你》,當時呢首歌更成功令林峯獲得首個勁歌金曲優秀選得獎歌曲,相信唔少人至今都仲記得歌詞「如果可以恨你 全力痛恨你」!

|愛不疚

2008年,林峯繼續為TVB唱劇集歌,當年除咗《溏心風暴之家好月圓》播出後爆紅外,就連劇集插曲《愛不疚》同樣hit爆,嗰句「放手 放開所有彼此更自由放手 其實我絕非愛得不夠 」唱得非常有感情之餘,試問又唱出咗幾多分手情侶嘅心聲?

|幼稚完

2012年《幼稚完》係林峯主演劇集《雷霆掃毒》片尾曲,歌曲更收錄喺大碟《A Time 4 You》中,其中「幾千天近況幸福嗎 每日忙碌嗎」就唱出分手後戀人對前度嘅念念不忘。

|我們很好

《我們很好》有國語及廣東話兩個版本,而國語版則係林峯首張國語專輯《First 第一次》嘅首支派台歌曲,國語版嘅MV就搵嚟佘詩曼做女主角,至於廣東話版本則搵咗湯怡,兩個版本同樣好聽,唔知你又鐘意聽邊個版本多啲呢?

|如果時間來到

2009年時嘅《如果時間來到》係林峯第3張專輯《Let’s Get Wet》嘅主打歌之一,MV更搵嚟當時TVB力捧新晉女藝員徐淑敏做女主角!

|Let’s get wet

講到《Let’s Get Wet》呢張個人專輯,當然唔少得同名歌《Let’s Get Wet》啦!當年林峯更以呢首歌嘅歌名做自己首個紅館個人演唱會嘅名,絕對可以話係林峯歌唱事業嘅一個標記!至於個MV就有陳茵媺一齊拍攝,配合歌詞二人更一齊跳貼身舞!

|Chok

2011年,《Chok》呢首歌真係播到街知巷聞,成首洗腦歌咁!不過,就算有人唔記得大部分歌詞,但都一定記得個「chok」字!呢首歌更為林峯於當年獲得唔少獎項,包括《十大勁歌金曲頒獎典禮》「金曲金獎」,為同年奪「亞太區最受歡迎香港男歌星」及「金曲金獎」男歌手。

延伸閱讀:

洪欣未受婚變傳聞影響 單拖現身見證囝囝出道!

更多新聞