江嘉敏公開投訴男友未夠浪漫 「送粒鑽石好過!」
2019年03月24日18:00

江嘉敏(Kaman),最初演學生出位的她,大談如何主動入行,以及極速上位的經過 ;大方承認蜜運中的她,又分享跟男友的甜蜜戀事!

撰文:東方新地|圖片:東方新地、江嘉敏微博

延伸閱讀:

50歲李婉華生完3個都咁fit 勁減70kg全靠…

細數10位與視帝視后無緣藝員 林峯提名xx次都慘食白果!

江嘉敏瞞阿媽入行

「我讀書嗰陣想選香港小姐,但鑑於我無乜信心喺大家面前著bikini,我就諗除咗選香港小姐仲有咩可以入到行呢?後尾發現有個途徑就係自薦影雜誌,第一本就係影婚紗,咁就開始咗影平面,後尾拍廣告,拍咗半年左右,就開始拍港台劇。」,簡單原因令Kaman入行娛圈。

回到未紅前,曾為本刊旅遊專題拍過泳照,青春無敵, 身材偏向有肉地。

Kaman續說:「一開始我係瞞住阿媽,因為我媽咪嗰時思想都比較保守啲,佢覺得我哋應該要讀書、做老師、醫生、護士先係好嘅,不過我相信每個家長都係望子成龍嘅。」,個個家展都希望自己仔女可以搵份高薪厚職,但又非人人能如願。

入行三年加入TVB

「因為我拍港台劇通常都係做學生,咁啱 TVB 有監製睇到打畀我,我唔信,cut佢線,到佢再打嚟,我諗應該無人咁好耐性玩我幾次,應該係真嘅,叫我去casting。Casting 後過咗半個月都無下文,我好心急打電話去問:『 究竟 cast 唔 cast 得中?監製, 我住港島㗎,我去將軍澳 casting 好遠㗎,你畀多次機會我吖!』就去咗第二次 casting,cast中咗, 就順理成章入咗呢間公司,開始我嘅電視劇生涯。」,永不放棄至少還有機會。

問到她覺得自己發展成點,Kaman就話:「其實係比我想像中快嘅,我當初諗住拍完《親親我好媽》就無㗎嘞,因為又唔知自己表現如何,同埋始 終經驗唔多,嗰時我又肥。好彩嘅係 觀眾幾喜歡呢個角色同埋都好鍾意套劇,因為呢套劇,好多監製搵我拍劇,同埋有出埠去拍綜藝節目嘅機會,所以都幾開心」。

入無綫第三年,已拍八套劇, 說到希望嘗試的角色,「唔知係咪我個樣呃到吓人,做嘅角色 都係比較柔弱啲,我想試吓啲硬淨啲嘅角色、試吓做殺手揸 槍,生活上接觸唔到嘅嘢, 或者演醫生、律師都想試吓。」

《親親我好媽》的學生妹角色入 屋兼令她加入電視台,正式開展藝人生涯。

緋聞不斷

「唔知係咪因為我喺片場紮紮跳、b lee ba la,就好似小朋友咁,其實我都唔知,我由《親親我好媽》到《兄弟》,我拍咗六套劇,我都係拍《兄弟》第一次有緋聞,嗰時都唔知點樣面對,我嘅應對方法就係唔同全部人講嘢!」,問到緋聞不斷,Kaman自言自己都唔知咩事。

跟人夫王浩信的緋聞,一度傳得似層層。

「點知我唔同佢哋講嘢半個月之後,又有第二單,原來呢個唔係解決方法,同埋做到自己好唔開心,我出trip 同劉穎鏇同 房,佢發現到我有唔同,但佢話:『 你自己都有眼睇,你唔講嘢人哋咪又係寫你,咁點解唔自己開心,傾 番劇本、做好個戲?』係佢喺陰影區拖番我出嚟,好多謝佢。」,最後搵到方法解決緋聞陰影。

至於屋企人點睇緋聞,Kaman表示:「我媽咪有講,『嘩,點解會咁寫㗎?咁衰㗎!』我話:『係呀,阿媽,新聞真係唔好睇咁多!』我個妹同我阿媽都好支持我嘅,佢哋反而驚我唔開心多過其他嘢」。

至於男友有冇詐型,佢坦言:「佢又無喎,佢好支持我,因為傳過緋聞嘅男同事佢全部都識,同埋佢覺得最搞笑係,我同我男朋友嘅新聞都出咗啦,但都仲有寫我同伍允龍,佢兩個都有笑,因為我哋成日一齊打機!」

Kaman續說:「伍允龍同我男友異口同聲話:『點會傳江嘉 敏同伍允龍?應該係傳我哋兩個至啱!』因為佢哋兩個基味甚濃,同埋伍允龍成日會打嚟:『喂,打唔打機?一齊打機 吖!喂,你男朋友呢?I Miss Him! 」所以下一單緋聞應該係佢兩個。」

男友為電競公司高層,年輕 有為有事業,早前兩口子被 拍到趁貼紙相店結業往影貼 紙相,愛得大方坦蕩。

點識現任男友

Kaman笑指:「我哋成班朋友一齊食飯,食完飯佢哋打麻雀,我唔識打坐埋一 邊,佢話:『唔好自己坐啦,坐喺我隔籬,我教你打!』我係好煩嗰啲,逐隻問佢:『 點解你打呢隻嘅?呢隻叫咩名?』佢又好有耐性,我就覺得呢個男仔都幾好,後尾了解多咗之後,覺得佢好似幾好咁,就一齊睇吓戲、 食吓飯咁!」

至於鍾意男友啲咩,佢甜指:「佢細心、有耐性,因為我自己本身係啲好急躁、無乜耐性,好需要一個同我啱啱相反嘅人打和番。」;男友住洋樓、揸靚車係咪唔使做,Kaman即指:「佢同屋企人一齊住嘅,車,我都有揸車㗎喎,但都要做嘢嘅,都要食飯㗎嘛!」

問到男友同自己邊個浪漫啲,Kaman笑言:「我好肯定我就唔係浪漫嘅人,佢就好視乎心情,佢都會無端端畀surprise 我,但有陣時就會好戇直。我試過之前有節日,同佢講是 旦搵間餐廳食、唔使送嘢,佢真係無送呀!」

「對上一個情人節,我見到隔籬枱個男仔當住女朋友面寫卡,我就同男朋友講:『 你如果買唔切花或者準備唔切禮物,我寧願你唔送,食餐飯或者慳啲錢遲吓送粒鑽石或者食多餐飯好過。』點知佢呃我,叫我出去幫佢拎個袋,原來係送花畀我,後尾 叫我跟佢返公司拎袋,點知係送禮物畀我,所以其實佢都浪漫嘅,我就爭啲嘞,我情人節淨係整咗張卡畀佢咋!」,女仔都係希望有對方在意一下大時大節。

如何杜絕緋聞

Kaman對於呢個問題,不加思索下立即話:「我有男朋友嘛,你要寫我?等等先,『喂,男朋友,有人要寫我呀,你出嚟 畀人影一影吖!』哈哈哈!」,似乎已有自己一套杜絕緋聞嘅方法!

即時回顧:

去年11月挾男友同居

撻著電競公司高層 Anthony唔夠三個月即火速認愛,去年11月江嘉敏再出招挾筍盤男友同居,住正男友同父母 同住的太子寓所隔籬,近水樓台密謀入屋見家長,無非心急上岸。

畫手仔

江嘉敏箍仔本領層出不窮,去年11月搬緊屋仲可以 同男友玩兩小無猜,畀隻手男友玩畫手仔,搞到 Anthony笑晒口冧到暈晒浪,之後仲撒嬌要畫男友,Anthony就合埋眼任佢畫,睇樣都知佢極之冧!

返愛巢

搬屋全由男友代勞,江嘉敏只負責發號施令,但食完飯行返愛巢時竟然要男友為她按摩膊頭。

公主抱

Anthony對江嘉敏照顧無微不至,除了幫手搬屋,行街仲幫女友孭埋手 袋,女友突然撒嬌話攰扭抱,他更man爆將女友成個抱起過馬路,江嘉敏腳撐撐,搞到男友鬼咁high!

Anthony起底有才有米

身高六呎的Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅,平時駕駛名車出入。男友年紀輕輕已事業有成,難怪江嘉敏對戀情都直認不諱。

公司要員

電競公司的老闆之前就上傳同員工聚會,佢大讚眾人好幫得手,齊齊推動及帶領電競事業,而Anthony(白色衫)是其中一員!

愛同藝人合照

Anthony都鍾意同啲星影相,之前佢就把許廷鏗及側田嘅合照放過上Facebook,見到桂綸鎂嘅巨型相片,Anthony企埋去合照仲留言話「She is so into me~」似乎鍾情於氣質型美女!

IG隔空傳情

Anthony的IG設定為私人賬戶,未有對外公開,但見江嘉敏都有Follow!而之前女友心情似乎欠佳,上傳史諾比卡通圖片話想要一個抱抱,Anthony雖然未有多言,但就留下一個彩虹圖案鼓勵她!

Anthony的IG

派撻冧仔

江嘉敏除了外形QQ討人歡喜,更入得廚房精通甜點冧盡男士歡心。據知近年她不時整餅、整蛋糕、整月餅又整撻,包到靚一靚拎返公司派給同劇男演員,落晒甜頭,實有人食過翻尋味。

細數江嘉敏歷代緋聞男友

1. 何廣沛

相信大家有睇TVB嘅話,對何廣沛呢三個字都唔陌生,皆因佢喺台慶劇集《跳躍生命線》入面飾演吳卓羲2.0,即係衝動到爆嘅角色。

View this post on Instagram

其實阿哥都係想你有好日子過😢 @lawjoey #跳躍生命線 #卓家傑 #傑仔 #卓家俊 #譚家俊

A post shared by Matthew Ho 何廣沛 (@matthew_hkp) on Oct 24, 2018 at 10:47am PDT

何廣沛同馬德鐘喺《跳》入面做救護拍檔,同羅天宇則為兄弟兼同事。

View this post on Instagram

在哥,譚Sir,傑仔🚨 #跳躍生命線 #卓家傑 #傑仔 #promo

A post shared by Matthew Ho 何廣沛 (@matthew_hkp) on Sep 15, 2018 at 3:00am PDT

入行5年嘅何廣沛,其實第一套拍嘅劇係《愛回家》,不過第一部有角色名嘅劇集就係《女人俱樂部》,當時佢演飾吳啟華後生版,迷到萬千少女。

《女人俱樂部》宣傳活動
《女人俱樂部》宣傳活動

何廣沛同Kaman第一次合作就係拍劇集《親親我好媽》,而呢套都係Kaman入TVB後第一套劇。

《親親我好媽》宣傳活動

江嘉敏同何廣沛喺劇中飾演學生哥,二人共譜戀曲,嗰陣時有網民都覺得佢哋好襯,兼傳戲假情真。

2. 黃嘉樂

現年39歲嘅黃嘉樂入行已經18年,初時係做唔顯眼嘅角色,不過後來就有做男配角嘅機會,可惜17年嚟都依然無擔正機會。

View this post on Instagram

等埋位冇理由唔自拍一下🤣 #enjoymylife #playhardworkhard #10年冇拍過MV 😌

A post shared by 黃嘉樂 Wong Ka Lok (@wongkalok1214) on Oct 24, 2018 at 4:44am PDT

View this post on Instagram

拍攝倒數中🤟 準備開新劇😎 #白色強人 #林學祈 #enjoymylife #playhardworkhard

A post shared by 黃嘉樂 Wong Ka Lok (@wongkalok1214) on Jun 21, 2018 at 8:48am PDT

江嘉敏 攞正牌攬頭攬頸

江嘉敏同黃嘉樂因為拍《果欄中的江湖大嫂》而認識,有指佢轉移目標去劇中男友黃嘉樂,更加有恃無恐攞正牌一樣每日在個人社交網絡發布二人日對夜對攬頭攬頸新動態。

江嘉敏
江嘉敏
明知對方有正印攝影師女友,慣犯江嘉敏一樣開工黐實黃嘉樂,收工有意無意短訊撩吹水,進攻型行徑連同劇演員亦睇唔過眼。
江嘉敏
江嘉敏
在《果欄中的江湖大嫂》演一對,江嘉敏大條道理在社交網絡po甜蜜劇照,表面宣傳劇集內裡留言引人遐想。

江嘉敏
江嘉敏

江嘉敏
江嘉敏
一向喜歡年長大哥哥,江嘉敏因為新劇與黃嘉樂混熟,還趁工作日見夜見不斷向高大靚仔又上位中的黃嘉樂示好。

江嘉敏
江嘉敏

黃嘉樂跟得女友放閃不停

面對Kaman攻勢,黃嘉樂現實嘅女友就以每日一po反擊,連朋友都頂唔順形容Samantha為「長期閃光彈」。

江嘉敏 Samantha
江嘉敏 Samantha
本來聽晒男友話低調處理戀情,近月為防發電機江嘉敏,黃嘉樂攝影師女友Samantha亦開始在IG出招,每日一po放閃、每次都tag埋男友霸地盤。

江嘉敏 Samantha
江嘉敏 Samantha

江嘉敏 Samantha
江嘉敏 Samantha

宣示主權

據知情人士透露,正印要宣示主權原來係為江嘉敏所逼:「其實佢哋今年5月2日至啱啱拍拖一周年,嘉樂雖然話過想儲兩年錢先結婚,但係變數可以好大,兩年後身邊係邊個邊有得保證。Samantha同嘉樂年紀差唔多、唔想再浪費時間,同埋真係覺得男友好仔唔想錯過。」

江嘉敏 Samantha
江嘉敏 Samantha
黃嘉樂拍拖拍得低調,個人IG劇集女友出鏡多過正印女友,不過Samantha就日日update拍拖動態,買情侶鞋、過情人節、生日咀嘴都照po 。
江嘉敏 Samantha
江嘉敏 Samantha
不用外出工作時Samantha亦樂得跟實男友做跟班攝影師、出席所有男友朋友聚會,抓緊機會確定自己阿嫂身份。前排與黃嘉樂孖住出席林子善婚宴。

知情人士續說:「本來Samantha對男友好有信心,都冇諗過要搞咁多嘢,不過江嘉敏咁進取惟有見招拆招,除咗返電視台,男朋友去到邊、見咩娛樂圈朋友Samantha都跟到實,次次仲要打埋卡晒恩愛,又成日旁敲側擊叫嘉樂快啲求婚畀啲表示,都係為咗全世界都知佢係嘉樂嫂、希望有人知難而退啫!」

江嘉敏 Samantha
江嘉敏 Samantha
三十多歲Samantha雖然唔夠23歲江嘉敏嫩口,但身形健美又有主見,經常自晒bikini,身材不比電視台小花差。

江嘉敏 Samantha
江嘉敏 Samantha

江嘉敏 Samantha
江嘉敏 Samantha
與黃嘉樂年紀相若的 Samantha是資深婚禮攝影師,不時還親自上陣做model,氣場十足身材亦有睇頭。
江嘉敏 Samantha
江嘉敏 Samantha
有十年婚禮攝影經驗的Samantha在攝影圈薄有名氣,又因為同圈中人熟絡與黃嘉樂不乏話題,去年黃嘉樂老友張頴康帶埋老婆囡囡拍大肚照,亦是Samantha操刀!

3. 王浩信

近日每晚播嘅《兄弟》都見到Kaman同王浩信,因為劇情要求要去英國拍攝,當時Kaman就被指姣纏有家室嘅王浩信。被問到會否與王浩信保持距離,以免再傳緋聞,佢笑話:「都冇咩嘢要避忌,因為我同佢只係傾劇本同埋講吓啲感情戲點處理,如果咁樣都被人講,即刻要完全唔傾偈,唔講嘢!不過我媽咪都有問我單緋聞係咪真,我話『你話呢?』」

自薦幫王浩信搽油

早前二人接受《東張西望》訪問,王浩信話拍打拳戲期間,工作人員幫佢喺皮膚搽油不下數十次,在旁的江嘉敏笑話:「下次呢啲粗重嘢留畀我呢啲細嘅做!」王浩信聽到後尷尬笑話:「我嗰個年代啲女仔都唔係咁嘅⋯⋯」!

江嘉敏
江嘉敏
賣萌係江嘉敏的強項,王浩信少啲定力都唔掂!

拍親劇都傳緋聞,王浩信見識過江嘉敏電力後亦都開始避忌,《兄弟》拍攝後半部,就刻意與女方保持距離。

江嘉敏
江嘉敏
4.余德丞

早前踢波暈倒入院嘅余德丞同Kaman拍重頭劇《危城First Lady》,Kaman有得同小鮮肉朝夕相對,仲唔開行發電機咩……

二人不時會喺IG上載合照,並有Hashtag#余德乘嘉敏,因此當時傳出兩人已拍拖幾個月。

5. 黃建東

啱啱過去嘅《萬千星輝賀台慶》,其中一個環節係幾位藝人同時彈琴,而一向拍開惡搞片嘅黃建東(東東)亦有份參與其中。原來佢8歲開始就學琴,仲表示對上一次喺TVB彈琴已經係2011年香港先生選舉嘅才藝表演。

東東喺2011年參選香港先生,獲得「演藝潛能大獎」獎項

東東喺Instagram表示:「江嘉敏話未見過男仔彈琴,我彈完之後佢話愛上咗我。但係佢啱啱宣佈應有男朋友,咁我…點算啊?」

之後東東再PO相,寫道:「呢個少女話未見過男仔彈琴,聽完我彈之後紅都面晒,仲開始叫我做愛人添。 你隻衰豬咁樣望住我,搞到人哋個心肝仔卜卜跳添…」

江嘉敏含情脈脈望住東東,唔通真係愛上咗佢?

見到「愛人」出PO,江嘉敏都忍唔住留言回應

江嘉敏 初熟水著曝光

拜去年一套《親親我好媽》純情學生妹形象所賜,江嘉敏成為新一代氣質女神,火速在網絡走紅,獲讚又pure又true!

江嘉敏
江嘉敏
江嘉敏拜去年《親親我好媽》純情學生妹形象所賜,成為新一代宅男女神,火速在網絡走紅。
江嘉敏
江嘉敏
江嘉敏17歲已經狂拍私影,做Model經驗豐富,不過水著晒身材就不常見,睇怕今次又令班宅男暈其大浪!

江嘉敏 去年登Google人氣搜尋第1位

近年忙於拍劇的Kaman,成為2017年Google人氣搜尋女藝人,擊敗神奇女俠Gal Gadot和話題港姐雷莊𠒇,成為2017年Google人氣搜尋女藝人!

江嘉敏早在17歲已經狂拍私影,做Model經驗豐富,不過水著晒身材就不常見,其實佢曾跟《新假期》出過不少Trip,除了文青look示人,佢去過馬爾代夫影三點式,大晒噴血身材呀!大家一齊睇吓佢啲靚相,就知Anthony好識揀!

這張男友視覺,樣子清純,無過份「人工化」的靚樣,天呀!

入大台前,Kaman其實拍過獨立電影同港台劇,她不算好靚,但順眼、清純女學生形象令人形象深刻;在Google香港2017年熱爆搜尋女娛樂名人中,江嘉敏跑出榮登第1名,證明清純玉女形象係男女通殺!

其實Kaman 2012年已入行開始拍微電影,影相扮家政婦比結衣BB絕無輸蝕。

太可愛!聞說Kaman私下勁鐘意食嘢,唔似得有啲女仔扮細食,咁都瘦,羨慕!

文青女神Look

話說Kaman 2014年剛拍過麥曦茵執導的《曖昧不明關係研究學會》及港台劇,開始為大家所認識。閒時也有接Model工作,這次第一次同《新假期》來到台灣宜蘭住民宿,盡顯文青動靜皆宜的一面。

帶無死角模特兒出trip,對攝影師嚟講最易返到靚相。

Chur爆行程 影相即入戲

不要以為Kaman日日住靚民宿就好正,Kaman朝朝晨六咁早起身化妝, 由食早餐開始影,Chur 盡一日又轉民宿,都未計有兩日攝時間太平山國家公園去行山影紅葉。不過新入行的她都咁專業,抵佢紅!

Kaman識鋼琴達演奏級,又讀名校,文青外型女仔都Buy。

台灣之行集中在宜蘭好山好水的地方。Kaman 住了3間民宿,中間踩單車(但文章無乜著墨),又去太平山國家公園看紅葉、整溫泉蛋,大多數時間就留在民宿影靚相、做訪問。

在太平山國家公園整溫泉蛋,要忍住熱影相,個樣幾趣怪!
平時Kaman 都會踩單車,影文青造型,easy啦。

出trip不為交差 全情投入旅程

好多Model出trip在鏡頭前入戲,表現出好味道或者好當地人有互動,但一熄機便不交戲,繼續玩電話對世事不聞不問,但Kaman是少有會enjoy旅行嘅model,所以鏡頭前後都好易捕捉到她與當地人談天的小動作。

同Kaman出trip的記者回憶,私下Kaman好爽朗。
和民宿的主人和小柴犬,Kaman玩到勁開心。
在民宿訪問時,Kaman都樂意聽主人講故事,完全無明星架子。

鏡頭之下,當時的記者憶述,Kaman都真的很喜歡食甜品,每款都好有興趣試,絕不扮細食懶矜持。但Kaman都好有禮貌、好識做,問過大家先開動。來到京都的人氣和菓子店,和老闆合照笑到見牙唔見眼。

記者叫Kaman擘大個口食,她無嫌甫士唔靚!

慳妹出Trip唔亂買嘢

Kaman在早年的訪問有提過,自己好鍾意演戲,為了Casting 同多點演出經驗,平時的Job無錢都會接。所以記者憶述當時去到日本,Kaman 不會瘋狂Shopping,是「慳家敏」一名。但就好愛錫妹妹,不買東西給自己都要買手信給妹妹!

招牌式開朗笑容。

賢妻家政Look

再來日本,今次Kaman來拍攝東京爆買家電家品特輯,據知Kaman雖然出身小康之家,不過也會在家煮飯,對於拍攝時的飯煲、焗爐她都有興趣。

去Bic Camera影相,著件工作人員衫,我實幫襯呢位店員!

罕見入廚賢妻造型

Kaman劇中多數都演清純學生,今次同《新假期》去東京買家電,要她扮賢妻都無難度,據記者講有不少食物都是Kaman幫手處理!

據知Kaman對飯煲都好有興趣。
招牌甜笑,睇嚟扮演月薪嬌妻都無問題。
扮吸塵又晒下長腿。
最後來多個長腿Look,煞食!

初熟水著曝光

江嘉敏17歲已經狂拍私影,做Model經驗豐富,不過水著晒身材就不常見!

無綫小花江嘉敏清純又得,性感都得!

健康做瑜珈,Sport Bra造型碎料。
呢個封面位,據攝影師講試咗幾shot就收貨!
三點式坐床上,喂!唔好再FF!
呢張男朋友視覺真係無敵!超多幻想空間!咪心邪,我指超甜美笑容,救命呀!
三點式出浴照!無懼水沖落嚟的素顏樣!

-870x1024
-870x1024

延伸閱讀:

《皓鑭傳》收視不及《延禧攻略》 五大死因令熱潮難續

更多新聞