【經一專欄】診所職場事 【寶豬趣聞】吉藥袋|珍寶豬
2019年03月25日17:09

【經一專欄・診所職場事】有日一位小姐嚟到診所。

佢將診所個大藥袋放喺登記處枱面:「唔該你做嘢小心啲啦,要我行多轉過嚟你好唔好意思呀?」

我喺大藥袋入面拎出幾包藥,望望~咦?乜全部吉嘅?

撰文:珍寶豬

延伸閱讀:

大學未畢業已開始創業 90後推靜觀冥想 成本數千元 | 創業淘金 | Startup新世代

【網民熱話】觀音借庫2019懶人包 祭祀吉時 + 借庫熱點 + 借庫流程

我:「唔好意思小姐,你係想配藥呀?望返日期你噚日拎咋喎,咁快食晒三日藥嘅?你一日食咗幾多次呀?」

佢:「我一次都冇食過呀,我今日諗住食嘅時候就見到咁啦」

你有冇留意吓屋企有冇人或動物嘔緊白泡呀?

我:「一次都冇?會唔會有其他人拎咗嚟食呀?」

佢:「我自己住㗎,邊有人拎呀,你唔好講鬼都要食藥呀?」

我:「咁…就奇啦喎。出少一兩粒就唔奇嘅,全部一次過出吉袋好奇啊,我哋出藥嗰時會講啲藥點食,都會俾你睇吓啲藥嘅,你記唔記得噚日同事出藥俾你有冇藥喺袋呀?」

佢:「噚日咁耐嘅事我唔知喎」

噚日都叫耐?你係咪有老人癡呆啦陰公~

我:「噚日嘅事都唔記得?你會唔會自己食咗都唔記得㗎?因為我有啲擔心你係食晒呀~」

佢翻白眼:「我唔該你啦,你嗱嗱聲fill返啲藥俾我啦」

我:「我哋出藥真係冇可能出吉藥袋俾你嘅,爭咁多係冇可能㗎,一兩粒就有機會嘅,我哋電腦都有數㗎,可能你要等等啦,我要去數吓啲藥啱唔啱數㗎~」

佢:「咩事呀你?啲藥值幾多錢呀?駛唔駛入埋電腦睇住條數咁誇張呀?一係你而家當我冇咗一兩次囉,你照俾返我就算啦」

我:「唔得,你等我數咗藥先,我都想知係咪同事出咗吉藥袋俾你嘛,但係佢今日放假嘅,放假時間我哋係唔會打俾佢問公司嘢~」

佢邊講邊走:「得啦得啦得啦,你當我冇嚟過啦,想攞多幾日藥都管住晒,啲藥你有份㗎咩」

你明屈我同事喎,你想要多幾日藥就俾錢啦~

延伸閱讀:

【新居屋2019】59折新居屋 6個屋苑優劣比併 最平7.8萬元首期可上車 最新申請資格一覽

更多新聞