一身裝束夠仙氣!女神簡淑兒 可愛表情包
2019年03月31日19:02

有名你叫新一代宅男女神,簡淑兒行出街真係唔係講笑,著住淺藍色仙氣長裙、孭住cute爆hello kitty背包,純過蒸餾水咁嘅樣,有乜理由唔吸引人望多兩眼?

撰文:東方新地 圖片:新傳媒圖片

延伸閱讀:

回顧張國榮早年罕見魅力相 型英帥靚正爆鏡!

公開47歲袁詠儀3招瘦身秘訣 2個月激減20磅!

簡淑兒 可愛表情包

早前簡淑兒就喺尖沙咀,就畀個港男眼望望目及女神!其實得宅男冧爆奉為女神又真係唔出奇,由電視台收工到一路搭車出尖沙咀,簡淑兒keep住一個甜美無辜樣,等朋友時講住手機保持通話,就算隔離左右冇人,都係又嘟嘴又甜笑,表情自然豐富,可愛到好似表情包一樣,唔怪得之港男望極都嫌唔夠喉啦!

簡淑兒
簡淑兒
喺電視台開完工,簡淑兒等朋友車接載出市區,一個人講電話時,一時嘟嘴一時又包包面,眼仔碌碌表情豐富,係cute嘅!

唔止表情可愛,藍色長裙白色鞋再加Hello Kitty背包,一身裝束都仙氣十足好有女神範!
有圖有真相,出到尖沙咀唔少途人見到女神都想望多兩眼,真係有港男偷望!

簡淑兒 新一代宅男女神

出身自組合「少女標本」的簡淑兒,自從喺《愛‧回家之八時入席》中飾演秘書Elsa後備受關注,招牌腰果眼、甜美笑容加上密密短裙露長腿成為觀眾討論焦點。

簡淑兒
簡淑兒
簡淑兒眼大大鼻高高瓜子臉,形象清純,係新一代宅男女神之一!
簡淑兒
簡淑兒
簡淑兒同時下少女一樣,最愛自拍!

《波士早晨》係處女劇

《波士早晨》中,簡淑兒飾演成日撞板甩碌嘅年輕OL Hana,其實套劇早係三年前拍下,仲係簡淑兒拍嘅第一套劇!

簡淑兒
簡淑兒
簡淑兒在波士早晨中,同張致恒做一對!
簡淑兒
簡淑兒
簡淑兒大讚前輩陳慧珊好NICE!

《波士早晨》又見到佢

《波士早晨》簡淑兒飾演一個初級秘書仔,怕怕醜又驚青咁,由佢演繹就適合不過!

簡淑兒
簡淑兒
作為處女劇,未簡淑兒的表現如何呢?
簡淑兒
簡淑兒
簡淑兒會同張致恆有感情線。
簡淑兒
簡淑兒
簡淑兒仲有激罕著泳衣濕身鏡頭~
簡淑兒
簡淑兒
簡淑兒飾演可愛秘書!
簡淑兒
簡淑兒
簡淑兒在波士早晨中演OL,原來套劇係佢處女劇!

而喺《平安谷之詭谷傳說》,簡淑兒飾演鄭子誠個女淼淼!

簡淑兒
簡淑兒
簡淑兒大讚鄭子誠拍劇期間教佢唔少!
簡淑兒
簡淑兒
簡淑兒仲有一場落水戲!

佢喺《迷》入面飾演田蕊妮女兒Chloe,角色設定係一個中學生,雖然佢真人同阿田只係相差13歲,但完全冇違和感!

簡淑兒
簡淑兒
簡淑兒在《迷》中演學生妹,入形入格!

妝頭出事?

但回到2012年簡淑兒選港姐時,實在只可以用一個四字詞:「其貌不揚」,細眼、扁鼻兼顴骨又大,難怪頭圈已經被淘汰。事隔6年面目全非,愈大愈靚,簡淑兒就曾經解釋係當初官方妝頭出事喎!

簡淑兒
簡淑兒
簡淑兒2012年選港姐入行!
簡淑兒
簡淑兒
呢個係簡淑兒,你認得出嗎?﹗

原來係富家女

由美國回流返港的簡淑兒,入行以來都甚少談及自己的家庭背景,只知道佢有6兄弟姊妹,但原來佢家境相當不俗!簡淑兒父母經營珠寶生意,在上水及將軍澳都有專門店。另外喺紅磡一幢工業大廈亦購入兩個單位作寫字樓,生意規模唔算細。簡淑兒亦曾經幫屋企生意做生招牌,擔任代言人兼模特兒,甚至贊助過TVB及亞視藝人鑽石首飾出席活動。

簡淑兒
簡淑兒
簡淑兒家族經營珠寶店生意,由佢做代言人最適合不過!
簡淑兒
簡淑兒
簡淑兒呢個Look,清純到加零一!
簡淑兒
簡淑兒
簡淑兒最愛自拍!
簡淑兒
簡淑兒
簡淑兒穿上卡通衫,Cute到呢⋯⋯

簡淑兒 強調自己純天然

簡淑兒之前出席活動,被問到疑似變樣的傳聞,佢就話用人生最核突的舊照同現時相比,分別當然大,所以點講都冇用。之後佢強調自己係純天然,自己選美後就去拍劇,如果有整大家都會留意到。但問題係,依家真係好多人留意你唔同咗樣喎……

提到近日被爆係有錢女,佢就話屋企只係做一啲小生意,自己出入唔會有司機接送,平時返電視城或者出席活動都係搭巴士。另外又稱自己雖然同家姐住,但就唔係住凱旋門,絕對唔係有錢女。

簡淑兒
簡淑兒
被指同選港姐時個樣好大分別,簡淑兒受訪時強調自己純天然!

延伸閱讀:

選擇困難症!蔡少芬、張晉買貼身用品好認真…

更多新聞