「龔水戀」炒大鑊鬧分手 呂慧儀:最快講分手的愛回家CP!
2019年04月02日17:11

早排白色情人節3月14日,無綫處境劇《愛.回家之開心速遞》以「白色情人節」為題,當中人氣極高由張景淳飾演的龔燁、呂慧儀飾演的熊若水嘅「龔水」CP,上演一幕「世紀之吻」後,一直展開地下情。見到佢哋終於開花結果,唔少觀眾看得甜在心頭!不過呢頭一齊只係半個月,今晚播出的一集二人就鬧分手?係真唔係呀!

撰文:東方新地 圖片:新傳媒圖片、影片截圖、Instagram

延伸閱讀:

朱千雪爆當年XXX上陣選港姐 「媽咪自細都叫我唔好…」

必睇新劇《鐵探》10大追劇位 網民:紅姐、黑仔都夠好睇!

《愛回家》白色情人節上演世紀一吻

早排白色情人節3月14日播出的《愛.回家之開心速遞》,龔燁與阿水在夜幕月色下的噴水池邊相會,阿水拿出被棄置的愛心曲奇,向對方盡訴心中情,表明願意給對方一個機會做自己男朋友!

阿水盡訴心聲

沉默過後,正當阿水擔心自己會否「食檸檬」之際,下一秒龔燁和阿水嘴唇已經緊緊貼上,以深深一吻來代替講話!

深深一吻來代替講話

這段歷時一年三個月、一波三折的「龔水戀」,終於在白色情人節開花結果,不少一直追看《開心速遞》的觀眾都睇到好感動!

正當阿水擔心之際……
龔燁突襲式一吻!

好肉緊!

大家等咗呢一刻1年3個月啦!

最後龔燁加多句:「三個字,我願意」觀眾都冧爆!

呢頭一齊 嗰頭分手?

之不過嗰昨晚播出的第547集預告,若水同龔燁吵大鑊!咦!唔通咁快就玩完?明明佢地半個月情人節好sweet咁表白,仲喺埋一齊,點解今次會咁㗎?片段中,Peter、馬豹等男組員找龔燁私下開會,他們大數若水的不是,仲搞死侍小組揾人去扮追熊若水!

片中眾人開心龔燁獨憔悴,枱上放咗好多錢,唔知係咪打賭呢?!
鏡頭一轉,龔燁就「壁咚」仲按住若水雙唇,好似想嘴咀咁!

龔燁喺𨋢同若水大玩甜蜜,但全程死侍小組都喺CCTV睇直播,成班人緊張過後仲做出個得米嘅表情,似乎目的達成!

影住CCTV!

龔燁送上一大束紅玫瑰公開示愛,若水似乎好開心,雙下巴都唧埋出嚟!

佢哋真係好合襯!

但轉頭二人卻在天台鬧大交,原來若水知道Peter佢哋搞死侍小組,話佢好難頂,要揾龔燁扮追熊若水啃咗佢,臨尾水水仲傷心大嗌:「我哋分手啦!」而龔燁就拎住張紙仔,係咁叫水水冷靜啲聽佢解釋!到底二人係真分手定係耍花槍?相信粉絲都十分緊張!

水水真係好嬲咁呀!

而「熊若水」呂慧儀呢日甫出一張同「龔燁」張景淳攬攬嘅相,驟眼望落好似好Sweet,但佢自爆同「龔燁」可能會成為套劇最快講分手嘅愛回家CP!

呂慧儀喺社交網上載一張被張景淳「壁咚」嘅相,留言:「要追水水需要好大勇氣,最後威龍男子組死士們都死光了,剩下一個叫『有龔駛盡利』。一個壁咚,雙下巴跑出來了。」

「龔燁」同「熊若水」呢對《愛.回家之開心速遞》嘅螢幕情侶深受觀眾歡迎,不過原來都有人唔鍾意!講緊嘅之唔係4歲嘅囝囝蟹子囉!呂慧儀喺社交平台透露:「老闆已經識得自己重溫愛回家,終於趁我不在家看了534,老闆話唔開心,見到Stanley哥哥錫佢秘書,以為秘書唔錫佢了。秘書覺得老闆好可愛😍,當然有解釋給老闆聽,那是秘書的工作,老闆懂事無(冇)嬲,仲抱緊錫返(番)添!」

延伸閱讀:

胡杏兒泰國渡假首晒第2胎孕照 網民:陀得超靚!

更多新聞