【晒泳衣照】陳茵媺38歲生日 一家五口齊齊旅行慶祝
2019年04月03日16:29

藝人陳茵媺4月1日38歲生日,出名愛妻號嘅陳豪當然會放底工作,陪老婆慶祝生日。陳豪為咗氹老婆開心,就同埋3位小朋友齊齊陪陳茵媺去旅行,之前被傳話產後難以修身成功嘅陳茵媺,今日就喺社交網站上Po出一張泳衣照,見陳茵媺身材佼好,傳言就不攻而破!

撰文:Kayla|圖片來源:Instagram

延伸閱讀:

【親子好去處】8大生日派對場地推介

【親子好去處】復活節2019 3大放電好去處

一家五口去旅行

4月1日係陳茵媺38歲生日,陳豪於是就帶埋3位小朋友,陪老婆出埠慶祝生日。繼陳茵媺日前曾分享大仔幫佢影嘅兩張相,今日就大晒同老公陳豪嘅合照同泳衣照,見陳茵媺身材超好,絕對唔似已經生咗3個小朋友!

5歲大仔親自幫媽媽影相!
喺仔仔眼中,媽媽永遠係最靚!

囡囡扮公主超似陳茵媺

陳茵媺係選美出身,喺2006年獲得香港小姐冠軍及國際親善小姐,繼而入行。2013年下嫁喺拍劇時認識嘅陳豪,婚後生咗大仔陳梓燁(Aiden Joshua)、二仔陳浩鋒(Nathan Lucas)同囡囡陳凱婷(Camilla)。唔經唔覺,囡囡Camilla依家已經兩歲啦,近期仲開始鐘意扮公主,真係愈大愈靚女!

陳茵媺
陳茵媺
陳茵媺一家五口

動畫《魔雪奇緣》近年深得小朋友嘅喜愛,就連陳茵媺囡囡都唔例外。呢日,陳茵媺就喺社交網站到分享自己終於屈服咗買套Elsa套裝畀囡囡,仲上載埋Camilla扮Elsa嘅相,相中囡囡戴上皇冠,手持權杖,仲有戴埋戒指同頸鏈,超可愛!

陳茵媺
陳茵媺
陳茵媺細女Camilla扮Elsa,真係好可愛!

有咁得意嘅相當然要同好朋友Share啦!陳茵媺隨即將相片send畀好姊妹朱凱婷(Heidi),點知對方竟然即時諗起陳茵媺當年選美嘅相,仲將兩張相合拼埋一齊!陳茵媺更以英文留言:「買咗套Elsa皇冠套裝畀佢(我終於屈服了)之後,我影咗右邊張相仲Send埋畀我朋友,因為佢真係好可愛…😜然後我嘅好朋友製作咗呢張拼貼畫,大家睇下佢send返咩畀我!😂😂感謝親愛的朱凱婷畀咗個充滿歡樂嘅早上我!❤️」

陳茵媺
陳茵媺
Camilla同陳茵媺真係好似樣,一樣咁靚女!

囡囡勁有港姐冠軍相

唔少網民都覺得Camilla同陳茵媺真係好似樣,成個餅印咁一樣咁靚女,一樣有港姐冠軍相!唔知Camilla大個之後會唔會好似媽媽咁去選美呢?

陳茵媺
陳茵媺
陳茵媺係選美出身,喺2006年贏得香港小姐冠軍及國際親善小姐
陳茵媺
陳茵媺
Camilla真係愈大愈靚女

其實Camilla同陳茵媺細個個時都真係好似樣㗎!

陳茵媺
陳茵媺

陳茵媺
陳茵媺

整相簿情人節冧爆陳豪

情人節一直都係夫妻、情侶放閃嘅大好機會,而藝人陳茵媺同陳豪喺今個情人節就拍住拖咁去咗西班牙旅行,過二人世界。陳茵媺喺Instagram上分享自己今年送俾陳豪嘅聖誕禮物,原來就係一本記錄低佢哋由相識到結婚生子嘅「愛的相簿」,咁有心思,難怪陳豪冧爆!

相簿嘅封面,係陳茵媺同陳豪第一次喺TVB影嘅合照,陳茵媺仲話入面放咗好多由拍拖時期到結婚嘅點滴,前前後後用咗一星期去整,真係有心機!

物輕情義重,雖然本相簿唔係咩名貴禮物,但陳茵媺為陳豪所花嘅心思,已足夠證明佢哋兩夫妻之間的愛。陳茵媺留言:「I am so lucky to have a boyfriend, husband, confidant, and a best friend in you. My heart belongs to you and yours only… now and forever.(我非常幸運,有你成為我的男朋友、丈夫、知己,及最好的朋友,我的心永遠都只屬於你)」

延伸閱讀:

【親子好去處】5大度假營推介 入住特色Camp

更多新聞