傅嘉莉拍新劇被高Ling藐爆 抽錯水怒犯眾憎!
2019年04月05日18:20

傅嘉莉近年負面新聞未停過,早前識於微時的姊妹呂慧儀宣布離婚,傅嘉莉公開指摘對方當年利用佢做新聞,反被狂轟抽錯水淪為超級是非精,電視台人緣再次跌到新低點,搞到新劇《極道怪咖》男女演員人人避之則吉,連出名易相處朋友多嘅高海寧都藐爆佢!

撰文:東方新地|圖片:東方新地

延伸閱讀:

邱淑貞二女沈日睇藝術展露腰晒腿 網民:都係沈月靚啲!

盤點圈中10個爆肌猛男 肥仔激減34磅變筋肉人!

六年前傅嘉莉因為誤會一場被網民當正係呂慧儀、黃文廸之間的小三,想為自己澄清冇錯,不過揀正人哋宣布離婚時叉隻腳po長文就絕對係抽錯水。雖然傅 嘉莉接連多日成為網民攻擊目標、自作自受成為呂慧儀離婚風波新聞人物,但工都係要照開。

Model年代已經相識、更曾擔當對方婚禮姊妹,傅 嘉莉近日揀啱Timing在呂慧儀宣布離婚時舊事重提 又暗示二人不再是朋友,即被網民插爆無情無義抽 錯水。

日前香港國際影視展開幕,無綫新劇《極道怪咖》全劇演員奉命現身會展宣傳,對住記者鏡頭個個笑笑口影大合照,不過指定官方動作一做完,男女演員包括女主角高海寧極速從傅嘉莉身邊彈開。

據知情人士透露,一向多是非惹緋聞,其實早於呂慧儀離婚前,《極道怪咖》 整 個 拍 攝 過 程 , 都 冇 乜 人 敢 埋 傅 嘉 莉 身 :「 雖然Kelly入 咗 電 視 台 成 六 年 , 但 係 佢 一 向形象多是非又惹火,當家花旦圈子佢打唔入,二、三線嗰班佢又睇唔起人,所 以一直冇乜朋友。再加上上親報都唔係好嘢,基本上套劇一開,男演員怕惹緋 聞、女演員就驚惹是非,除咗開工都做慣獨家村。」

做慣片場獨家村,亦都慣咗一個人獨來獨往,日前傅嘉莉出 席完商場活動,又係一個人登上保母車返回自置的南灣豪宅。
一向在電視台人緣好朋友多,高海寧個人社交網有不少 《極道怪咖》同劇演員親密合照,不過就一張傅嘉莉都搵唔到,據悉二人在片場拍劇幾個月都冇乜兩句。

做得傅嘉莉朋友,除咗會被傷口撒鹽,亦都要做定心理準備成為對方自家頭箍品牌宣傳工 具。可惜傅嘉莉圈中朋友為數不多,最終只得陳凱琳、胡杏兒出面做過生招牌。

出道多年同多位富貴兼有家室叔父輩傳緋聞,傅 嘉莉收入與支出不符已不是新聞,電視台月薪不 過兩萬,傅嘉莉日前同媽媽去買家品,繼續有富 豪級保母車同私人司機接送。

「如果識做都唔會搞到大家關係 咁差,最慘係套劇高Ling、馮盈盈擔正,傅嘉莉就好鍾意喺廠擺女主角款,佢喺套 劇做賴慰玲個妹,人哋演社團大家姐都係用番道具組提供嘅朱義盛,但Kelly 就成 身行頭好勁,閒閒哋一個私伙手袋都十幾萬,係專業定係有心炫富,點會睇唔 出!」大茄行頭貴過幾個女主角總和,離地又是非點會有朋友?

官方海報可見,高海寧、馮盈盈至係女一,傅嘉莉排位仲低過湯怡、 賴慰玲同蔣嘉旻,不過工作人員就透露有人在拍攝現場經常當正自己 女主角擺花旦款。
向來出動天價私伙拍劇的都係汪明荃、鄭裕玲等阿姐級,傅嘉莉拍《極 道怪咖》不時出動名牌手袋同服飾,被同劇演員視為炫富,齊齊藐爆。

延伸閱讀:

4月最新5套韓劇速遞遂劇捉 崔始源一年後再回歸!

更多新聞